Metiu 15:27 - Nyindrou

²⁷ Arile badih nane anya, “Laban, ou asehek sahou handru. Arile iri nadu mwi aimon kahu nyamon taku in bahandra sau ta nyamon ta tama iri ale.”

Metiu 15:27 Referans Kwoze

Epesus 3:8

Jo lau laleyah udu ndrokowa iri mwan ma badih ta Kindrei, arile iy tikisi jo, ma iy atehei jo ta atiye sahou mwasin ili tiri mwan ma badih badu leheleh. Sahou mwasin doh ta iri lakou marakon iri mwan ma badih winiyan akohok ta koha iri, buku iri a-en hamon ta Krais. Ma lakou doh kameh winiyan bano bwe.

Tarou ta Luk 16:21

Iy udu aliy badeh, atondrok kahu nyamon ta ndramak tan lakou solo-an kataku, ya iy kaimon. Ya iri mwi badeh, asom mada soso-ou tan.

La-ukei ta Pol atorou ili tiri lau badu kon Rom 10:12

Tasah, iri Juwis ma hawe iri lau badu leheleh badeh, ari ndrokowa iri aliy bwe. Laban turu ma lubuk badeh, Laban le ari, iy Laban tiri mari. Ma iy edeu nyosowan solo-an mwasin i tiri mari ala aloh nyaran i san ta asolom ma ndremenya iy ta seben.

La-ukei ta Pol atorou ili tiri lau badu kon Rom 3:29

Ya buku sah bah? Sebwe Kindrei badeh, Kindrei tiri Juwis le ai? Ya iri lau badu leheleh bwai? Bwe, iy Kindrei tiri lau badu leheleh ale.

Tarou ta Luk 18:13

“Arile, ndramak ta akohok luk ta takis dah, udu len badeh, ales ere loken ma kandrun i andri, ma hawe minen udu aden, anya, ‘Kindrei, ou tikisi jo, jo ndramak ndra-in ta karei ma lomondra ndra-in.’

Metiu 8:8

Ya ndramak batun tinan tiye i buku doh, “Laban, jo ndramak ndra-in, jo winiyan baseken ou ta ame bolo asiu tek bwe, arile jo aseken ou asehek le sahou, ya ndramak ta ndrahu so-ok tek doh kamwenen ja.

Metiu 5:45

Ya idah kameh ou asahan nadu Kindrei handru badu loken. Iy edeu an tan anya i bwele-e lau ndra-in ma i bwele-e lau mwasin ale. Ma iy edeu ur tan i bwele-e lau ta kandriyen ma lomondra mwasin, ma i bwele-e lau ta kandriyen ma lomondra ndra-in ale.

La-ukei ta Pol atorou ili tiri lau badu kon Rom 3:4

Winiyan bwe! Buku lau marakon kamekes kandriyen ta wasai, Kindrei le ari badeh, bwe! Iy badeh, asehek le sahou handru len marakon, i buku none ndratorowenei, “Kindrei, na saba len ou asehek, idah kameh, ou aleben sahou, ndra handru le; ya buku none ari ndramak anya katuw ou a ta mada sahou, idah kameh, ou winiyan bakunoh bwe, iy le kameh kakunoh mara-ei.” Wari 51:4

Epesus 3:19

Ya, jo aso-ok aha katanan handru ta tikisiy ta Krais, iy udu bwele-e iri budon tiri mwan ma badih mari. Ma jo aso-ok Kindrei kanyuhi aha na iri lakou iy winiyan atehei ewek ta koha aha, ma aha kameh winiyan arek handru ta aliy.

La-ukei ta Pol atorou ili tiri lau badu kon Rom 3:19

Ya nadah, taha ndratanan, iri sahou mari, batanau ta Kindrei amekes, idoh badeh, i tiri ado bahandra tondrok ta batanau doh. Eme ma, ari mwan o badih ja winiyan basehek anya, “Jo mwasin mara-ei,” bwe. Taha mwan ma badih badu kon marakon amekes lakou ndra-in i ta mada Kindrei, eme ma batanau tan kameh atehei taha mara-ei a ta mada sahou.

Jenesis 32:10

Jo badeh bamwenen ta kandriyen mwasin tam bwe ma ba-en hamon tam i buku none ou leheya ndramak ta lahou tam bwe. Jo mene andrei le kandro tek len aso mene ame bilisiu ta gwa Jordan. Arile na dah jo ndra lumuk.

Metiu 15:26

Eme Jises asumon iy i buku doh, “Bamwenen ta ari lakou bwe, i buku none iri andrei nyamon tiri nah ma iri akahei i na nadu mwi.”

Metiu 15:28

Jises anuhun sahou doh ma iy asumon i buku doh, “Badih, budon tam boto-on labai. Saba lakou ou aso-ok kameh asahan tam, iy winiyan asahan.” Kala le don nadun badih asahan amwenen ja.

Tarou ta Mak 7:28

Arile, iy tiye i ta Jises i buku doh, “Laban, ou asehek sahou handru. Arile iri nadu mwi an bahandra sau badeh, aimon kahu nyamon tiri nah.”