Metiu 13:19 - Nyindrou

¹⁹ Iri lau rayah anuhun sahou mwasin nyala tondrok ta Kindrei, arile iri tanan katin handru bwe. Iri buku none le buwa wit taku ereu san, ya balik eme kuhi iu suwi handru sahou mwasin Kindrei tahiy ereu budon tiri.

Metiu 13:19 Referans Kwoze

Metiu 13:38

Ya bilin badeh, kon munyak dah. Buwa wit badeh, iri lau mwasin badu hawe Kindrei. Ya bwidiu ndra-in doh badeh, iri lau ndra-in badu hawe balik amwenen.

Hiburu 2:1

Taha badeh, kanuhun kamwenen labai kili ta sahou handru, taha nane ndranuhun, ma taha samani sahou batanau doh labai.

1 Jon 5:18

Taha tanan, are lau ndrasahan nadu Kindrei, iy kameh winiyan bamekes kandriyen ndra-in bala ja bwe. Tasah, Nadu Kindrei Jises badeh, atondrok iy, ma tama balik Satan winiyan bamekes ndra-in bala tan bwe.

Metiu 4:23

Jises edek ili loboho Galili mara-ei, leheya ma asehek sahou mwasin ta tondrok ta Kindrei udu bolo asiu ta atukum tiri Juwis, ma iy bwidi iri sik ndra-in mari udu bada iri lau iu.

1 Jon 3:12

Eme ma aha sa-en hamon ta kandriyen ta Ken mene mesekei, ndri-iy. Iy badeh, in hamon ta tama balik Satan, ya iy idi nadu tinen Ebol imek. Tasah handru, iy idi nadu tinen? I buku doh: Iy badeh, kandriyen tan ndra-in, ma Kindrei atehei konan i tan, arile kandriyen ta nadu tinen badeh, mwasin, ya Kindrei aso-ok labai. Eme ma, Ken ibolosen, ma iy idi nadu tinen imek.

La-ukei ta Pol atorou ili tiri lau badu kon Rom 1:28

Ma laba tinan labai, iri batawi budon ta Kindrei mene leheya iri ta amekes bwe. Eme Kindrei ruwani iri ado ndrahun ta budon ndra-in tiri, ma kandriyen ndra-in iri samekes badeh, iri amekes ja.

2 Tesalonaika 2:12

Kindrei amekes lakou doh, tasah iri lau marakon mene batehei budon tiri ba-en ta sahou handru bwe, iri mene sekesek ta kandriyen ndra-in le. Iri kameh akohok ndramas ndra-in labai ta mada sahou ta Kindrei.

La-ukei ta Pol atorou ili tiri lau badu kon Rom 14:17

Tasah, tondrok ta Kindrei badeh, bala buku none kandriyen ta aimon nyamon ma a-un gwa mari, ma hawe bala buku none kandriyen ta beleben, bwe. Arile, lakou laba tinan ta tondrok ta Kindrei badeh, ndra kandriyen mwasin le, ma kandriyen ta mondrei le, ma hawe kandriyen ta sekesek le i san ta Malawin Ndrabun.

La-ukei ta Pol atorou ili tiri lau badu kon Rom 2:8

Arile, iri lau rayah ja aseken le budon tiri le, ma iri baseken sahou handru bwe, ya iri an hamon ta kandriyen ndra-in, iri kameh bwese maha-an hawe losen ta Kindrei.

Aposel 28:23

Eme iri asan len tiri ta ame hawe Pol, ma iri lau solo-an ame hawe Pol ala asiu nane iy udu aliy. Na mandraben ili ano beyeh an amai, iy asehek i tiri ta nyala tondrok ta Kindrei le ai. Iy asehek tiri ta kandriyen malen ta Moses, ma sahou iri torowenei udu bolo buk tiri propet bwena. Na iri sahou doh, iy anya kamekes budon tiri mari kili ta Jises.

Aposel 20:25

“Ya, jo mene edek ewek bolo ado atiye sahou ta nyala tondrok ta Kindrei. Arile, na dah jo tanan idah kameh, ado winiyan banyolom jo ja bwe.

Aposel 18:15

Arile, idah badeh, andres ta ndremenya ado hawe nyara ado ma andres ta bolo kandriyen malen tado. Ya eme ado kasehek ta aliy kudu ndrokowa ado le. Jo winiyan banuhun hawe baleben ta aliy bwai.”

Aposel 17:32

Eme na len iri anuhun Pol asehek nyala amak eme loken ta imek badeh, iri lau rayah ja badeh, bobose iy. Arile, iri rayah anya, “Ahi anya kanuhun sahou ou nane asehek badeh, ja.”

Tarou ta Jon 18:38

Pailat ndremenya Jises, “Ya ‘sahou handru,’ saba moson ta aliy?” Pailat asehek sahou ano, iy eme ili manan ja hawe iri Juwis. Iy eme tiye i tiri, “Jo badeh, basilahei ari ndra-in udu tan bwai.

Tarou ta Jon 8:43

Buku sah handru aha bakohok bolo iri sahou tek bala mwasin bwe? Tasah aha bandrei kati iri sahou tek bamwenen bwe.

Tarou ta Luk 10:9

Ma ado kamekes iri lau sik udu tiri kamwenen, ma hawe ado katiye tiri, ‘Tondrok ta Kindrei badeh, ndrame mirihik tado.’

Tarou ta Luk 9:2

Ano, iy tiye oro au ala atiye sahou mwasin, ta nyala tondrok ta Kindrei, ma kamekes iri sik kamwenen.

Tarou ta Mak 4:15

San rayah, sahou ta Kindrei taku in san. Ya iri lau doh anuhun. Arile, Satan eme ja, sokosowei sahou mwasin nane Kindrei tahiy ereu budon tiri.

Metiu 5:37

Ya buku ou asehek sahou, ‘Ehe,’ ‘Ehe’ le kai-iy ai. I buku ou asehek sahou, ‘Bwe,’ ‘Bwe’ le kai-iy ai. Ya, i buku none iri sahou boto-on labai asahan ja, badeh, asahan ta balik.”

1 Jon 5:20

Taha tanan, buku Nadu Kindrei ndrame, ma iy ndratehei budon mwasin ndrame tataha, eme ma taha ndratanan Kindrei badeh, handru. Taha ndrahas handru hawe Kindrei uru Nadun Jises Krais. Jises badeh, Kindrei handru ma iy kati kohan ta ereu le buku doh na len mari.

Epesus 3:8

Jo lau laleyah udu ndrokowa iri mwan ma badih ta Kindrei, arile iy tikisi jo, ma iy atehei jo ta atiye sahou mwasin ili tiri mwan ma badih badu leheleh. Sahou mwasin doh ta iri lakou marakon iri mwan ma badih winiyan akohok ta koha iri, buku iri a-en hamon ta Krais. Ma lakou doh kameh winiyan bano bwe.

Metiu 12:26

Ya ki buku oro lau ta Satan katikah Satan, ma oro lau tan kapou oro ki lumuk, ya ki buku sah handru iy tan boto-on ta atondrok iri lakou?

Metiu 13:20

Ya iri buwa wit taku in bwele-e bek, i buku le iri lau anuhun sahou, ya nawin bwe iri kuhiy ma iri sekesek ta aliy.