Metiu 16:17 - Nyindrou

¹⁷ Eme Jises asumon sahou tan i buku doh, “Saimon, ou nadu Jon, ou winiyan sekesek. Tasah, ari ndramak badu kon munyak baleheya ou ta sahou dah bwe. Idoh tama le udu kandrah, iy leheyani sahou dah ewek tam.

Metiu 16:17 Referans Kwoze

Tarou ta Jon 6:45

Sahou iri ndratorowenei in bolo buk tiri propet tiye i buku doh, ‘Kindrei kameh leheya iri.’ Aisaya 54:13 Are lau anuhun tama, ma iy in hamon ta tanan tan, badeh, iri kame hawek.

1 Jon 5:20

Taha tanan, buku Nadu Kindrei ndrame, ma iy ndratehei budon mwasin ndrame tataha, eme ma taha ndratanan Kindrei badeh, handru. Taha ndrahas handru hawe Kindrei uru Nadun Jises Krais. Jises badeh, Kindrei handru ma iy kati kohan ta ereu le buku doh na len mari.

Galesiya 1:16

Iy le amwenen leheyani nadun asahan eme madak, ta jo kameh katiye sahou tan mwasin kili tiri lau badu leheleh. Ya jo bala hawe ari ndramak bakohok tanan tan bwe.

1 Korin 15:50

Aha nadu tine, jo asehek amwenen ewek taha, ndramak badu munyak dah winiyan bala bolo tondrok ta Kindrei bwe, ma iy winiyan bakohok iri lakou marakon mwasin tan bwe. Ma iri lakou kameh andra-i, iri winiyan bakohok iri lakou ale winiyan bandra-i bwe.

Epesus 3:5

Bolo len marakon bwena badeh, Kindrei batiye baleu bame lewan ta sahou mene aton doh bwe. Arile, idah na Malawin Ndrabun, Kindrei asehek sahou dah aleu eme tahi aposel hawe iri propet tan.

1 Jon 4:15

Buku none ari ndramak asehek anya, “Jises badeh, iy Nadu Kindrei handru,” iy lau doh ereu hawe Kindrei, ma Kindrei ereu hawen ale.

1 Pita 5:1

Sahou tek dah badeh, ewek taha lau an bwena tiri lau ta Kindrei. Jo ale badeh, lau ta in bwena ta lau ta Kindrei ale. Ya, na madak amwenen jo atou Krais bwese-ei maha-an tinan labai. Taha mari kameh akohok lakou lomadan mwasin labai, Kindrei kameh edeu eme tataha, na len Krais kameh eme hamon ja. Eme ma, jo anya kasehek sahou boto-on kewek taha lau an bwena tiri lau ta Kindrei buku doh:

Epesus 2:8

Lakou doh, aha amwenen mene bamekes bwe. Kindrei edeu laleyah ewek taha. Aha mene atehei le budon handru in ta Krais, ma na so-ok ta Kindrei le amwenen, iy andrei aha ame hamon ja.

Tarou ta Jon 1:42

Enduru andrei nadu tinen Saimon, uru ala hawe Jises. Jises anyolom iy le badeh, ma iy anya, “Ou Saimon nadu Jon, neh? Nyaram kameh Sepas” (Boho kon tiri Aramek aloh Sepas. Boho kon tiri Grik aloh Pita. Moso boho kon ma la-uh doh badeh, Bek).

Hiburu 2:14

Oro nah nane Jises asehek doh, oro lau mwan ma badih. Eme Jises asahan ndramak awas ma konen i buku le oro, iy kameh winiyan imek, ma iri kandriyen doh kameh winiyan sulumwi boto-on ta balik nane, amekes iri lau amak.

Epesus 6:12

Tasah? Taha badeh, bamekes bahun hawe iri lau le bwe. Taha badeh, amekes bahun hawe iri malawin ndra-in ere bolo kandrah. Ya, taha amekes bahun hawe iri kabin ma iri lau ta bwena, ma iri malawin ndra-in boto-on en, iri ale atondrok kandriyen ta lulik badu kon munyak dah.

Tarou ta Luk 22:32

Arile, Saimon, jo badeh, ndrasolom ta budon handru tam sataku. Ya, i buku none ou taku, ou badeh, tubuni ndrinem ma ou aseben budon toro kirih ja.”