Metiu 18:14 - Nyindrou

¹⁴ Buku le tama ado udu kandrah, iy bwalen ari nadu nah kede-eh samai.”

Metiu 18:14 Referans Kwoze

2 Pita 3:9

Eme ya Laban badeh, bamunum ta budon tan nane iy tandrakan ta amekes bwe. Bala buku none bale taha lau ala lomondra ta aliy anya amunum kede-eh bwe. Arile, iy badeh, udu le atondrok taha, tasah iy badeh, aseken taha mari katubuni ndrine taha ta kandriyen ndra-in, ya taha sala bolo jih.

Tarou ta Jon 17:12

Len jo udu ndra hawe oro, jo atondrok oro udu mwasin labai, are bahandra boto-on ta nyaram, ou mene tondrohon jo. Jo turuki oro na aliy, eme oro mari are mwasin. Iy ari le toro kameh amai iu mara-ei. Idah kameh iri sahou marakon udu bolo buk ndrabun asahan eme lewan handru.

Tarou ta Jon 21:15

Udu hamon ta nyamon toro ano, Jises eme ndremenya Saimon Pita, “Saimon, nadu Jon, ou kede-eh aso-ok jo tinan labai ja, toro rayah kede-eh ja nadeh?” Pita anya, “Ehe Laban, ou ndratanam jo, jo badeh, aso-ok ou tinan labai i buku ari kawas.” Jises eme tiye i tan ja, “Ou atondrok iri nadu sipsip tek.”

Hiburu 12:13

Eme, “Aha kadek san monen.” Tanan 4:26 Ya, i buku ari ndramak iy badek bamwenen bwe, iy kameh edek amwenen ja.

2 Timoti 2:10

Eme ma jo sekesek ta ato-ou iri maha-an mari ale asahan tek. Jo bwese iri maha-an ta aseben iri mwan ma badih marakon Kindrei ndrandromwei iri ndrala tan, ma jo anya, iri kameh kakohok kohan handru ta Jises Krais doh, ma iy kameh winiyan andrei iri ala ado hawen are kandrah ta are le buku doh.

Tarou ta Luk 12:32

“Ado marakou sanoh! Tama ado Kindrei badeh, sekesek tado labai, eme ado kameh atondrok lakou hawen.

Metiu 6:32

Iri lau badu leheleh aseken ma asilah iri lakou mari doh. Ado sala buku iri, tasah tama ado udu kandrah tanan saba lakou ado aseken.

Metiu 6:9

Ya idah san ta salom ado ka-en hamon ta aliy: Tama aso, ou ado kandrah. Nyaram badeh, ki ndrabun.

Metiu 5:16

I le buku san dah lomada ado kanya kili bwena ta lau. Ya idah kameh iri lau atou lahou tado ma kandriyen mwasin tado, eme ya iri lau kameh sekesek ma atudun tama ado Kindrei udu kandrah.”

Metiu 18:13

Jo asehek sahou handru ewek tado, buku none iy takalahiy, iy kameh sekesek labai. Iy sekesek toro ndro ronoh ndro ari (99) sipsip nane bamai bwe, arile, buku none iy takalahei sipsip ari nane amai, sekesek tan kameh i tinan labai.

Metiu 18:15

Jises asehek sahou ja i buku doh, “Buku none nadu tinem bwidi kandriyen ndra-in ewek tam, mwasin ta ou ala atou iy, ya ah kasehek sahou ki se ta kandriyen nane. Buku none iy anuhun sahou tam, mwasin, ou ndrandrei nadu tinem ndrame hamon.