Metiu 18:10 - Nyindrou

^10-11 “Ado kabudon kamwenen. Kora-on ado anya ari ereu ndrokowa oro nah kede-eh lakou laleyah. Bwe handru. Jo asehek tado amwenen, ereu kandrah oro angelo toro badeh, len mari oro areu mada tama ereu kandrah.”

Metiu 18:10 Referans Kwoze

Hiburu 1:14

Iri angelo badeh, malawi iri le, iri ta amekes gok ta Kindrei. Kindrei tiye iri ala ta aseben lau, ta akohok iri kame hamon ja.

Tarou ta Luk 16:22

“Ano, Lasarus imek ya iri angelo badu kandrah ame andrei iy ili manyah udu ka-u Abraham. Ano ndramak tan lakou solo-an ale imek, ya eme iri ahi iy.

Metiu 24:31

Ya kurutuwe ndrah kameh anyar tinan labai, ma iy kameh suni oro angelo tan au ala kati jor ma hahuw ereu bolo munyak dah, ta atukum iri lau tan, ala budon tan udu tiri, ereu kon ranah ili taku ranah ame hawen.

Tarou ta Luk 1:19

Eme angelo dah tiye, “Jo dah, angelo Gabiriyel. Jo ales udu mada Kindrei eme dah, ta asehek nyalam ta sahou mwasin dah.

Metiu 18:14

Buku le tama ado udu kandrah, iy bwalen ari nadu nah kede-eh samai.”

Metiu 18:6

Jises asehek ja anya, “Buku none ari ndramak bwidi ari nadu nah ale atehei budon tan eme tek taku ta kandriyen ndra-in, sebwe mwasin ta ndramak doh kasawei ari bek maha-an ki balen ma kakahei iy katuh kili bolo ndras lawe-en ya iy kimek.

Metiu 2:19

Hamon ta Herot imek, angelo ari ta Kindrei asahan ta Josep udu bolo ameh udu Ijip,

Metiu 2:13

Udu bada len oro anya ka-au le badeh, angelo ta Kindrei ari eme tiye ta Josep udu bolo ameh na ben. Iy tiye i buku doh, “Ou amak! Ou andrei iy nah hawe tinen, ma ado katobwak ka-au kala Ijip. Ado kado gwek winiya jo le baratiye ou, tasah Herot kameh asilah iy nah dah ta idi iy kimek.”

Metiu 1:20

Arile iy abudon kahis le badeh, angelo ari ta Kindrei asahan ta Josep udu bolo ameh ya asehek i buku doh, “Josep nadu Debit, ou sanoh ta akohok Mariya ewek udum. Tasah, na boto-on ta Malawin Ndrabun Mariya susune nah.

1 Tesalonaika 4:8

Eme ma, lau banuhun sahou doh bwe, iy batehei konan bala ta ndramak le bwe. Iy atehei konan ili ta Kindrei, ma Kindrei edeu Malawin Ndrabun tan le amwenen ewek taha ta aseben aha.

1 Korin 11:22

Buku sah handru? Sebwe, aha badeh, ra-em asumwe aha ta aimon nyamon, ma a-un gwa are aliy bwe? Eme ma aha ame asiu ta Kindrei ta amekes iri kandriyen doh nadeh? Sebwe aha anya, iri lau ta Kindrei doh lakou laleyah, ma aha adeu bwilima ili ta nadu tine aha iri nane baimon nyamon bwe, nadeh? Jo kameh kasehek saba lakou kewek taha bah? Sebwe jo katudun nyara aha ai? Jo winiyan bwai!

1 Korin 16:11

Kora-on iri rayah taha kanyolom iy i buku ari ndramak laleyah, ma iri katehei kona iri ki tan. Aha kabwidi ndrinen kudu mwasin, ma aha kaseben iy ta san. Eme ma, iy kameh winiyan eme hamon eme hawek ja. Jo hawe iri lau rayah ta Kindrei atondrok iy ado kada-ah.

La-ukei ta Pol atorou ili tiri lau badu kon Rom 14:10

Eme ya aha anya katiye sahou nyarahan ki ta nadu tine aha rayah ja, anya ki sah? Ma mada aha anya kandra-i ta nadu tine aha rayah ja ki sah? Tasah, taha ndramak ndrasu-u, deh, taha bamak bwe, taha mari kameh ales are mada Kindrei ta sahou.

Aposel 27:23

Jo badeh, lau ta Kindrei ma jo badeh, lohowan tan; len marakon jo atehei bwili ndru-uk i andri i tan. Na ben nane iy suni angelo tan ari eme ales ere mirihik tek,

Aposel 12:23

Eme nawin bwe, angelo ta Laban mesekei iy ibo sik ma atarah i andri, ma iri nadu un ani iy, ma iy imek, tasah iy batudun Kindrei bwe.

Aposel 12:15

Eme iri anya, “Ou kede-eh budon tam ndra-au oh!” Bwai, iy asehek le ili anya, “Ado kanuhun jo. Ndrakan en! Iy asah udu manan kodo-oh.” Eme iri anya, “Sebwe, malawin eme ales nadeh.”

Aposel 10:3

Eme na beyeh ari, mada an taloh badeh, iy amekes lele. Eme iy anyolom angelo ta Kindrei ari eme asahan hawen anya, “Koniliyus, ei!”

Aposel 5:19

Arile, na ben badeh, angelo ta Laban eme sihi iri madasan ta i bolon asak ma kuhi oro ame len,

1 Timoti 4:12

Lau badeh, satehei budon sandra-i anya ou ma loweu le, bwe. Arile, ou badeh, asahan i buku torowe mwasin ta mada lau, ta bolo sehek sahou tam, ma ta bolo tekedek tam. Ma ou ale asahan ta aseben lau mari hawe budon tam ki lewen. Ma hawe ou badeh, ki buku torowe handru ta mada lau ta san ta budon handru.

1 Korin 9:22

Buku jo ili udu hawe iri lau, budon tiri bahis handru ta Krais bwe, jo kameh bwidi manyah tek i buku le iri, ta ariu iri ame hamon. Handru, jo badeh none ta in hamon ta kandriyen tiri mwan ma badih are laleyah, ta none iri madasan mara-ei, ta ariu iri rayah ka-en hamon ta Krais.

La-ukei ta Pol atorou ili tiri lau badu kon Rom 15:1

Taha are lau le budon tataha ndrabadok handru, kala kaseben oro are lau babadok bwe le ma kabwese maha-an toro. Ya taha sabudon le taha, ndri-iy.

La-ukei ta Pol atorou ili tiri lau badu kon Rom 14:21

Mwasin handru ta aha sa-un waen hawe aimon oda lakou ma hawe sasah, sasah ja, kora-on kabini nadu tinem ari ja kataku.

Rebelesen 8:2

Ano le badeh, jo anyolom oro angelo ma ndro taloh ales are mada Kindrei, ma iy atehei ndrah ma ndro taloh ili mine oro.

Galesiya 6:1

Aha nadu tine mwan ma badih, ki buku none aha ari kamekes kandriyen ndra-in, aha are an hamon ta Malawin Ndrabun badeh, kaleheya iy kasahan ta budon mwasin i san ta manamun; arile, bale aha ale ki-in taha, kora-on aha kataku ja.

2 Korin 10:10

Handru, lau rayah asehek i buku doh eme tek: “Udu bolo iri la-ukei ta Pol badeh, iri sahou solo-an boto-on labai ere aliy, arile buku len iy amwenen asahan ma asehek sahou eme tataha, taha anyolom iy se nyamun bwai, ma iy tanan kandriyen ta asehek sahou bwe le.”

2 Korin 10:1

Jo Pol, jo ndramak nane iri lau rayah taha asehek nyalak anya, “Pol kede-eh, iy inoh buku iy asehek sahou udu hawe taha, arile iy ja winiya banoh ta asehek sahou boto-on eme tataha ja bwe, buku iy iu ili len.” Ya, aha kanuhun! Krais badeh, batudun nyaran amwenen bwe, iy ta amekes le kandriyen mwasin. Eme ma, ta katin doh le, jo anya kandremenya aha:

Tarou ta Luk 10:16

“Ya are lau anuhun ado badeh, iy anuhun jo ale; ya are lau baseken ado bwe, i buku none iy badeh, baseken jo bwe ale. Ma hawe are lau baseken jo bwe, iy ale, baseken Kindrei bwe le, iy ndramak nane suni jo eme dah.”

Metiu 12:20

Bale banap badeh, boto-on bwe, ma anya kibok, iy winiyan batubwaniy bwe, ma iy winiyan basemete-ei sun ale banya bamwenen bwe. Iy kameh ibo gok udu le winiya le iy mesekei iri lau mari atana iri gok jo amekes ta akohok iri ame hamon.

Hiburu 9:24

Krais bala bolo asiu ndrabun nane lau atah na mine iri amwenen bwe, idoh malawi le asiu ndrabun handru ta Kindrei udu kandrah. Iy iu ili bolo kandrah amwenen. Iy ndrala mirihik hawe Kindrei, iy asehek taha i tan ma iy amekes gok ta aseben taha ale.