Metiu 18:19 - Nyindrou

¹⁹ Ya jo asehek ja ewek tado. Buku none ah la-uh lau badu kon munyak atehei budon ta ah i se ta ari lakou, ya ah asolom ta amekes, o, ta akohok lakou doh, mwasin tama udu kandrah winiyan atehei ewek ta-ah.

Metiu 18:19 Referans Kwoze

Metiu 7:7

Jises asehek ili le i buku doh, “Ado kandremenya, ya ado kameh akohok. Ado kasilah, ya ado kameh takalahei. Ado kalim kou, ya kou kameh asak tado.

Tarou ta Mak 11:24

Ya ta sehek ta aliy i buku doh, sasah ou ndremenya i san ta salom, ya budon tam ki-in ta aliy handru i buku ou ndrandrei, idah kameh ou andrei handru.

Tarou ta Jon 16:23

Buku len doh asahan, ado kameh bandremenya jo ta saba lakou ja bwai. Jo tiye tado handru. Tama kameh edeu tado iri saba lakou ado aso-ok, buku ado ndremenya iy in ta bwele-e nyarak.

Pilipai 1:19

Tasah jo tanan labai, na salom tado ma hawe na seben tado na boto-on ta Malawin Ndrabun ta Jises Krais badeh, winiyan sebenei jo hawe kohak udu mwasin.

Metiu 21:22

Ya buku none ado atehei budon boto-on ma asolom, iri lakou ado asolom ta akohok, ado winiyan kuhiy.”

Tarou ta Jon 15:7

“Buku aha ahis hawek ma aha tawi iri sahou tek udu ndrine aha ihis, aha winiyan ndremenya jo ta iri saba lakou aha aso-ok. Jo kameh winiyan atehei ewek taha.

1 Jon 3:22

Taha winiyan akohok iri lakou ereu tan eme, buku taha ndremenya iy, tasah taha badeh, anuhun sahou batanau tan, ma amekes iri kandriyen ta amekes iy kasekesek.

Aposel 12:5

Ya eme iri atehei Pita udu bolo kou udu gwek, arile iri lau atehei budon tiri handru i ta Kindrei badeh, amekes salom boto-on tan, ili ta Kindrei.

Tarou ta Jon 15:16

“Ado basolo-ei jo bwe, jo le amwenen andrei ado, ma jo atehei ado ala ta ato-ou buwa kei solo-an, ma sali iri kameh kudu luluwen. Eme ma buku aha asolom i ta tama, ma aha ndremenya iy in ta nyarak ta saba lakou aha aso-ok, tama winiyan atehei ewek taha.

Aposel 1:14

Oro mari atukum ame se ya oro atehei budon toro i randra le i ta salom. Ma hawe oro badih rayah hawe Mariya tine Jises hawe nadu tine Jises ale udu hawe oro.

Metiu 5:24

ya, ou ruwani salom tam kudu andri bwena ta mada koto-ok op. Ou ala hawe nadu tinem, ou asehek sahou mwasin kili ta nadu tinem, ta leheya ndrine sen tam hawe nadu tinem ndrano ai. Ano ya ou ame barala baradeu salom tam barala bwele-e mada koto-ok ta salom.

Aposel 6:4

Ya aso badeh, budon taso ki le ta salom ma katiye sahou ta Kindrei.”

Aposel 16:10

Eme ya Pol anyolom lele doh ano le badeh, aso alokou aso i le rasan, ta aso kala Masadoniya. Tasah, aso tanan Kindrei badeh, aloh aso kala katiye sahou mwasin ki tiri.