Metiu 13:14 - Nyindrou

¹⁴ Ya iri lau don adeh, sahou randra ta propet nyaran Aisaya asahan handru. Iy mene torowenei i buku doh, ‘Ado kameh anuhun sahou san solo-an, arile ado kameh winiya bala tanan kati sahou handru bwe. Ado kameh anyolom san solo-an, arile ado kameh winiyan baseleyani ari lakou bwe.

Metiu 13:14 Referans Kwoze

2 Korin 3:14

Budon ma ndrine iri lau Isra-el bwena ndrahis, ma iri bala tanan moson o kati batanau doh, Moses mene edeu ili tiri bwe. Ma na dah ale, iri lau Isra-el, iri bala tanan moso kati sahou batanau bwe. Buku iri atehei budon tiri handru in ta Krais, Kindrei kameh winiyan sihi budon tiri, ma iri winiyan atanan handru ta kati moson ta sahou batanau.

Tarou ta Luk 8:10

Eme iy anya, “Kindrei aseken ado lau tek katanan iri sahou mene aton ta nyala tondrok ta Kindrei. Arile, i tiri lau buku liliy badeh, jo asehek i san ta sahou sokek. Eme ya, ‘Iri kameh anyolom anyolom ja, arile iri winiyan baseleyani bwe; ya iri anuhun amwenen, arile batu iri winiyan baleu ta aliy bwe.’ ” Aisaya 6:9

Tarou ta Mak 4:12

‘Iri kameh anuhun sahou san solo-an, arile iri kameh winiya bala tanan kati sahou handru bwe. Iri kameh anyolom san solo-an, arile iri kameh winiyan baseleyani ari lakou bwe. Koro-an iri katubuni ndrine iri ja ma Kindrei kameh sikine lomondra ndra-in tiri iu.’ ” Aisaya 6:9-10

La-ukei ta Pol atorou ili tiri lau badu kon Rom 10:16

Arile, iri lau solo-an badu Isra-el baseken sahou mwasin bwe, oro rayah le. Aisaya amwenen asehek i buku doh, “Laban, are lau handru atehei budon tan in ta sahou tam aso ndrasehek.” Aisaya 53:1