Metiu 17:5 - Nyindrou

⁵ Pita asehek sahou kahis le, asi kandrah ari anya labai ili tubuluhi oro. Ya sahou randra asahan bolo asi kandrah nane asehek i buku doh, “Idah naduk handru. Jo aso-ok iy labai, ma jo sekesek tan handru. Ado kanuhun sahou tan.”

Metiu 17:5 Referans Kwoze

Metiu 3:17

Eme ya aloh ari udu kandrah tiye i buku doh, “Badeh naduk handru, jo aseken iy labai, iy le mesekei jo sekesek handru tan.”

Metiu 12:18

“Iy ndramak dah, ta amekes gok tek handru. Jo aso-ok iy handru, ndrinek badeh, sekesek tan handru. Jo kameh atehei Malawik Mwasin i la-un, ya iy kameh asehek nyala gok tek mwasin ta jo kameh akohok iri lau mari badu kon munyak dah ame hamon.

Tarou ta Mak 9:7

Eme ma asi kandrah asahan ma tubuluhi oro, ya sahou ari asahan bolo asi kandrah nane asehek i buku doh, “Idah naduk handru. Jo aseken iy labai, ya ado kanuhun sahou tan.”

Tarou ta Jon 3:35

Taman badeh, aso-ok nadun tinan labai, ma iy eme atehei lakou marakon ili minen.

Tarou ta Mak 1:11

Ya, eme aloh ari udu kandrah tiye i buku doh, “Ou badeh, naduk handru, ma ou adek handru. Ou le mesekei jo sekesek labai.”

Rebelesen 1:7

Aha kanuhun! Jo atou iy anya keme badeh, udu bolo asi kandrah, ma iri mwan ma badih mara-ei kameh anyolom iy na mada iri amwenen, ma hawe iri mwan ma badih mara-ei badu Isra-el bwena mene orowei kabede Jises Krais na nyah ma tatahi iy i bada kei tondreh. Iri lau doh kameh anyolom iy ale. Iri lau mwan ma badih mara-ei badu kon munyak kameh abudon solo-an labai ta aliy, ma iri kameh a-um ade iri amwenen, ma aden i ndra-in labai. Ma, iri lakou mara-ei doh kameh asahan. Handru.

Tarou ta Luk 3:22

Malawin Ndrabun atah i buku ban eme andri eme bwele-en. Ya eme aloh ari udu kandrah tiye i buku doh, “Ou badeh, naduk handru, ma ou adek handru; ou le mesekei jo sekesek labai.”

Hiburu 5:9

Ma idoh bwidi iy asahan ndramak handru ta in hamon ta sahou ta Kindrei. Eme ma iy asahan kati kandriyen handru ta aseben ma ta akohok are lau iy in hamon ta sahou tan, ta iri kameh are le buku doh.

Aposel 7:37

Iy Moses le doh mene adeh tiye i tiri lau badu Isra-el anya, ‘Kindrei kameh suni propet ari ewek taha i le buku jo badu bolo ado amwenen.’ Dutoronomi 18:15

Tarou ta Jon 5:37

Tama le amwenen atehei jo eme. Iy ndratiye taha ta nyala tekedek tek. Aha banuhun se bohon ma aha batou se badan bwe.

Kolosi 1:13

Ma iy ndratolowei taha are mine balik ndrame len, ma iy ndratehei taha ndrala bahandra tondrok ta nadun Jises Krais, iy aso-ok iy labai.

Epesus 1:6

I san ta nadun amwenen Jises Krais, iy aso-ok iy labai, iy tikisi taha ma bwidi kandriyen mwasin labai eme tataha. Eme ma, taha badeh, katudun nyaran ta tikisiy ma seben laba tinan doh.

Tarou ta Jon 3:16

“Sahou doh handru, tasah Kindrei aso-ok taha lau marakon badu kon munyak tinan labai. Iy eme tikisi taha, ma iy atehei nadun mwan ari le eme tataha. Buku are lau iy atehei budon handru in tan, iy kameh winiyan bamak bwe, ma kohan handru kameh ta udu le buku doh.

Aposel 1:9

Eme iy asehek sahou doh i toro ano le badeh, Kindrei kuhi iy udu mada oro iu i loken, ma asi jor turuki iy amai ta mada oro.

Metiu 17:6

Oro lau ta Jises nane anuhun sahou doh, ya oro atehei bwili ndru-u oro i andri, ma bwili oro i bada munyak, ma oro anoh labai.

Rebelesen 14:14

Oro asehek sahou ano le badeh, jo anyolom asi kandrah rasi belen mara-ei, ma ndramak ari manyah udu aliy, konen badeh, “I buku le Nadu Ndramak Awas.” Daniyel 7:13 Barak ari bek nyikilikin badeh, udu batun, ma iy tawi samen gwak raho, madan labai udu minen.