Metiu 13:22 - Nyindrou

²² Ya iri buwa wit taku ereu ndrokowa iri malou bobodon, idoh leheya iri lau ale anuhun sahou ta Kindrei, arile iri abudon boto-on ta lakou badu kon munyak. Ya iri abudon boto-on labai ta atukum iri luk, ma iri lakou ra-on ja. Ya idoh sokei sahou ta Kindrei eme ma bwidi iri bato-ou sali iri bwe.

Metiu 13:22 Referans Kwoze

1 Timoti 6:17

Ou batanau oro lau ala lakou toro solo-an, ta oro satudun oro ma hawe oro satehei budon toro boto-on sa-en ta lakou solo-an toro, tasah lakou doh, winiyan bado luwen bwe. Arile, oro katehei budon toro kabadok ta Kindrei. Tasah, iy badeh, lakou tan solo-an labai, ya idah kameh iy edeu eme tato kasekesek ta aliy.

Tarou ta Luk 8:14

Ya buwa wit taku udu bolo malou bobodon badeh, i buku none oro lau doh, anuhun sahou ta Kindrei, arile oro ado badeh, abudon boto-on ta lakou solo-an badu kon munyak. Ya oro abudon boto-on labai ta atukum iri luk, ma hawe bale oro asin ta kandriyen badu bada oro tinan labai. Eme ma, oro badeh, buni ta budon bwe.

Tarou ta Luk 12:15

Ano Jises tiye i tiri mwan ma badih, “Bale ado kudu tado! Mada ado kaleu tado, ta ado badeh, saseken lakou doh, lakou doh le, tasah koha ndramak badeh, winiyan bado luluwen na lakou solo-an doh, bwe. I buku tan lakou solo-an labai, arile iri lakou mari doh kameh winiyan basebenei koham ta udu le buku doh, bwe le.”

2 Timoti 4:10

Demas badeh, atehei budon tan in tiri lakou mara-ei badu munyak, iy ndraruwani jo, ma iy ndra-au ndrala Tesalonaika. Ya Kresens badeh, ndra-au ndrala Galesiya. Ya Taitus ndrala Dalmesiya.

Metiu 13:7

Ya badu wit ra-on taku i bolo iri malou bobodon, ma malou bobodon nane ateh eme loken, ma tubuluhi wit nane ma iy bato-ou buwan bwai.

Tarou ta Luk 12:21

“Lakou i buku doh kameh asahan i tare lau, i buku iy anya katukum lakou sola sola badu munyak; arile ta mada Kindrei badeh, lakou doh, bala mwasin ta madan bwe.”

Tarou ta Luk 21:34

“Bale ado ki tado doh! Ado satehei budon hawe ndrine ado sahis ta lakou badu kon munyak, hawe ado sabulum ndrine ado na nyamon hawe a-un gwa boto-on ta amekes manyah tado kudu mwasin. Bwe kameh, len doh asahan kameh i le mani tur.

Aposel 8:18

Eme na len doh Saimon anyolom oro akohok Malawin Ndrabun i san ta oro aposel adeu lim i la-u oro badeh, iy anya kedeu luk ki ta Pita uru Jon ta asih boto-on turu nane doh.

Metiu 12:32

Ma are lau asehek sahou ndra-in i bada Nadu Ndramak Awas, Kindrei le kameh winiyan mani kandriyen ndra-in tan. Arile, are lau amekes sahou ndra-in i bada Malawin Ndrabun, Kindrei winiyan bamani kandriyen ndra-in tan doh na len dah, deh na len eme hamon, bwe-en.”

Metiu 13:39

Iy lau ta bahun i ta Kindrei eme tahi buwa bwidiu na ben, idoh, balik. Ya len ta akohok nyamon kameh, leheya buku none munyak dah anya kano ai. Iri lau ta gok badeh, iri angelo ta Kindrei.

Metiu 13:40

“Iri lau atukum iri bwidiu ndra-in nane ma asun i jih, i buku none le iri angelo kameh amekes kandriyen buku le aliy, buku none Kindrei anya kasun kon munyak dah.

La-ukei ta Pol atorou ili tiri lau badu kon Rom 12:2

Ma aha sa-en hamon ja ta tekedek ndra-in tiri lau badu munyak dah amekes, ndri-iy. Arile aha kasokosowei budon ndra-in ki-iu na budon mwasin ta Kindrei. I buku none aha a-en hamon ta aliy, idah kameh, aha takalahei seken ta sasah Kindrei anya aha kamekes. Ma iy kameh sekesek, tasah, sasah iy tiye aha ta amekes badeh, ndra amwenen le.

1 Korin 1:20

Iri lau ta tanan ndraheh? Ya iri lau tanan ta iri kandriyen malen badu bolo buk ndrabun ta Kindrei ndraheh? Iri lau nane ale tawi iri tanan udu bolo batu iri ndraheh? Kindrei ndraleheyani tanan tiri lau ta tanan badu kon munyak i buku lakou laleyah.

1 Korin 2:6

Handru, ahi aposel atiye sahou ta tanan handru ili tiri lau, ale iri ndra tinan ndra-en. Arile, tanan dah ta kon munyak bwe. Ma tanan dah ale, iri lau boto-on ta atondrok kon munyak badeh, bakohok bwe. Iri boto-on nane doh nyamu iri iu laleyah.

1 Korin 2:8

Iri kabin marakon badu kon munyak tana iri se tanan dah bwe. Buku iri katanan badeh, iri winiyan batahi Laban badu kandrah bala bada kei tondreh bwe.

1 Korin 3:18

Kora-on ari ndramak kawendreyani iy le amwenen. Buku ari mwan o badih udu bolo aha, iy in hamon ta kandriyen ta munyak dah, eme ma iy atehei budon tan i buku doh, “Tanan tek tinan labai, ma jo ere bwele-en labai tiri lau ta Kindrei rayah ja.” Mwasin ta iy katehei konan kili ta tanan badu munyak op, ma iy kameh winiyan asahan ndramak ta tanan ta kandriyen handru ta Kindrei.

2 Korin 4:4

Tasah, kindrei ta wendreya badu munyak dah, iy mene wahei budon tiri mwan ma badih doh batehei budon tiri bala ta Kindrei bwe. Eme ma, sun ta sahou mwasin ma lomada Krais, idoh winiyan bala bolo budon ma ndrine iri bwe, ma iri winiyan akohok Krais bwe, konen i buku Kindrei amwenen.

Galesiya 1:4

Kindrei mene suni Jises eme andri kon munyak, iy le amwenen imek ta sikine karei ma lomondra ndra-in tataha. Iy bwalen iri kandriyen ndra-in badu munyak dah kabokoro-ei taha. Eme ma, iy eme dah badeh, ta aseben taha, ta iri kandriyen doh kameh winiyan baluwi taha bwe. Idoh, in hamon ta seken ta tama taha Kindrei le.

Epesus 2:2

Ya, kala len doh badeh, aha an ndra hamon ta kandriyen ndra-in badu kon munyak. Aha an ndra hamon ta tinan tiri malawin ndra-in balik. Na bolo len dah, malawin ndra-in doh edek ili bolo ndrine iri mwan ma badih ale, ta tebelese sahou ta Kindrei, ma iy atondrok iri.