Metiu 13:46 - Nyindrou

⁴⁶ Ya buku iy atou ari sa-un mwasin handru, eme ya iy ili atehei iri lakou tan mari i ta ba-en, ma iy ili sihinei sa-un mwasin nane. Tasah, iy aso-ok sa-un nane handru sakalawiy iri lakou tan mari.”

Metiu 13:46 Referans Kwoze

Epesus 3:8

Jo lau laleyah udu ndrokowa iri mwan ma badih ta Kindrei, arile iy tikisi jo, ma iy atehei jo ta atiye sahou mwasin ili tiri mwan ma badih badu leheleh. Sahou mwasin doh ta iri lakou marakon iri mwan ma badih winiyan akohok ta koha iri, buku iri a-en hamon ta Krais. Ma lakou doh kameh winiyan bano bwe.

Kolosi 2:3

Iy amwenen badeh, iy irek labai ta iri tanan mwasin dah, ma sahou aton ta Kindrei, ma iy le amwenen winiyan aseben aha atanan iri lakou marakon ta Kindrei doh.

Aposel 20:24

Arile, jo badeh, balek basin ta kohak bwe. Jo le badeh aseken ta jo kisos bilisiu ta bolo sakaliye tek, ma kamesekei kano lahou Laban Jises ndratehei kanik. Lahou doh ta atiye sahou mwasin ta nyala tikisiy ta Kindrei, ma ta leheya eme lewan.

Metiu 13:44

Jises asehek sahou ja anya, “Tondrok ta Kindrei kameh asahan buku none le ko-on iri lau ra-on tone ereu bolo bilin. Ndramak ari eme a-eh ndren ma iy atou, ma iy tone ja. Iy sekesek labai, ya ili mada ba-en, ma iy atehei iri lakou tan mari i ba-en, ma iri lau sihinei iu. Ya iy ili sihinei bilin nane ko-on ereu bolon, tasah idah ko-on nane ndrala tan ma iy winiyan akohok.”

Rebelesen 21:21

Ya, madasan ma ronoh la-uh badeh, Kindrei amekes na bek man ma ronoh la-uh. Kou ari, ari, iy amekes na laba bek man ari, ari. San mara-ei badu bolo kon tinan doh badeh, iy amekes na bek nyikilikin, lewen mara-ei i buku torowe.

Galesiya 6:14

Arile, jo le, jo winiyan batudun nyarak o nyara ndramak ari ja bwe. Jo kamasiye kei tondreh ta Laban tataha Jises Krais le. Tasah iy le imek udu bada kei tondreh tan. Ya, na lahou iy amekes doh, boto-on tiri kandriyen mari badu munyak badeh, ndramak ale udu budon tek. Ya, idoh ale, i buku jo imek udu bada kei tondreh hawen, eme ma jo winiyan ba-en hamon ta kandriyen badu munyak ja bwe.

Metiu 13:45

Jises asehek sahou ja, “Sahou sokek ari ja i buku doh: Tondrok ta Kindrei i buku none ndramak ari ta amekes ba-en, anya katakaleh sa-un mwasin.

Metiu 13:47

Jises asehek kundruh ili ja: “Sahou sokek ari ja i buku doh. Tondrok ta Kindrei i buku none le ari kubwin iri lau akahei ili bolo gwa li. Ya kubwin nane akohok iri ni buku liliy.

Rebelesen 18:12

Iri sanuw buku bek nyikilikin, silba, bek man nyikilikin hawe iri bek rayah sowa iri badeh, tinan labai, ma iri kolau belen mwasin labai, iri kolau saraman tariyen solo-an hawe iri kolau sosowan. Ma iri kei tiri solo-an manahun buburen mwasin labai, ma iri lakou rayah ja iri amekes na kasoh tiri elepen, ma lakou rayah ja, sowan laba tinan labai iri mwan ma badih amekes na kei. Iri bras ma hayen, iri bek tariyen mwasin labai; idoh iri lau kameh winiyan basih ja bwai.