Metiu 16:6 - Nyindrou

⁶ Eme Jises tiye toro i buku doh, “Ado kanyolom kamwenen. Mada ado kaleu ta yis tiri Parasi hawe Sadusi.”

Metiu 16:6 Referans Kwoze

Tarou ta Luk 12:1

Udu, iri lau solo-an solo-an labai, ari ndramak winiyan bandromwei bwe, iri ame atukum ta anya kanuhun Jises. Eme ma kon aso mara-ei, ma rayah adek bwele-e rayah. Tasah, kon ari soson bwe. Ya eme Jises asehek sahou ma mwena i toro lau tan anya, “Mada ado badeh, kaleu ta yis tiri Parasi. Kandriyen ta wasai tiri doh badeh, i buku yis; sese le winiyan ta edeu ili bolo jabi ramen buruwen kolek.

Galesiya 5:9

Aha tana aha kandriyen ta andres badeh, i buku yis. Iri atehei sese le, arile winiyan abe-ei jabi ramen mara-ei.

Tarou ta Mak 8:15

Eme Jises anya, “Mada ado kaleu ta yis tiri Parasi ma ta Herot.”

Metiu 16:12

Oro anuhun sahou doh, ma oro atana oro buku iy basehek ta mada oro kaleu ta yis ta amekes jabi ramen, bwe. Arile, iy anya mada oro kaleu ta sahou toro Parasi hawe Sadusi oro leheya iri lau na aliy.

Tarou ta Luk 12:15

Ano Jises tiye i tiri mwan ma badih, “Bale ado kudu tado! Mada ado kaleu tado, ta ado badeh, saseken lakou doh, lakou doh le, tasah koha ndramak badeh, winiyan bado luluwen na lakou solo-an doh, bwe. I buku tan lakou solo-an labai, arile iri lakou mari doh kameh winiyan basebenei koham ta udu le buku doh, bwe le.”

Metiu 3:7

Arile iy atou ja iri Parasi ma hawe oro Sadusi ame le hawen, ta iy kalomwa iri, eme ma iy tiye i toro Parasi ma Sadusi i buku doh: “Ado nadu mwak ndra-in. Are lau tiye ado ta atobwak au a len ta losen ta Kindrei kameh eme?

Metiu 16:1

Iri Parasi hawe Sadusi ame hawe Jises anya kanone iy. Oro tiye tan ta amekes ari lahou tinan ta leheya buku none iy amekes gok ta Kindrei handru.

Metiu 16:5

Jises hawe oro lau tan ala kapa gwa li bilisiu, arile oro lau tan maniy, ma oro bakohok jabi ramen bwe.

Metiu 16:7

Eme oro lau tan asehek sahou ndrokowa oro amwenen, “Sebwe iy amekes sahou doh tasah to bakohok jabi ramen bwe nadeh?”

Metiu 16:11

Buku sah handru budon tado kede-eh baleu bwe le? Jo babudon ta jabi ramen bwe. Mada ado kaleu ta yis tiri Parasi hawe Sadusi.”

Tarou ta Jon 4:33

Eme oro lau tan suburuk i toro ari ari anya, “Kora-on ari ndramak ndrame ndratiye nan nyamon, nadeh.”