Metiu 13:23 - Nyindrou

²³ Arile, iri buwa wit ale taku in munyak mwasin badeh, i buku le iri lau anuhun sahou ta Kindrei, ya iri tanan katin handru. Eme ya iri ato-ou sali iri, ra-on ato-ou rinek (100), ra-on ndro hanoh (60), ra-on tonoh (30).”

Metiu 13:23 Referans Kwoze

Pilipai 1:11

Ya, i buku none ado adah na kandriyen mwasin ta Kindrei, i san ta Jises Krais aseben ado, idah kameh iri lau anyolom ma iri atudun Kindrei ta aliy.

Tarou ta Jon 15:16

“Ado basolo-ei jo bwe, jo le amwenen andrei ado, ma jo atehei ado ala ta ato-ou buwa kei solo-an, ma sali iri kameh kudu luluwen. Eme ma buku aha asolom i ta tama, ma aha ndremenya iy in ta nyarak ta saba lakou aha aso-ok, tama winiyan atehei ewek taha.

Metiu 12:33

Jises asehek sahou ra-on ja i buku doh, “Buku none kei mwasin, buwa kei doh kameh mwasin ale. Arile, buku none kei doh ndra-in, buwa kei doh ndra-in ale. Lau kanyolom buwa kei mwena, hamon iri barala tana iri buku kei doh mwasin deh bwe.

Metiu 13:8

Arile, badu wit ra-on taku i bolo ndren mwasin, ma iy ato-ou buwan. Ra-on ato-ou rinek (100), ra-on ato-ou ndro hanoh (60), ra-on ato-ou tonoh (30).

Metiu 3:8

Ado kadeu nah ma ado kabatanau oro ta oro katubuni ndrine oro ta kandriyen ndra-in toro ki san ta tikisiy.

Tarou ta Luk 13:9

Ki buku none ato-ou salin na jaha eme eh, mwasin ai, ya i buku none bwe eh, badeh, baramwetehei bara-au ai.’ ”

1 Jon 5:20

Taha tanan, buku Nadu Kindrei ndrame, ma iy ndratehei budon mwasin ndrame tataha, eme ma taha ndratanan Kindrei badeh, handru. Taha ndrahas handru hawe Kindrei uru Nadun Jises Krais. Jises badeh, Kindrei handru ma iy kati kohan ta ereu le buku doh na len mari.

2 Pita 3:18

Arile, ado badeh, kandriyen ta tikisiy kudu tado badeh, kasahan ki tinan ma hawe kandriyen ta atanan Laban tataha Jises Krais, ndramak ta aseben taha, kudu tado ki tinan ale. Ya eme taha kasore nyaran ma katudun iy na len dah ma hawe na len eme, kudu le buku doh! Handru.

Kolosi 1:10

Aru amekes salom doh, ta aha winiyan adek buku iri mwan ma badih handru ta Laban, ma iy kameh aso-ok iri kandriyen taha marakon. Ma aha kameh winiyan amekes iri gok mwasin. Eme ma, aha kameh winiyan atanan Kindrei amwenen.

Hiburu 8:10

Jo Laban, jo kameh asehek sahou randra le dah hawe iri lau badu Isra-el na len eme: Jo kameh atehei kandriyen tek ili bolo budon tiri, ano kameh jo torowenei iri sahou tek udu bwele-e ade iri. Jo kameh asahan Kindrei tiri, eme iri kameh asahan iri lau mwan ma badih tek.

Hiburu 4:2

Taha ndranuhun iri sahou mwasin, i buku le bwena mene iri Isra-el anuhun. Iri anuhun, arile baseben iri bwe, tasah iri batehei budon tiri mara-ei bala ta sahou nane iri anuhun bwe.

2 Tesalonaika 2:10

Ta kandriyen solo-an doh, iy kameh wendreya iri lau ta ala bolo jih ta andrakak au. Buku iri lau doh mene aso-ok ma anya kanuhun sahou handru, badeh kameh Kindrei winiyan akohok iri ame hamon. Arile, iri baso-ok bwe.

1 Tesalonaika 4:1

Ya aha nadu tine aso, na dah aso anya katorou sahou ta iri lakou rayah udu kede-eh. Aso anya kabatanau aha ma kasehek sahou boto-on kewek taha in ta nyara Laban Jises. Aso mene leheya aha ta iri kandriyen, ta aha kadek aliy, ma ka-en hamon tiri lakou Kindrei aso-ok. Na dah, aha kede-eh a-en hamon le ta kandriyen buku aso mene asehek taha. Arile, aha ka-en hamon handru ta lakou doh kili le bwena. Eme ma, kandriyen doh kameh, amekes Kindrei kasekesek taha.

Pilipai 4:17

Idoh ta tiye anya ja, jo aseken lakou, bwe. Arile, jo aseken labai ta takaleh rayah lakou ta Kindrei ja kewek la-u lakou rayah mwasin tado mene ado ndrakohok.

2 Korin 9:10

Kindrei amwenen kameh edeu buwa kei ta atah ili tiri mwan ma badih. Ma iy ale kameh edeu nyamon ili niri mwan ma badih mara-ei. Eme ma iy kameh edeu taha lakou ili le winiya aha. Ma aha winiyan adeu ili tiri lau ta Kindrei rayah ja. Ma kandriyen taha kameh asahan mwasin mara-ei, i buku ndramak atah buwa kei, ano ato-ou salin solo-an labai.

Aposel 17:11

Ya eme iri lau badu doh badeh, budon tiri aleu labai ja tiri lau badu Tesalonaika. Tasah, iri badeh, atehei ndranye iri ta anuhun sahou tinan labai, ma na len mari mada iri udu ta tarou anya kanyolom Pol asehek sahou handru deh wasai.

Aposel 16:14

Eme udu bolo iri badih nane anuhun sahou doh badeh, badih ari nyaran Lidiya udu aliy. Iy badeh, lahou tan ta asih kolau saraman iri amekes awin moroyan na aliy. Iy badu kon tinan Tayataira, ma iy atehei budon tan mara-ei i ta atudun Kindrei. Eme Laban mesekei ndrinen badeh, aseken labai ta anuhun sahou ta Pol asehek.

Tarou ta Jon 8:47

Are lau iy badu hawe Kindrei handru, iy anuhun saba lakou Kindrei asehek. Katin ta ou bwalem ta anuhun, tasah ou badu hawe Kindrei bwe.”

Tarou ta Luk 8:15

Arile, buwa wit taku udu munyak mwasin badeh, i buku oro lau anuhun sahou ta Kindrei, eme oro tawi sahou doh, udu ndrine oro ihis labai, ma udu le udu, oro ato-ou sali oro mwasin.

Tarou ta Mak 10:15

Jo tiye sahou handru ewek tado. I buku ado basahan buku none iri nah bwisik bwe, ado kameh winiyan bala bolo tondrok ta Kindrei bwe.”

Tarou ta Mak 4:20

Ya lau rayah ja, i buku none buwa wit ateh in munyak mwasin. Iri anuhun sahou ta Kindrei, eme iri tawiy ma iri ato-ou sali iri. Rayah asahan tonoh (30), rayah ndro hanoh (60), ma rayah asahan rinek (100).”

Metiu 3:10

Samen kamondrou ta Kindrei badeh, ndrala ndrado mwe-e kei, ya iri kei ala bato-ou sali iri bala mwasin bwe, idah kameh amundroh iri ala andri, ano ma akeh iri au ala bolo jih.

Hiburu 6:7

Ur undruk eme bwele-e munyak ma edeu gwa i ta munyak, ma munyak doh ato-ou nyamon mwasin ta aseben iri lau nane atah bilin ili aliy. Eme ma munyak akohok nyosowan mwasin ta Kindrei.

Tarou ta Luk 8:8

Ano rayah ja badeh, taku ili bolo ndren mwasin. Eme ateh eme loken, ato-ou buwan solo-an; ya ra-on ja badeh, ato-ou rinek (100).” Eme iy tiye doh ano badeh, iy aloh anya, “Ou are lau ndranyem udu aliy, ou anuhun.”