Metiu 17:12 - Nyindrou

¹² Arile jo asehek tado i buku doh, Alaija ndrame, arile iri lau tana iri iy bwe. Iri an hamon ta budon tiri amwenen, ya iri amekes iri kandriyen mari i badan. Ya iri kandriyen doh kameh iri amekes i bada Nadu Ndramak Awas ale.”

Metiu 17:12 Referans Kwoze

Metiu 16:21

Kala doh Jises leheya oro lau tan anya iy ki-iu kili Jerusalem. Ya iy kameh akohok sisi-in solo-an labai ereu mine iri lau tinan areu bwena, ma hawe iri lau tinan tiri pris, hawe iri lau tanan ta sahou batanau. Ya iri kameh adai iy imek, ya len taloh ano iy kameh amak ja.

Aposel 4:10

idah kameh, ado ma hawe iri lau badu Isra-el katanan ta ndramak ales udu mada ado ndramwenen dah badeh, na boto-on ta nyara Jises Krais badu Nasaret. Iy mene ado atahi iy i bada kei tondreh ma iy imek. Ano Kindrei mete-ei iy amak eme awas ta imek tan.

Aposel 7:52

Are propet asahan bwena mene, ya tama aha oro mene badai iy bwe? Oro mene adai iri propet mene asehek ta nyala ndramak mwasin handru kameh barasahan. Ya eme na dah, iy ndrame, arile aha badeh, atehei sa-oh ma adai iy imek.

Aposel 2:23

Bwena mene Kindrei ndratanan iri lakou kameh asahan hamon, ma iy bwidi iri lakou asahan na le tanan ma seken tan. Eme ma, ado badeh, atehei iy i mine iri lau ndra-in, ma iri atahi iy imek i bada kei tondreh.

Tarou ta Jon 1:11

I buku bolo kon munyak ma hawe iri lau tan amwenen badeh, baso-ok iy ja bwe.

Tarou ta Luk 7:33

Tasah, kala Jon mene eme, iy abeles iy ta nyamon ta iy kedeu budon tan boto-on kili ta Kindrei, ma iy ba-un gwa waen bwe, eme ado anya, iy badeh, malawin ndra-in ereu la-un!

Metiu 21:32

Tasah, Jon asahan tado bwena ma iy leheya kandriyen mwasin ewek tado, arile ado batehei budon boto-on bala ta aliy bwe. Arile iri lau ta akohok luk taha ta takis, ma hawe iri badih ta madasarah atehei budon boto-on i tan, ma ado atou kandriyen doh, arile ado batubuni budon tado bwe. Ma ado batehei budon boto-on bala ta aliy bwe.”

Metiu 11:2

Kala doh Jon ta alomwa ereu bolo kou. Iy anuhun yoyou ta gok mari Krais amekes, ya iy suni oro lau tan ra-on ala atou Jises. Iy tiye toro

Metiu 8:20

Jises tiye i tan i buku doh, “Iri mwi badu lokei, munu iri udu aliy, ya iri sirih ale awi iri ta matinou udu aliy. Arile, jo Nadu Ndramak Awas, badeh, ari ndrahu matinou tek, bwe.”

Metiu 17:9

Eme oro are bwele-e mandrei ame andri, Jises batanau oro boto-on buku doh, “Saba lakou ado ndratou, ado sasehek ta ari ndramak ili winiya le Nadu Ndramak Awas amak ereu bolo lek eme loken ja.”

Metiu 17:11

Iy asumon oro i buku doh, “Sahou badeh handru. Alaija kameh eme, iy kameh lowosa iri lakou mari.

Metiu 17:13

Jises asehek i buku doh, ya oro lau tan atana oro buku iy asehek ta Jon ta alomwa.

Metiu 17:22

Jises hawe oro lau tan atukum areu loboho kon Galili. Eme Jises asehek i toro i buku doh, “Iri kameh atehei Nadu Ndramak Awas ili mine iri lau.