Metiu 16:27 - Nyindrou

²⁷ Nadu Ndramak Awas kameh eme ma lomadan ta taman. Ya iy kameh eme hawe oro angelo tan. Na len doh kameh iy edeu ndramas i tiri lau mwan ma badih i le winiya le kandriyen iri amekes.

Metiu 16:27 Referans Kwoze

2 Korin 5:10

Tasah taha tanan, hamon kameh taha marakon ales are ta mada sahou ta Krais, ma iy kameh tunuhun iri lakou marakon taha amekes bwena ndra-au. Eme, buku taha ndramekes kandriyen mwasin na bolo iri len doh, taha are ndra bada taha malen kahis, o taha mene amekes kandriyen ndra-in kahis, idah kameh taha ari, ari akohok sihine taha ili le winiya kandriyen nane taha amekes bwena ndra-au.

La-ukei ta Pol atorou ili tiri lau badu kon Rom 2:6

Kindrei kameh, “edeu sowa iri lau mwan ma badih ari, ari in hamon ta kandriyen iri amekes.” Wari 62:12; Tanan 24:12

La-ukei ta Pol atorou ili tiri lau badu kon Rom 14:12

Ya eme ta sendrehendreh ta aliy i buku doh: Idah kameh, taha ari ari kameh asehek sasah taha amekes ndra-in o mwasin i ta Kindrei.

Epesus 6:8

Tasah, aha tanan, are mwan o badih amekes gok mwasin, ya Laban kameh edeu sihine iri. Iy kameh amekes ili tiri mwan ma badih bonyo-ou, ma ili tiri mwan ma badih rayah ale.

La-ukei atorou Jut 1:14

Inok badeh, tinen edeu iy jaha sabe hamon labai ta Adam. Eme ya Inok asehek sahou propet ta nyala iri lau solo-an nane bolowa sahou ta Kindrei, i buku doh, “Aha kanyolom! Laban eme kameh, hawe iri angelo tan solo-an labai, taha winiyan bandromwei bwe.

Rebelesen 20:12

Ma jo ale anyolom iri lau ndramak bwena on! Iri lau nadu batun, iri lau laleyah tiri lakou bwe, iri lau marakon doh badeh, ales are bwena ta koyeu ta kabin. Iy ndramak manyah udu bada koyeu badeh, tiye iri angelo kasihi iri buk mara-ei. Iri sihi buk ari ale, buk doh badeh, nyara iri mwan ma badih kameh winiyan akohok kohan handru ado hawe Kindrei. Kindrei badeh, anyolom bolo iri buk ma aleben kandriyen marakon tiri lau ndramak, mene amekes.

Rebelesen 2:23

Ma jo ale kameh idi nadu i badih nane mara-ei amak au. Eme ma iri mwan ma badih ta Kindrei kameh winiyan atanan buku, jo badeh, anyolom ma aleben amwenen labai iri lakou udu budon ma ndrine iri mwan ma badih mari. Ma jo kameh edeu ndramas ndra-in labai ewek taha ari ari, i bundruwe le iri kandriyen nane aha amekes.

Metiu 25:31

Jises asehek sahou ili ja anya, “Na len Nadu Ndramak Awas eme ma lomadan, iri angelo tan ale ereu hawen, iy kameh manyah ereu koyeu tan lomadan handru.

Tarou ta Luk 21:27

Ano amwenen ta lakou doh, asahan kameh, iri lau kameh anyolom Nadu Ndramak Awas asahan ereu bwele-e asi kandrah, ma boto-on tan ma lomadan tinan labai.

Tarou ta Mak 14:62

Eme Jises anya, “Ehe, jo adeh badeh. Ya idah kameh aha anyolom Nadu Ndramak Awas kameh manyah udu loboho lim salin ta Kindrei iy boto-on labai, iy kameh udu bwele-e asi jor badu kandrah eme.”

Tarou ta Mak 8:38

Ou are lau bwilim ama jo ma ta sahou tek udu bolo lau rebesem dah ta maliye Kindrei ma lomondra ndra-in, Nadu Ndramak Awas kameh bwilin ama ou ale, i buku none len hamon kameh, iy eme ma hawe lomada taman hawe iri angelo, lau ndrabun badu loken.”

Metiu 24:30

“Hamon ta aliy, idah kameh kalem ta Nadu Ndramak Awas asahan bolo kandrah, ya lau mari badu munyak kameh aden, ma iri kameh atou Nadu Ndramak Awas asahan ereu bwele-e asi kandrah, ma boto-on tan ma lomadan tinan labai.

Rebelesen 1:7

Aha kanuhun! Jo atou iy anya keme badeh, udu bolo asi kandrah, ma iri mwan ma badih mara-ei kameh anyolom iy na mada iri amwenen, ma hawe iri mwan ma badih mara-ei badu Isra-el bwena mene orowei kabede Jises Krais na nyah ma tatahi iy i bada kei tondreh. Iri lau doh kameh anyolom iy ale. Iri lau mwan ma badih mara-ei badu kon munyak kameh abudon solo-an labai ta aliy, ma iri kameh a-um ade iri amwenen, ma aden i ndra-in labai. Ma, iri lakou mara-ei doh kameh asahan. Handru.

Aposel 1:11

Eme uru anya, “Ado lau badu Galili. Ado ales ado kede-eh, anyolom i kandrah, ta sasah handru? Iy ndramak Jises le doh, kameh, ado anyolom, andrei iy ndra-au ndra kandrah; idah kameh, ado anyolom iy eme andri ja kameh i le buku none ado anyolom iy i loken doh.”

Metiu 26:64

Jises asumon bohon anya, “Ou ndrasehek badeh kabwai. Arile jo tiye tado, hamon kameh ado anyolom Nadu Ndramak Awas kameh manyah udu loboho lim salin ta Kindrei iy boto-on labai, ya iy kameh udu bwele-e asi jor badu kandrah eme.”

1 Pita 1:17

Taha aloh Kindrei badeh, tama taha, buku taha asolom i tan. Iy badeh, ndramak ta ereu bwena ta anuhun sahou, ma iy kameh edeu sihine taha lau mari, amwenen le ta gok nane taha amekes. Ma iy badeh, babudon ou saba lau handru, ma iy kameh winiyan batobolowe budon tan bala bame, bwe. Iy badeh, anuhun sahou tataha mari na kati budon tan ari le. Budon tan badeh, mwasin labai. Eme ma, len mari taha areu kon munyak dah, taha kabeleben Kindrei kamwenen handru.

Tarou ta Luk 22:69

Arile, na dah ma na len eme kameh Nadu Ndramak Awas kameh manyah udu loboho lim salin ta Kindrei iy boto-on labai.”

Tarou ta Luk 9:26

Ou are lau bwilim ama jo ma ta sahou tek, Nadu Ndramak Awas kameh bwilin ama tan ale, i buku none len hamon kameh, iy eme ma lomadan tan, hawe lomadan ta taman, ma hawe lomadan tiri angelo, lau ndrabun badu loken.

Metiu 13:49

Hamon, buku Kindrei anya kon munyak dah ano, idah kameh asahan tiri mwan ma badih ale. Oro angelo kameh ame akohok iri lau ndra-in ereu ndrokowa iri lau mwasin ale areu hamon ta Kindrei.

1 Tesalonaika 1:10

Eme ma, iri atondrok Nadu Kindrei udu kandrah kameh eme akohok iri ame hamon ja.” Nadun doh mene imek, arile taman Kindrei mete-ei iy amak eme awas ja. Iy ndramak nane doh, Jises, iy le kameh talou taha ame len ta losen ta Kindrei kameh asahan tiri lau marakon nane amekes kandriyen ndra-in.

1 Tesalonaika 4:16

Bwe! Kameh asahan i buku doh: Ma mwena kameh Laban ruwani kandrah, ma iy eme andri. Handru, iy kameh aloh boto-on ili tiri lau mwan ma badih kame katukum, ma tinan tiri angelo kameh aloh ale, ma ndrah ta Kindrei kameh ili. Idah kameh, iri mwan ma badih mene ndramak bwena, ma iri atehei budon tiri handru in ta Krais, iri kameh amak ame awas ja, ma bwena handru.

Metiu 13:41

Jo Nadu Ndramak Awas, jo kameh atehei oro angelo tek ame akeh iu iri lakou mari ereu mada Kindrei ale amekes budon ta lau andra-i, ma hawe iri lau ta amekes kandriyen ndra-in.

1 Korin 8:8

Arile nyamon le winiya batiyani taha bala mirihik ta Kindrei bwe. Buku taha baimon nyamon bwe, idoh winiyan bamekes taha asahan ndraka-an ta madan, bwe. Ya, buku taha aimon nyamon, idoh ale winiyan bamekes taha asahan mwasin ta madan bwe le.

Metiu 8:20

Jises tiye i tan i buku doh, “Iri mwi badu lokei, munu iri udu aliy, ya iri sirih ale awi iri ta matinou udu aliy. Arile, jo Nadu Ndramak Awas, badeh, ari ndrahu matinou tek, bwe.”

Tarou ta Jon 21:22

Jises eme asumon iy, “Buku jo aso-ok iy kudu katondrok jo keme hamon, ya saba budon tam? Ou ame a-en hamon tek.”

Tarou ta Jon 21:23

Eme sahou ndraseker ndrala toro lau tan anya, “Iy lau nane doh, winiyan bamak bwai.” Arile Jises basehek ta iy winiyan bamak bwe. Iy anya, “Buku jo aso-ok iy kudu le, winiya le jo eme hamon ja, idoh ari lakou tam bwe.”

1 Korin 3:13

Ya gok tiri lau mari hamon kameh asahan eme lewan, ta len ta sahou ta Laban. Ma len ta sahou doh kameh asahan i buku jih. Ma jih le doh kameh none gok tiri ari ari, ma iri kameh atanan gok tiri mwasin o bwe.

1 Korin 15:23

Arile, taha marakon ado bolo lek tataha kameh amak ame awas ja, na bolo len tataha amwenen. Ma bwena handru badeh, Krais amak eme awas ja. Ano, udu ta len iy anya keme hamon ja, taha lau tan marakon, kameh amak ame awas ja.

Kolosi 3:25

Iri mwan o badih, amekes kandriyen ndra-in, iri kameh akohok ndramas in hamon ta kandriyen nane iri amekes. Kindrei badeh, aleben kandriyen tiri mwan ma badih marakon kasahan ari le.

Jemis 5:7

Eme ma aha nadu tine mwan ma badih ta Kindrei, aha katehei ndrine aha handru kili ta Laban, ya aha kabwese iri maha-an, ma kabe-en iy ta eme hamon. Aha tana aha, ndramak tan bilin ereu aliy, iy kameh abe-en nyamon mwasin asahan aliy. Iy kameh atehei ndrinen handru, ya iy ereu le abe-en ur hawe an, uru amekes gok turu. Hamon ta aliy, iy barala barakohok sali nyamon tan ai.

1 Jon 2:28

Ya, aha naduk ta Kindrei, aha katehei budon taha kihis ki-in ta Krais, ma aha ka-en hamon tan. Tasah, buku iy eme hamon eme kon munyak dah ja, kora-on bwili aha sama ta kandriyen mene aha ndramesekei, ma aha anoh ta anyolom iy. Aha kasekesek ta an hamon tan, ma aha kameh sekesek ta anyolom iy.