Metiu 15:36 - Nyindrou

³⁶ Eme iy andrei jabi ramen ma ndro taloh nane, ma nadu ni, ma iy edeu wurah i ta Kindrei. Ano iy boso-ei, ma atehei ili mine oro lau tan, ma oro lau tan adeu ili niri lau.

Metiu 15:36 Referans Kwoze

La-ukei ta Pol atorou ili tiri lau badu kon Rom 14:6

Are lau oro abudon ma aleben anya, “Len rayah badeh, ndrabun ta len rayah” badeh, oro amekes ta atudun Laban; ya are oro ta kaniya nyamon mari badeh, oro amekes ta atudun Laban ale, tasah iy edeu wurah i ta Kindrei ta nyamon nane doh. Ma hawe are lau oro beleben ta baimon nyamon rayah bwe badeh, amekes ta atudun Laban hawe adeu wurah i ta Kindrei i le buku oro ale.

Tarou ta Luk 22:19

Ano Jises kuhi jabi ramen, iy edeu wurah i ta aliy, ano iy boso-ei i noro ma iy anya, “Idah odak amwenen. [Jo edeu ta aseben ado. Ado kamekes kandriyen ki le buku doh ta abudon jo.”

Aposel 27:35

Pol asehek sahou i tiri ano, iy andrei jabi ramen rayah udu minen, iy edeu salom i ta Kindrei udu mada iri, ano iy boso-ei ma iy aimon.

Tarou ta Jon 6:11

Ano Jises andrei jabi ramen, iy edeu wurah i ta Kindrei ta aliy. Iy atehei ili mine oro lau tan, oro adeu i niri lau marakon nane manyah an bwele-e bwidiu. Ano iy andrei ni ja, iy amekes i buku le aliy. Iri aimon ili ili winiya le so-ok tiri ano.

1 Korin 10:31

Eme ma, buku ou anya aimon nyamon, o, a-un gwa, o, amekes saba lakou ja, ou amekes iri lakou marakon doh ta atudun nyara Kindrei le ari.

Tarou ta Jon 6:23

Ano, ndron ra-on badu Taiberiyas ame asos bilisiu, mirihik ta kon iri lau mene ado aliy, aimon jabi ramen Jises edeu wurah i ta aliy.

Tarou ta Luk 24:30

Eme Jises manyah hawe uru udu andri ndrahu nyamon badeh, andrei jabi ramen ma edeu wurah i ta aliy. Ano iy boso-ei ma edeu i nuru.

Tarou ta Luk 22:17

Ano, Jises kuhi bwiniu ma iy edeu wurah, ma edeu salom, ma tiye anya, “Ado ka-un waen dah, a sese le ki winiya ado.

Metiu 14:19

Eme ya Jises tiye tiri lau mwan ma badih ta kamanyah ka-en andri bada bwidiu. Eme iy kuhi jabi ramen ma limeh ma hawe ni ma la-uh nane, ya iy anyolom iu i loken bolo kandrah, ma iy edeu wurah i ta Kindrei. Ano iy boso-ei jabi ramen dah ma iy edeu ili mine oro lau tan, ma oro lau tan adeu i niri lau mwan ma badih.

Metiu 15:35

Eme ya Jises tiye tiri lau mwan ma badih kamanyah kado andri bada munyak.

1 Korin 14:16

I buku aha adeu wurah ili ta Kindrei na boho kon rakon ja, malawi aha le badeh, asehek. Eme ma, i buku lau rayah laleyah are bolo aha, iri kameh winiyan anuhun sahou doh, deh? Iri kameh winiyan asehek, “Handru,” deh? Bwe! Tasah, iri winiya bala tanan ta saba sahou handru aha asehek ili ta Kindrei, bwe.