Metiu 16:20 - Nyindrou

²⁰ Eme Jises batanau oro lau tan boto-on labai i buku doh, “Ado sasehek nyala lakou dah sala ta ari ndramak, anya jo badeh, Krais, ndri-iy.”

Metiu 16:20 Referans Kwoze

Tarou ta Mak 8:30

Eme Jises batanau oro satiye ta ari lau ja ai, ndri-iy.

Tarou ta Luk 9:21

Ma eme Jises batanau oro boto-on ta oro badeh, sasehek ta ari lau ndri-iy.

Tarou ta Jon 1:41

Ano le badeh, Enduru edek ili asilah nadu tinen Saimon. Iy eme ndruni iy ma iy tiye i tan, “Aru badeh ndrandruni Mesaya.” (Iy i buku le Krais.)

Metiu 17:9

Eme oro are bwele-e mandrei ame andri, Jises batanau oro boto-on buku doh, “Saba lakou ado ndratou, ado sasehek ta ari ndramak ili winiya le Nadu Ndramak Awas amak ereu bolo lek eme loken ja.”

Tarou ta Luk 9:36

Eme sahou doh ano le badeh, oro atou Jises le ari udu ndrahun. Ya eme oro badeh, tawi le udu budon toro, oro basehek nyala lakou nane udu bolo len doh mene oro atou, bwe.

Metiu 8:4

Ano Jises tiye i tan, “Ou sasehek sala ta ari lau, ndri-iy, arile ou ales ala hawe iri pris, leheya badam ki tiri kanyolom. Ano ou adeu lakou kili ta salom i le buku Moses mene ndrabatanau, ya eme iri kanyolom ma katanan ou badeh, ndramwenen ja.”

1 Jon 5:1

Are lau atehei budon boto-on buku Jises badeh, Mesaya, iy badeh nadu Kindrei ari ai; ya are lau aso-ok taman, badeh, iy aso-ok nadun ale.

1 Jon 2:22

Are lau iri ta wasai? Iri lau le nane ale bisini anya Jises badeh, Mesaya bwe. Iri lau buku doh badeh, iri ta wasai, iri batehei Kindrei uru nadun Jises Krais badeh, bado ndrine iri bwe. Eme ma iri asahan lau ta kaliu hawe Krais.

Aposel 2:36

“Eme ya ado lau mari badu Isra-el ki tana ado kudu mwasin ta lakou doh: Kindrei badeh, ndrabwidi Jises, ado mene atahi iy i bada kei tondreh, iy ndrasahan Laban ma Krais.”

Tarou ta Jon 20:31

Arile katin ta jo atorou iri sahou dah, ta aha katehei budon taha kili le ta Jises. Iy Mesaya, ndramak nane Kindrei suni iy eme kon munyak, ta akohok lau tan marakon badu kon munyak ame hamon. Iy nadu Kindrei. Buku aha atehei budon taha marakon in tan, aha kameh akohok koha aha in le ta nyaran.

Tarou ta Jon 1:45

Pilip ili ja ndruni Nataniyel. Iy eme asehek i tan anya, “Aso badeh, ndrandruni ndramak mene Moses hawe iri propet arikiy udu bolo kandriyen malen. Iy Jises badu Nasaret, nadu Josep.”

Tarou ta Mak 9:9

Eme oro are bwele-e mandrei ame andri, Jises batanau oro i buku doh, “Saba lakou ado ndratou ma ndranuhun, ado sasehek sala ta ari ndramak, ili winiya le Nadu Ndramak Awas amak ereu bolo lek tan eme loken.”

Metiu 1:16

Jekop atehei Josep, Josep udu Mariya, ya Mariya tuwi Jises, aloh iy Krais; Kindrei suni iy eme ta akohok iri lau tan ame hamon.

Metiu 16:16

Saimon Pita asumon iy i buku doh, “Ou Krais, Kindrei suni ou ame dah. Ou Nadu Kindrei kohan handru udu aliy.”

Tarou ta Luk 2:11

Na len dah, udu kon tinan ta Debit, nah ari ta seben ado ndrasahan. Iy badeh, Laban Krais!

Tarou ta Jon 11:27

Iy tiye i tan, “Ehe Laban, jo atehei budon tek in tam, tasah ou Mesaya, ma ou Nadu Kindrei. Ou le mene, Kindrei suni ou ame andri bolo kon munyak.”