Metiu 15:32 - Nyindrou

³² Jises luhi oro lau tan ma iy tiye toro i buku doh, “Jo tikisi iri lau dah. Iri an hawek ndra winiya len taloh ai, ma niri nyamon ta aimon bwe. Jo bwalek iri amak son ya jo kasuni iri ka-au. Kora-on mada iri kabuluw ya iri kataku kareu san.”

Metiu 15:32 Referans Kwoze

Metiu 9:36

Eme Jises atou iri lau solo-an labai atukum, ma iy tikisi iri. Tasah, budon tiri inyon laleyah ta san ta takaleh Kindrei, ma iri ado ndra-in labai, buku none sipsip lau ta atondrok iri bwe.

Aposel 27:33

Kon ndraleu, an anya kasahan keme loken ai, Pol eme asehek sahou ili ta lau marakon nane are bolo ndron badeh, kaimon nyamon. Iy tiye i buku doh, “Idah, buku wik la-uh amwenen ai, aha tikisiy tinan labai, ma aha baimon se nyamon bwe.

Hiburu 4:15

Tasah, nyamu taha amwenen winiyan batisih iri kandriyen ndra-in iu bwe. Arile tinan tiri pris tataha amwenen doh, iy le ari winiyan tikisi taha. Tasah, iri maha-an asahan tataha, badeh, mene ndrasahan tan ta none iy ale. Arile iy bamekes ari kandriyen ndra-in bwe.

Tarou ta Luk 7:13

Eme Laban Jises anyolom iy ma iy tikisi badih nyau dah, tinan labai. Ya eme Jises tiye i tan, “Balem sasin.”

Tarou ta Mak 9:22

San solo-an iy moraha iy i jih ma i gwa anya kamekes iy kimek. Ya i buku none saba lakou ou winiyan mesekei, ya ou tikisi aso, ma ou sebenei aso!”

Metiu 27:63

Oro tiye tan buku doh, “Tinan, aso bwetenei sahou ari ndramak ta wasai kede-eh mene asehek kala iy mene ereu loken kahis le, iy anya, ‘Hamon ta len taloh, jo kameh amak eme loken ja.’

Metiu 20:34

Eme Jises tikisi uru, ma iy atehei minen i mada uru, ma nawin bwe mada uru amwenen, ma uru anyolom kon ja. Ma uru an hamon ta Jises.

Metiu 12:40

Ehe, Jona badeh, in bolo ndrine ni tinan in gwek na taloh len ma taloh ben. Idoh ya jo Nadu Ndramak Awas ale kameh, jo kameh ereu bolo lek na taloh len ma taloh ben.

Metiu 14:13

Jises anuhun buku iri ndradai Jon ndramak, eme ma iy ruwani kon nane ma iy suni ndron ra-ei ili kon ari doh lau aliy bwe. Iy ma oro lau tan badu hamon tan le ala. Arile iri lau solo-an anuhun saba kon Jises ndrala aliy, ma iri ruwani kon tinan tiri ma iri adek ala takaleh iy.

Metiu 15:33

Eme oro lau tan tiye anya, “Kon dah lau aliy bwe. Idah kameh to kakohok jabi ramen solo-an badu heh, ya to kanyohonei iri lau solo-an an kon lomale an dah?”