Metiu 13:52 - Nyindrou

⁵² Eme ya Jises asehek i toro i buku doh, “Abo, jo asehek tado, are lau iy tanan ta batanau malen ta Moses, ma iy ndra-en baha tondrok ta Kindrei, iy kameh asahan buku none tama asiu ra-em tinan. Ma iy winiyan ili bolo asiu ya akohok iri lakou mwasin sowan tinan, ma tiyani iri lakou ha-un, ma hawe iri lakou malen eme lewan.”

Metiu 13:52 Referans Kwoze

Taitus 1:9

Iy katawi budon tan handru kihis ta sahou ta Kindrei mene ndratiye, eme iri winiyan anuhun, ma winiyan atehei budon handru tiri i ta aliy, in hamon ta bolo tanan handru. Ma i san le doh kameh winiyan mesekei iri abadok ta budon, ma ale winiyan mesekei iri lau abadok ado bolo sahou ta wasai, ame bada sahou handru.

Metiu 12:35

Buku none ndramak mwasin ma budon mwasin solo-an idih ereu ndrinen, idon adeh, iy ale amekes kandriyen mwasin ale. Iri lau ndra-in, tiri budon ndra-in solo-an ereu ndrine iri, ma iri ale amekes kandriyen ndra ndra-in le.

Tarou ta Luk 11:49

Ado kanuhun kamwenen! Tasah, ta katin doh, na tanan ta Kindrei mwasin le, iy anya, ‘Jo kameh suni iri propet hawe iri lau ta batun tiri lau ta Kindrei, ala hawe iri. Ma idah kameh, iri adai iri propet rayah amak, hawe adai iri lau rayah ta batun tiri lau ta Kindrei kameh amak ma hawe bwese isi tinan.’

Metiu 23:34

Ado kanuhun kamwenen! Jo kameh suni iri propet ma iri lau budon tiri mwasin ma iri lau tanan mwasin ta leheya ado, ame atou ado. Arile ado kameh adai iri ra-on amak ma atahi iri ra-on ala bada kei tondreh, hawe iri ra-on kameh ado ubwi iri na malou an bolo asiu ta atukum taha. Ya ado kameh sobolon iri ereu bolo kon tinan taha ma oro kameh sakaliye au ala kon rakon ja.

Kolosi 3:16

Sahou ta Krais badeh, kihis handru kudu bolo ndrine aha. Aha badeh, kaleheya, ma kabatanau aha kamwenen na tanan handru doh. Aha kayah wari ta Debit, ma iri wari rayah ja ta salom, ma iri wari Malawin Ndrabun atehei udu ndrine aha ta atudun Kindrei.

Kolosi 1:7

Ma Epapras ndraleheyani aha ta sahou mwasin doh. Iy badeh, ndramak ari mwasin ta amekes lahou ta Krais. Ma iy ibo gok hawe ahi, ahi aso-ok iy labai. Iy badeh, aseben aru, ma iy atondrok gok ta Krais udu mwasin labai ta akohok boho aru ewek taha.

Epesus 3:8

Jo lau laleyah udu ndrokowa iri mwan ma badih ta Kindrei, arile iy tikisi jo, ma iy atehei jo ta atiye sahou mwasin ili tiri mwan ma badih badu leheleh. Sahou mwasin doh ta iri lakou marakon iri mwan ma badih winiyan akohok ta koha iri, buku iri a-en hamon ta Krais. Ma lakou doh kameh winiyan bano bwe.

Tarou ta Jon 13:34

“Na dah jo edeu kandriyen ta batanau ha-un ewek tado: Ado ari ari badeh, kaso-ok nadu tine ado iri rayah ja. I buku le jo mene aso-ok ado labai, eme ma ado kaso-ok nadu tinem iri rayah ja.

Epesus 3:4

Na dah, aha anyolom sahou dah, ano aha kameh atanan buku, jo badeh, ndratanan handru ta sahou mene aton ta gok ta Krais amekes.

2 Korin 6:10

Ahi badeh, atona maha-an solo-an labai, arile idoh kameh winiyan basani sekesek tahi bwe. Ahi bateu lakou solo-an badu kon munyak dah bwe, arile ahi adeu lakou ili tiri mwan ma badih ta aseben budon tiri handru kabadok. Ya, ahi badeh, bateu ari lakou bado mine ahi ja bwe. Ahi badeh, tawi iri lakou solo-an labai badu kon ta Kindrei.

1 Timoti 3:6

Iy ale winiyan batondrok lau ta Kindrei bwe, buku iy barasahan lau ta Kindrei ai, bwe kameh, budon ta atudun iy kameh i tinan ma idah kameh iy anya, iy le. Ya, buku none iy amekes i buku aliy, idah kameh iy akohok maha-an kameh i le buku balik.

Metiu 13:51

Ya Jises ndremenya oro i buku doh, “Sebwe ado tana ado kati sahou dah deh bwe?” Ya oro asumon i buku doh, “Ehe, aso tanan.”

Metiu 13:53

Jises asehek iri sahou sokek nane ano, iy iu i len ta kon nane,

Metiu 28:19

Ado kala kon mari, ya kamesekei iri lau mari kasahan lau tek, ado kalomwa iri na nyara tama, ma nadun ma hawe Malawi Ndrabun.