Metiu 16:24 - Nyindrou

²⁴ Eme Jises tiye toro lau tan i buku doh, “Buku none ari ndramak anya ki-in hamon tek, mwasin, iy kamani iri so-ok tan mari, ya iy kabwese-ei kei tondreh tan, ya iy ki-in hamon tek.

Metiu 16:24 Referans Kwoze

Metiu 10:38

Ya, are lau mwan deh badih balokou iy ta imek ereu hamon tek bwe, buku none ndramak ta imek iy kabwese kei tondreh tan amwenen, iy badeh, winiyan basahan lau tek bwe.

Tarou ta Luk 14:27

Ma are lau mwan ma badih balokou iy ta imek bwe, ta ereu hamon tek, buku none ndramak ta imek iy kabwese kei tondreh tan amwenen, iy badeh, winiyan basahan lau tek bwe le.

Tarou ta Mak 10:21

Eme Jises anyolom iy ndramak dah, ma iy tikisi iy, ma iy anya, “Lakou ari le kahis. Ou ala atehei iri lakou tam mari kili mada ba-en, ya luk ou akohok ta iri lakou tam nane ou adeu ki tiri lau tiri lakou bwe. Ou amekes i buku doh kameh ou tam lakou mwasin handru udu kandrah. Ano ou bara-en hamon tek.”

2 Timoti 3:12

Ehe, sahou dah handru. Iri lau marakon anya kahis hawe Krais Jises, ma ka-en hamon ta kandriyen ta Kindrei, idah kameh iri lau ta adi lau laleyah amekes ndra-in ili tiri.

Tarou ta Mak 8:34

Eme Jises luhi iri lau solo-an solo-an ma hawe oro lau tan, eme ma tiye i toro, “Buku none ari ndramak anya ki-in hamon tek, mwasin, iy kamani so-ok tan mari, ya iy kabwese kei tondreh tan, ya iy ki-in hamon tek.

Aposel 14:22

Oro ala badeh, batanau iri lau ta budon handru badeh, kabadok ta tanan handru ta bolo budon handru tiri. Eme uru anya, “Taha kameh bwese maha-an solo-an solo-an, ano taha barala baha tondrok ta Kindrei.”

Kolosi 1:24

Na bolo len dah badeh, jo udu bolo asiu lulik, arile jo sekesek ta akohok sisi-in, tasah lakou dah aseben aha. I buku doh: Krais anya, jo kameh bwese sisi-in udu bolo len, ta jo anya katiye sahou mwasin ta aseben iri mwan ma badih ta Kindrei. Lau ta Kindrei doh a buku bada Krais. Eme ma, jo aso-ok sisi-in doh Krais ndraleheyaniy ndrame tek badeh, kaseben iri mwan ma badih ta Kindrei.

Tarou ta Jon 19:17

Iri tiye iy ta bwese kei tondreh tan. Iy bwese-ei ili isos kon ari iri aloh “Kon ta bwisi bar ta ndramak,” ili boho kon tiri Hiburu iri aloh Golgata.

1 Tesalonaika 3:3

Tasah, aso badeh, baso-ok ta lau rayah are ndrokowa aha, abwerei ta maha-an hawe sisi-in doh, ma iri mani budon tiri ta sahou mwasin ta Krais. Aha amwenen ndratanan, Kindrei mene ndratehei taha ta akohok maha-an ma sisi-in nane doh.

Metiu 27:32

Oro adek au ala len, oro ndruni ndramak ari badu Sairini nyaran Saimon. Oro lau ta bahun andrekei iy bwese-ei kei tondreh ta Jises.

Tarou ta Mak 15:21

Eme iri adek ala badeh, iri ndruni ndramak ari nyaran Saimon badu Sairini. Iy badeh, edek udu kon munyak tinan eme, ya iy badeh, tama Aleksandra ma hawe Rupus. Eme iri andrekei iy bwese-ei kei tondreh ta Jises.

Tarou ta Luk 23:26

Eme iri lau ta bahun badu Rom sirini Jises ili le badeh, iri ndruni ndramak ari nyaran Saimon badu kon Sairini. Iy edek udu kon munyak tinan eme. Eme iri tawi iy, atehei kei tondreh i kasen ma iy bwese udu hamon ta Jises.

Tarou ta Jon 21:19

Jises asehek iri sahou marakon nane doh ta leheya kandriyen ta Pita kameh iy imek i buku sah, eme iy atudun nyara Kindrei. Ano iy tiye Pita, “Ou ame an hamon tek.”

Tarou ta Jon 21:22

Jises eme asumon iy, “Buku jo aso-ok iy kudu katondrok jo keme hamon, ya saba budon tam? Ou ame a-en hamon tek.”

1 Pita 2:21

Ta kandriyen doh, Kindrei ndraluhi aha, tasah Krais mene ndrabwese-ei maha-an hawe sisi-in tinan labai ta aseben aha, eme ma iy ndraleheyani san ndrame tataha, ya taha ka-en hamon ta mweleke katin.