Metiu 13:24 - Nyindrou

²⁴ Jises asehek sahou sokek ari ja i toro. Iy asehek i buku doh, “Tondrok ta Kindrei i buku none le ndramak ari atah buwa wit mwasin le udu bilin tan.

Metiu 13:24 Referans Kwoze

Metiu 25:1

“Tondrok ta Kindrei udu kandrah i buku le oro badih bihin ma ronoh. Ndramak ari anya ki tasou. Eme ma, iri badih bihin doh bwese-ei sun toro ta ala ndruni iy in san ma tiyani iy eme ta molak.

Metiu 20:1

Jises asehek sahou ja anya, “Jo asehek dah tiri lau ale anya ka-en bwena, tasah tondrok ta Kindrei i buku le ndramak ari tan munyak solo-an. Na mandraben handru iy iu ili takaleh iri lau ta ame abo gok ta bolo bilin waen tan.

Metiu 13:47

Jises asehek kundruh ili ja: “Sahou sokek ari ja i buku doh. Tondrok ta Kindrei i buku none le ari kubwin iri lau akahei ili bolo gwa li. Ya kubwin nane akohok iri ni buku liliy.

Metiu 22:2

“Tondrok ta Kindrei i buku none ari kabin, nadun mwan anya ki tasou, ya kabin nane mesekei tine nyamon.

Metiu 13:37

Eme Jises anya, “Abo, ndramak nane ta atah wit in bolo bilin badeh, jo dah, jo Nadu Ndramak Awas.

Tarou ta Luk 13:20

Ano iy ndremenya ja, “Ya eme jo kasehek bolo tondrok ta Kindrei ki bada sah handru bah?

Tarou ta Luk 13:18

Ano Jises ndremenya, “Bolo tondrok ta Kindrei badeh, i buku sah handru? Jo kasehek ki buku sah bah?

Metiu 13:33

Jises asehek sahou sokek ari ja. Iy anya, “Ado kanuhun! Tondrok ta Kindrei kameh asahan buku none yis. Ari badih kuhi yis nane ma iy tubuni i hawe rahak ndrom tinan palawa. Iy tubuni ili ili winiya palawa mara-ei apus eme loken.”

1 Pita 1:23

Kindrei ndratehei kohan mwasin ndrawek la-u aha. Ma aha ndrasahan randrah ja, buku none le buwa kei ha-un ateh ereu bolo bilin. Arile, aha basahan na buwa kei badu kon munyak dah bwe. Buwa kei badu munyak dah kameh, imek ma amai iu. Aha asahan na buwa kei Kindrei le mesekei, ma iy kameh ereu le buku doh. Buwa kei doh badeh, sahou ta Kindrei. Sahou doh atehei kohan mwasin i la-u iri lau tan, ma iy winiyan bano bwe.

Metiu 13:31

Jises asehek sahou sokek ari ja i toro. Iy asehek i buku doh, “Tondrok ta Kindrei badeh, i buku buwa kei ari iri aloh mastet. Ndramak ari kuhi buwa mastet ya iy ili tahiy in bolo bilin tan.

Metiu 18:23

Ado kanuhun, tondrok ta Kindrei i buku none ari kabin anya kakohok iri luk oro lau tan ta gok mene andrei buku dinau udu minen, ma oro batehei saluwen bwe le.

Metiu 13:19

Iri lau rayah anuhun sahou mwasin nyala tondrok ta Kindrei, arile iri tanan katin handru bwe. Iri buku none le buwa wit taku ereu san, ya balik eme kuhi iu suwi handru sahou mwasin Kindrei tahiy ereu budon tiri.

Metiu 3:2

Ma iy asehek i buku doh, “Aha katobolowe ndrine aha, tasah tondrok ta Kindrei ndrame mirihik.”

Metiu 21:33

Jises asehek i tiri lau tinan ja i buku doh, “Ado kanuhun sahou sokek ari ja i buku doh: Ndramak ari bwidi bilin ta waen ari, ma iy bwidi kou awudiy. Ma in bolo bilin nane iy ihi lek ari ta atik ma apis buwa waen, ano iy tahi asiu ra-em ta atondrok. Ano iy atehei bilin ili mine iri salibah ta atondrok. Ma iy iu ili kon rakon ja.

Metiu 4:23

Jises edek ili loboho Galili mara-ei, leheya ma asehek sahou mwasin ta tondrok ta Kindrei udu bolo asiu ta atukum tiri Juwis, ma iy bwidi iri sik ndra-in mari udu bada iri lau iu.

Metiu 13:25

Arile iri lau amadin, ndramak ta bahun i ta ndramak nane eme, ya iy tahi iri buwa bwidiu ndra-in ereu ndrokowa wit, ano iy ndra-au.