Metiu 15:26 - Nyindrou

²⁶ Eme Jises asumon iy i buku doh, “Bamwenen ta ari lakou bwe, i buku none iri andrei nyamon tiri nah ma iri akahei i na nadu mwi.”

Metiu 15:26 Referans Kwoze

Metiu 7:6

“Ou sadeu nyamon ndrabun sala na mwi. Ya ou sakeh sa-un tam sala bwena ta bou. Buku ou akeh eh, idah kameh iri bou adek ala bwele-en ma tihisiy na kati iri, ano iri bou doh kameh tubuni iri ame hamon ja ani ou, ma sekese-ei ou ale bwisik.”

Pilipai 3:2

Arile, mada ado kaleu toro mwi ndra-in ado badeh. Oro mwi doh, oro ndramak ndra-in ta amekes kandriyen ndra-in. Oro ndramak doh an hamon ta kandriyen malen tiri Juwis ta asan ku-i iri mwan. Eme oro anya, i san doh kameh oro mwasin labai, ma oro anya, Kindrei kameh kasekesek oro.

Epesus 2:12

Bolo len doh badeh, aha bahis hawe Krais bwe le. Aha are ndra len labai tiri lau badu Isra-el, iri lau mene Kindrei atehei iri kasahan lau tan amwenen. Iy edeu sahou randra le ili tiri, ta iy kameh nyosowani iri, buku bwena mene iy ndrasehek. Arile, aha are ndra manan ta lakou doh. Handru, aha ado ndra kon munyak dah, arile aha batondrok Kindrei ta akohok aha bwe. Tasah, aha bala tanan sahou randra le ta Kindrei ma tandrakan tan bwe.

Galesiya 2:15

Ya, jo asehek i ta Pita amwenen i buku doh, “Taha ndraye iri Juwis amwenen. Taha bala buku iri lau ta amekes kandriyen ndra-in i buku iri lau badu leheleh ala are baha tondrok ta kandriyen tataha Juwis bwe.

Rebelesen 22:15

Arile, iri lau ta amekes kandriyen ndra-in labai i buku iri mwi amekes, iri ta amekes balahak, iri ta amekes karei, iri ta adai lau amak, iri ta atehei bwili ndru-u iri i andri ili ta kindrei ta wendreya, ma iri mwan ma badih ale aso-ok kandriyen ta wasai, ma a-en hamon ta aliy; iri lau marakon doh kameh are ndra manan ta kon tinan nane, iri winiyan bala bolo kon tinan ta Kindrei doh bwe.

La-ukei ta Pol atorou ili tiri lau badu kon Rom 9:4

Iri badeh, lau tan amwenen, lau badu Isra-el. Iri mene batehei budon tiri ba-en tan bwe, arile iy mene mesekei iri asahan nadun ta nyo-ou, ma edeu lomadan ma boto-on tan mwasin i tiri. Iy mene amekes sahou randra le ma hawe edeu batanau malen, ma hawe leheya san ta asalom ma atudun handru udu bolo asiu tinan tan. Iy amekes iri lakou mwasin doh i tiri hawe edeu tandrakan i tiri.

Metiu 15:25

Arile iy badih nane eme mirihik ta Jises ma iy atehei bwili ndru-un i andri, ma iy anya, “Laban, jo aso-ok ou sebenei jo handru.”

Metiu 15:27

Arile badih nane anya, “Laban, ou asehek sahou handru. Arile iri nadu mwi aimon kahu nyamon taku in bahandra sau ta nyamon ta tama iri ale.”