Metiu 16:13 - Nyindrou

¹³ Jises iu ili loboho kon tinan Sesariya Pilipai. Kala doh iy ndremenya oro lau tan i buku doh, “Iri lau anya Nadu Ndramak Awas, iy are lau handru?”

Metiu 16:13 Referans Kwoze

Tarou ta Jon 5:27

Ma iy ale ndratehei boto-on ndrala ta nadun ta edeu lau ala ta mada sahou, tasah iy Nadu Ndramak Awas.

Metiu 9:6

Jo winiyan leheya ewek tado ma ado ki tana ado, ta Nadu Ndramak Awas badeh, boto-on labai, udu bwele-e munyak dah ta tiye i ta ndramak ta mani kandriyen ndra-in tan iu.” Eme ma iy tiye i ta ndramak nane badan imek, iy anya, “Ou suri ou, ma ou andrei nyahan tam ma ou au a kon!”

Metiu 13:37

Eme Jises anya, “Abo, ndramak nane ta atah wit in bolo bilin badeh, jo dah, jo Nadu Ndramak Awas.

Metiu 12:8

Jo asehek tado, oro lau tek badeh, babwidi ari kandriyen ndra-in bwe, tasah jo Nadu Ndramak Awas, ya jo tama len ta amunyau.”

Metiu 8:20

Jises tiye i tan i buku doh, “Iri mwi badu lokei, munu iri udu aliy, ya iri sirih ale awi iri ta matinou udu aliy. Arile, jo Nadu Ndramak Awas, badeh, ari ndrahu matinou tek, bwe.”

Aposel 10:38

Ma ado ndratanan i san mene Kindrei atehei nyosowan ta Malawin Ndrabun hawe boto-on ili ta Jises badu Nasaret. Ma hawe iy edek ili eme ta amekes lahou mwasin hawe amekes iri lau mene are le bahandra boto-on ta balik. Tasah, Kindrei badeh, udu hawen.

Aposel 7:56

Eme iy anya, “Ado kanyolom! Jo anyolom bolo kandrah asak ma jo anyolom Nadu Ndramak Awas ales udu lim salin ta Kindrei.”

Tarou ta Jon 12:34

Iri lau marakon tiye, “Ahi ndranuhun udu ndra bada kandriyen malen ta Moses mene edeu, ‘Mesaya kameh winiyan bamak bwe, iy kameh udu le buku doh.’ I buku sah handru ou asehek anya, ‘Nadu Ndramak Awas kameh iri tutuni iy ili loken bada kei tondreh’? Nadu Ndramak Awas–Iy are lau handru?”

Tarou ta Mak 10:45

Tasah Nadu Ndramak Awas ale eme ta iri lau kamekes gok tan, bwe. Iy eme ta aseben iri, ma ta edeu kohan ta akunoh lau mari.”

Tarou ta Mak 8:38

Ou are lau bwilim ama jo ma ta sahou tek udu bolo lau rebesem dah ta maliye Kindrei ma lomondra ndra-in, Nadu Ndramak Awas kameh bwilin ama ou ale, i buku none len hamon kameh, iy eme ma hawe lomada taman hawe iri angelo, lau ndrabun badu loken.”

Metiu 25:31

Jises asehek sahou ili ja anya, “Na len Nadu Ndramak Awas eme ma lomadan, iri angelo tan ale ereu hawen, iy kameh manyah ereu koyeu tan lomadan handru.

Metiu 15:21

Eme Jises ruwani kon doh ma iy iu ili loboho kon tinan Tair ma Saidon.

Metiu 13:41

Jo Nadu Ndramak Awas, jo kameh atehei oro angelo tek ame akeh iu iri lakou mari ereu mada Kindrei ale amekes budon ta lau andra-i, ma hawe iri lau ta amekes kandriyen ndra-in.

Metiu 12:32

Ma are lau asehek sahou ndra-in i bada Nadu Ndramak Awas, Kindrei le kameh winiyan mani kandriyen ndra-in tan. Arile, are lau amekes sahou ndra-in i bada Malawin Ndrabun, Kindrei winiyan bamani kandriyen ndra-in tan doh na len dah, deh na len eme hamon, bwe-en.”

Tarou ta Jon 3:14

Buku bwena mene Moses atehei mwak udu bada kei, iy eme tutuniy ili loken udu bolo kon lomale an, iri kameh tutuni Nadu Ndramak Awas ili loken i le buku aliy.

Tarou ta Jon 1:51

Jises tiye i toro, “Jo tiye tado handru, ado kameh anyolom kandrah asak, ma iri angelo ta Kindrei kameh atah ala loken, ano atah ame andri bwele-e Nadu Ndramak Awas.”

Metiu 12:40

Ehe, Jona badeh, in bolo ndrine ni tinan in gwek na taloh len ma taloh ben. Idoh ya jo Nadu Ndramak Awas ale kameh, jo kameh ereu bolo lek na taloh len ma taloh ben.

Metiu 16:27

Nadu Ndramak Awas kameh eme ma lomadan ta taman. Ya iy kameh eme hawe oro angelo tan. Na len doh kameh iy edeu ndramas i tiri lau mwan ma badih i le winiya le kandriyen iri amekes.

Metiu 16:28

Jo asehek sahou handru ewek tado. Lau ra-on ales areu bolo to dah kameh bamak bwe, ya iri kameh atou Nadu Ndramak Awas eme hamon ma atondrok kon munyak i buku kabin.”