Metiu 18:15 - Nyindrou

¹⁵ Jises asehek sahou ja i buku doh, “Buku none nadu tinem bwidi kandriyen ndra-in ewek tam, mwasin ta ou ala atou iy, ya ah kasehek sahou ki se ta kandriyen nane. Buku none iy anuhun sahou tam, mwasin, ou ndrandrei nadu tinem ndrame hamon.

Metiu 18:15 Referans Kwoze

Kolosi 3:13

Buku ari ndramak udu bolo ndrokowa aha, ndrinen andra-i udu ta nadu tinen ari ja, iy nane amekes ndra-in ili tan, mwasin ta iy kabwese maha-an doh le ai. Iy kati-iy ma kamani kandriyen ta ndramak nane doh. Tasah, Laban ndramani kandriyen ndra-in taha marakon, ya aha ale kamani kandriyen ndra-in ta nadu tine aha iri rayah ja.

Galesiya 6:1

Aha nadu tine mwan ma badih, ki buku none aha ari kamekes kandriyen ndra-in, aha are an hamon ta Malawin Ndrabun badeh, kaleheya iy kasahan ta budon mwasin i san ta manamun; arile, bale aha ale ki-in taha, kora-on aha kataku ja.

2 Tesalonaika 3:15

Arile, aha sabudon kaliu tiri udu bwele-e aha, ndri-iy. Aha badeh, kabatanau iri, ki buku nadu tine aha iri handru.

Metiu 18:35

“Idoh buku le tama udu kandrah, iy kameh amekes iri kandriyen doh ewek taha mari, buku aha bamani iri kandriyen ndra-in nadu tine aha ari ja amekes ewek taha bwe.”

La-ukei ta Pol atorou ili tiri lau badu kon Rom 12:21

Ou samukuni kandriyen ndra-in sasakalawi ou, ndri-iy; arile ou tihisi kandriyen ndra-in na kandriyen mwasin.

1 Pita 3:1

Buku none le iri lau ta gok nane anuhun sahou tiri lau an bwena tiri, aha badih ndratasou, aha ka-en bahandra udu aha iri, ma aha kanuhun sahou tiri. Tasah, udu aha iri rayah badeh, ba-en hamon ta sahou ta Kindrei bwe. Mwasin, iri baranyolom aha udu iri badeh, bamekes sahou ta aliu budon tiri bwe. Iri anyolom aha amekes kandriyen mwasin le. Idoh kameh mesekei iri atehei budon tiri i ta sahou ta Kindrei, ma bwidi iri tubuni ndrine iri, ma iri ame an hamon ta Krais.

1 Korin 8:12

Budon ta lau ta Kindrei rayah basahan baleu mara-ei bwe. I buku aha amekes kandriyen ndra-in doh ili tiri, ma bwidi budon tiri andra-i, aha amekes idoh ili ta Krais ale.

2 Korin 7:12

Jo mene atorou la-ukei doh ewek taha, jo batehei budon bala ta iy ndramak nane amekes ndra-in ewek taha bwe. Ma jo ale babudon boto-on ta ndramak akohok andra-i bwe le. Katin ta jo atorou la-ukei mene badeh, i buku doh: Jo anya kaleheya aha amwenen, buku aha badeh, aso-ok ahi labai, ma aha a-en hamon ta boho ahi. Eme ma Kindrei tanan iri lakou mara-ei dah.

1 Tesalonaika 4:6

Buku aha ba-en hamon ta sahou dah bwe, ma amadin hawe udu ndramak ari ja, aha amekes karei ili tiri lau ta Kindrei, iri nadu tine aha, ma wendreya iri ta lakou doh. Ari ndramak samekes kandriyen buku doh, tasah Laban badeh, edeu ndramas ndra-in ili tare lau nane amekes lakou doh. Handru, bwena mene ahi adeu sahou boto-on labai tiri lakou doh ndrawek taha.

Metiu 18:14

Buku le tama ado udu kandrah, iy bwalen ari nadu nah kede-eh samai.”

Metiu 18:21

Kala doh Pita eme hawe Jises ma ndremenyani iy i buku doh, “Laban, san sabe buku nadu tine kamekes ndra-in keme tek, ya jo kamani kandriyen ndra-in tan doh? Sebwe san ndro taloh le nadeh?”

Taitus 3:10

I buku none are lau leheya tanan randrah labai bamwenen ta leheya handru bwe, ya aliu budon tiri lau iu i len, ou abarah iy kandru-uk ta leheya doh. Ya, i buku none iy amekes le kili badeh, ou abarah iy san rasan ja. Ya, i buku none iy banuhun bwe le, ou teleya iy.