Metiu 13:47 - Nyindrou

⁴⁷ Jises asehek kundruh ili ja: “Sahou sokek ari ja i buku doh. Tondrok ta Kindrei i buku none le ari kubwin iri lau akahei ili bolo gwa li. Ya kubwin nane akohok iri ni buku liliy.

Metiu 13:47 Referans Kwoze

Tarou ta Jon 15:6

Are lau iri bahis badak bwe ma bato-ou sali iri bwe, idah kameh akahei iri au. Ma iri kameh asara, ano tukumwi mari i le se, ano iri akahei mara-ei ili bolo jih ta andrakak iu.

Rebelesen 3:1

Iy ndramak doh tiye jo ja i buku doh, “Ou atorou rayah sahou kili ta angelo ere bwena tiri lau ta Kindrei are kon Sadis. Sahou kili buku doh: ‘Jo le ari badeh, atondrok oro Malawin Mwasin ta Kindrei ma ndro taloh, ma hawe iri mwan ma badih ta Kindrei, buku ndrau, badu kon ma ndro taloh. Jo badeh, ndratanan iri kandriyen marakon aha amekes. Iri lau rayah badeh, asehek nyala aha anya, “Iri mwan ma badih ta Kindrei badu Sadis, a-en hamon ta kandriyen mwasin, ma iri a-en hamon handru ta Jises Krais.” Arile, bwe. Aha badeh, ndra buku ndramak imek. Aha ale bamekes gok badeh, bame tek bwe.

Tarou ta Mak 1:17

Eme Jises tiye i turu i buku doh, “Ah kame ka-en hamon tek ma jo kaleheya ah, san ta akohok lau.”

Galesiya 2:4

Tasah iri lau rayah ta wasai ame bolo oro i buku nadu tine oro tiye anya, are lau anya kasahan lau ta Kindrei badeh, kasan ku-in. Arile winiyan bwe. Iri lau doh badeh, lalou, ya iri aton ame le ta anya kasilah manyah mwasin taha akohok udu bada Jises Krais. Tasah, manyah tataha ba-en hamon ta kandriyen malen bwe. Ma iri anya kamekes taha kasahan bonyo-ou ta kandriyen tiri Juwis.

2 Korin 11:26

San solo-an jo edek ili eme na le kati. Len rayah badeh, jo apou gwa, ma wadah teheyani jo ma jo amai. Len rayah ja, jo ndruni iri lalou, ma mirihik iri kadi jo kimek. Len rayah, iri Juwis, ahi boho kon ari le, iri badeh, anya kadai jo kimek ale. Len rayah iri lau badu kon rakon ja anya kadai jo kimek ale. Eme ma, jo anya kimek kudu kon tinan, ma jo anya kimek kudu kon lau aliy bwe. Len rayah jo anya kimek kudu bolo ndras. Len rayah jo anya kimek kudu mine iri lau iri anya iri lau ta Kindrei amwenen.

Aposel 20:30

Ma na len eme kameh, lau rayah badu bolo ado badeh, kameh tebeya wasai ta aliu iri mwan ma badih ame len ta budon handru, ma ta iri ka-en hamon toro.

Tarou ta Luk 5:10

Ma uru lau badu hawe Saimon, Jemis uru Jon nadu Sebedi badeh, mani uru atur ale. Ano Jises tiye i ta Saimon, “Kabwai, ou sanoh; na dah, ma na len hamon eme, ou kameh akohok iri ndramak, i buku ou awe-ek ni badeh.”

Metiu 4:19

Eme Jises tiye i turu i buku doh, “Ah kame ka-en hamon tek. Ya idah kameh jo leheya ah san ta akohok lau.”

1 Korin 11:19

Tasah, jo anyolom ndrokowa aha lau ta Kindrei badeh udu aliy. Sebwe, Kindrei anya kanone iri lau a-en hamon ta sahou handru le kameh kasahan keme lewan.

Tarou ta Jon 15:2

Buku andrak rayah bato-ou sali iri bwe, tama eme atubwa iu. Tama eme apis la-uk rayah ndra-in iu, ta iri kato-ou sali iri kamwenen ma solo-an.

Metiu 13:44

Jises asehek sahou ja anya, “Tondrok ta Kindrei kameh asahan buku none le ko-on iri lau ra-on tone ereu bolo bilin. Ndramak ari eme a-eh ndren ma iy atou, ma iy tone ja. Iy sekesek labai, ya ili mada ba-en, ma iy atehei iri lakou tan mari i ba-en, ma iri lau sihinei iu. Ya iy ili sihinei bilin nane ko-on ereu bolon, tasah idah ko-on nane ndrala tan ma iy winiyan akohok.”

Metiu 13:46

Ya buku iy atou ari sa-un mwasin handru, eme ya iy ili atehei iri lakou tan mari i ta ba-en, ma iy ili sihinei sa-un mwasin nane. Tasah, iy aso-ok sa-un nane handru sakalawiy iri lakou tan mari.”

Metiu 13:48

Ano kubwin irek, iri lau aluwi eme babi. Ya oro manyah ma atukum iri ni mwasin i bolo bwak. Arile iri ni ndra-in oro akeh iu.