Metiu 18:22 - Nyindrou

²² Ya Jises asumon iy i buku doh, “Jo basehek anya ou mani kandriyen ndra-in tan san ndro taloh le bwe. Jo anya ou mani kandriyen ndra-in tan san ndro taloh, ano san ndro taloh ja, ano san ndro taloh ja, ili ili winiya asahan san nyaran bwe.

Metiu 18:22 Referans Kwoze

Kolosi 3:13

Buku ari ndramak udu bolo ndrokowa aha, ndrinen andra-i udu ta nadu tinen ari ja, iy nane amekes ndra-in ili tan, mwasin ta iy kabwese maha-an doh le ai. Iy kati-iy ma kamani kandriyen ta ndramak nane doh. Tasah, Laban ndramani kandriyen ndra-in taha marakon, ya aha ale kamani kandriyen ndra-in ta nadu tine aha iri rayah ja.

Tarou ta Mak 11:25

Ya i buku none ou are ales ta salom badeh, ou badeh, balem kamani saba lomondra ndra-in ta bada are lau, ya idah kameh ou ale tamam Kindrei udu kandrah kameh sikine lomondra ndra-in tam iu.” [

Epesus 4:31

Eme ma, taha karuwani iri kandriyen ta ndrine taha ndra-in, losen, ndrinem ato-ou, sahou tebelese, sahou sondrokonya. Ma aha samekes bahun laleyah sala tiri lau.

Jenesis 4:24

I buku none lau ndro taloh amak ta saluwe Ken imek, badeh kameh ndro tonoh ndro taloh (77) kameh amak i buku none iri kadai jo.”

La-ukei ta Pol atorou ili tiri lau badu kon Rom 12:21

Ou samukuni kandriyen ndra-in sasakalawi ou, ndri-iy; arile ou tihisi kandriyen ndra-in na kandriyen mwasin.

Epesus 4:26

Ma ale, buku aha andra-i ta lakou, ya, bale aha kudu aliy! “Kora-on aha kandra-i ma amekes kandriyen ndra-in.” Wari 4:4 Kora-on losen taha udu aliy, winiya le an amai iu ili andri na beyeh, ma aha tawi losen doh udu le gwek kahis.

1 Timoti 2:8

Eme ya budon tek, jo aseken aha lau mwasin ta mada Kindrei badu kon mari kamekes salom ma kasore mine aha ki loke. Ma hawe aha kateu lim, ma aha sasobobo ndri-iy.

Metiu 18:23

Ado kanuhun, tondrok ta Kindrei i buku none ari kabin anya kakohok iri luk oro lau tan ta gok mene andrei buku dinau udu minen, ma oro batehei saluwen bwe le.