Metiu 13:39 - Nyindrou

³⁹ Iy lau ta bahun i ta Kindrei eme tahi buwa bwidiu na ben, idoh, balik. Ya len ta akohok nyamon kameh, leheya buku none munyak dah anya kano ai. Iri lau ta gok badeh, iri angelo ta Kindrei.

Metiu 13:39 Referans Kwoze

Metiu 13:49

Hamon, buku Kindrei anya kon munyak dah ano, idah kameh asahan tiri mwan ma badih ale. Oro angelo kameh ame akohok iri lau ndra-in ereu ndrokowa iri lau mwasin ale areu hamon ta Kindrei.

Metiu 25:31

Jises asehek sahou ili ja anya, “Na len Nadu Ndramak Awas eme ma lomadan, iri angelo tan ale ereu hawen, iy kameh manyah ereu koyeu tan lomadan handru.

Rebelesen 19:20

Arile, iy ndramak doh tawi nyabwe munyak doh, ma atehei iy udu bolo asiu lulik hawe propet ta wendreya. Iy propet ta wendreya doh mene, amekes iri kalem solo-an ma lahou tinan labai udu mada nyabwe munyak, ma hawe malawin. Ma, na iri kalem solo-an ma lahou tinan doh, iy wendreyani iri lau mene ndrandrei kalem ta nyabwe munyak, hawe atudun malawin. Nyabwe munyak ma hawe propet ta wendreya doh badeh, iri akahei uru ma mulin au ala andri bolo lek ta jih anya na bek solpa, asun uru.

Rebelesen 13:14

Nyabwe ndras badeh, udu aliy, ya Kindrei badeh, alelei nyabwe munyak nane doh kamekes kalem udu mada nyabwe ndras. Ma ta kandriyen nane iy ndrawendreyani iri mwan ma badih badu kon munyak. Eme ma iy tiye iri lau i buku doh: “Aha badeh, kasihidi ari sukumada kei, konen ki buku nyabwe ndras kede-eh, ta aha katudun nyaran. Iy nyabwe ndras doh ale mene samen ari sese le kidi iy kimek, arile badi iy bamak bwe, iy udu kede-eh kahis.”

Rebelesen 12:9

Eme ma oro angelo ta Kindrei akahei iy mwak laba tinan banin ere aliy hawe oro angelo tan, ame andri kon munyak. Iy mwak laba tinan banin ere aliy doh badeh, ndra bwena labai, ma nyaran badeh, “Balik” o “Satan” Ma iy ndramak ta wendreya iri lau mwan ma badih mara-ei badu kon munyak. Oro akahei iy hawe oro angelo tan ame andri kon munyak.

Metiu 24:3

Jises eme manyah udu bwele-e mandrei Olip, oro lau tan aton le ame ndremenya iy anya, “Ou tiye keme taso, na saba len handru kameh lakou doh kasahan? Ya saba kalem kameh leheya aso buku none len tam ta eme hamon, ma kon munyak ano.”

Metiu 13:25

Arile iri lau amadin, ndramak ta bahun i ta ndramak nane eme, ya iy tahi iri buwa bwidiu ndra-in ereu ndrokowa wit, ano iy ndra-au.

La-ukei atorou Jut 1:14

Inok badeh, tinen edeu iy jaha sabe hamon labai ta Adam. Eme ya Inok asehek sahou propet ta nyala iri lau solo-an nane bolowa sahou ta Kindrei, i buku doh, “Aha kanyolom! Laban eme kameh, hawe iri angelo tan solo-an labai, taha winiyan bandromwei bwe.

1 Pita 5:8

Aha kalokou aha ma mada aha kaleu, tasah balik ale ta amekes bahun eme tataha badeh, edek ili eme ta takaleh iri lau mwan ma badih, ta amekes ndra-in ki tiri. Iy badeh, ndra-in labai, buku none ari layon. Iy anyur boto-on labai, ta nohowa iri bwisir tan, ma iri anoh, ya iri sakaliye. Ma iy kameh atikah iri, ma adai iri ta aimon. Balik ale anya kamekes kandriyen buku doh kewek taha.

Hiburu 9:26

Buku iy amekes san solo-an, idah kameh iy kabwese maha-an san solo-an labai, udu ndra bada len Kindrei amekes kon munyak asahan eme ano dah. Arile, na dah taha ndratanan, Krais ndrame kon munyak san rasan le ta edeu iy le amwenen ili ta Kindrei i nyara salom ta talou iri kandriyen ndra-in tataha iu.

Epesus 2:2

Ya, kala len doh badeh, aha an ndra hamon ta kandriyen ndra-in badu kon munyak. Aha an ndra hamon ta tinan tiri malawin ndra-in balik. Na bolo len dah, malawin ndra-in doh edek ili bolo ndrine iri mwan ma badih ale, ta tebelese sahou ta Kindrei, ma iy atondrok iri.

2 Korin 11:3

Arile, jo badeh, inoh. Jo abudon ta balik ibin i mwak, iy tanan mwasin labai ta kandriyen ta wendreya, ma mwena mene iy ndrawendreya Ip. Kora-on kandriyen ndra-in buku doh, kameh asahan taha, ma aha kameh alelei iri rayah wendreya aha, ma budon taha winiyan bado rasi bwe, ma aha kameh mani Krais mara-ei.

2 Korin 2:17

Ahi aposel badeh, bala buku iri lau solo-an ala rakon, rakon ta atiye sahou ta Kindrei bwe. Iri amekes i buku doh ta ariu luk tiri mwan ma badih rayah, ma iri winiyan ado mwasin. Ahi aposel badeh, bwe. Ahi akohok gok dah badu mine Kindrei amwenen, ma ahi bawendreya laleyah bwe. Ndrine ahi badeh, udu mwasin hawe Krais, ma ta mada Kindrei ahi badeh, atiye amwenen iri sahou tan mene iy edeu eme tahi.

Metiu 28:20

Ma ado kaleheya iri ta lakou mari jo ndratiye tado. Ya jo kameh in hawe ado na len mari, winiya le munyak dah ano.”

Metiu 13:28

“Ya tama bilin nane asehek i toro, ‘Ari ndramak ta bahun ndrabwidi kandriyen doh.’ Eme ya iri lau ta gok ndremenyani iy, ‘Ou aso-ok aso kala kasudi bwidiu ndra-in nane?’

Metiu 12:32

Ma are lau asehek sahou ndra-in i bada Nadu Ndramak Awas, Kindrei le kameh winiyan mani kandriyen ndra-in tan. Arile, are lau amekes sahou ndra-in i bada Malawin Ndrabun, Kindrei winiyan bamani kandriyen ndra-in tan doh na len dah, deh na len eme hamon, bwe-en.”

Metiu 13:22

Ya iri buwa wit taku ereu ndrokowa iri malou bobodon, idoh leheya iri lau ale anuhun sahou ta Kindrei, arile iri abudon boto-on ta lakou badu kon munyak. Ya iri abudon boto-on labai ta atukum iri luk, ma iri lakou ra-on ja. Ya idoh sokei sahou ta Kindrei eme ma bwidi iri bato-ou sali iri bwe.

Metiu 13:40

“Iri lau atukum iri bwidiu ndra-in nane ma asun i jih, i buku none le iri angelo kameh amekes kandriyen buku le aliy, buku none Kindrei anya kasun kon munyak dah.

1 Korin 10:11

Iri lakou marakon asahan tiri nane doh ta leheya eme mada taha le. Lakou marakon nane doh iri ndratorowenei ale udu bolo buk ndrabun ta leheya taha lau nane ado kada-ah. Tasah, taha ndrame mirihik ta len ta kon munyak anya kano.

Hiburu 1:2

Arile udu bolo len tataha hamon kada-ah, Kindrei asehek sahou eme tataha i san ta nadun ari le mwan. Kindrei leheyani nadun doh ta akohok iri lakou marakon. Na nadun le, iy bwidi lakou marakon asahan.