Metiu 16:21 - Nyindrou

²¹ Kala doh Jises leheya oro lau tan anya iy ki-iu kili Jerusalem. Ya iy kameh akohok sisi-in solo-an labai ereu mine iri lau tinan areu bwena, ma hawe iri lau tinan tiri pris, hawe iri lau tanan ta sahou batanau. Ya iri kameh adai iy imek, ya len taloh ano iy kameh amak ja.

Metiu 16:21 Referans Kwoze

Metiu 17:12

Arile jo asehek tado i buku doh, Alaija ndrame, arile iri lau tana iri iy bwe. Iri an hamon ta budon tiri amwenen, ya iri amekes iri kandriyen mari i badan. Ya iri kandriyen doh kameh iri amekes i bada Nadu Ndramak Awas ale.”

Metiu 27:63

Oro tiye tan buku doh, “Tinan, aso bwetenei sahou ari ndramak ta wasai kede-eh mene asehek kala iy mene ereu loken kahis le, iy anya, ‘Hamon ta len taloh, jo kameh amak eme loken ja.’

Metiu 20:28

Idoh le Nadu Ndramak Awas eme ta iri lau kabo gok i tan bwe. Iy eme ta aseben iri, ma ta edeu kohan ta akunoh lau mari.”

Tarou ta Luk 17:25

Arile, ma mwena ta aliy, jo kameh bwese maha-an, ma iri lau na bolo len dah kameh adeu kona iri eme tek.

Tarou ta Luk 24:46

Eme iy asehek i toro anya, “Sahou mene ndratorowenei asah i buku doh: Krais badeh, bwese maha ma iy imek, ya na len taloh ja kameh iy amak ja.

Tarou ta Mak 8:31

Ma iy leheya oro ta, Nadu Ndramak Awas kameh akohok sisi-in solo-an labai, ma iri lau tinan areu bwena, hawe iri lau tinan tiri pris, ma hawe iri lau ta leheya kandriyen tiri Juwis kameh baseken iy bwe. Ma idah kameh iri adai iy imek, ya len taloh ano iy kameh amak ja.

Metiu 26:47

Iy asehek sahou kahis le, Judas, iy badu hawe oro lau ma ronoh la-uh nane, iy edek eme hawen, hawe iri lau solo-an handru en, ma samen ma kei udu mine iri. Iri tinan tiri pris ma ndramak ereu bwena tiri lau suni oro ame.

Metiu 26:2

“Ado tana ado, len la-uh hamon kameh taha abudon len tinan ta Pasoba, ma Nadu Ndramak Awas kameh, iri atehei iy ili mine iri lau ndra-in, ma oro kameh tatahi iy ili bada kei tondreh.”

Metiu 27:12

Arile, iy basumon ari sahou bwe-en, kala tinan tiri pris hawe tinan tiri lau to-en sahou ili tan.

Metiu 16:28

Jo asehek sahou handru ewek tado. Lau ra-on ales areu bolo to dah kameh bamak bwe, ya iri kameh atou Nadu Ndramak Awas eme hamon ma atondrok kon munyak i buku kabin.”

Metiu 12:40

Ehe, Jona badeh, in bolo ndrine ni tinan in gwek na taloh len ma taloh ben. Idoh ya jo Nadu Ndramak Awas ale kameh, jo kameh ereu bolo lek na taloh len ma taloh ben.

Metiu 16:22

Pita anuhun sahou doh, ya iy seheyani Jises i kabwak, ma iy ibolosen i tan i buku doh, “Laban, sebwe lakou doh kameh winiyan basahan tam bwe nadeh.”

Metiu 17:9

Eme oro are bwele-e mandrei ame andri, Jises batanau oro boto-on buku doh, “Saba lakou ado ndratou, ado sasehek ta ari ndramak ili winiya le Nadu Ndramak Awas amak ereu bolo lek eme loken ja.”

Metiu 28:6

Iy bareu dah bwe, iy ndramak ndrame awas ja! Idoh buku none le iy mene ndrasehek. Ah kame katou ndrahunen mene iy amadin udu aliy.

Tarou ta Mak 9:12

Eme iy tiye i toro anya, “Sahou badeh, handru. Alaija eme bwena handru ta lowosa iri lakou mari. Ya i buku sah handru ja sahou mene torowenei anya idah kameh Nadu Ndramak Awas kameh akohok sisi-in solo-an ma iri kameh bwale iri iy?