Metiu 13:12 - Nyindrou

¹² Buku none ari ndramak tanan tan tinan udu aliy, iy kameh akohok tanan rasan ja i la-un. Arile, ndramak tanan tan sese le, idah kameh kuhiy mari iu.

Metiu 13:12 Referans Kwoze

Metiu 25:29

Tasah, i ta ndramak ari, ari tan lakou udu aliy, idah kameh iy akohok solo-an ja ili la-un. Arile, ndramak tan lakou bwe, ya sese le iy tawiy, idah kameh kuhi mari ano iu.

Tarou ta Luk 8:18

Eme ya, ou lomondra kamwenen ta sahou ou anuhun ma an hamon ta aliy. Ndramak tanan tan mwasin udu aliy, iy kameh akohok tanan mwasin labai ja i la-un. Ya eme, are lau anya iy tan tanan sese udu aliy, idah kameh, tanan sese le doh kameh kuhiy mari iu.”

Rebelesen 2:5

Ya, ma bwena mene aha amekes kandriyen mwasin labai, arile nadah ja aha ndraruwaniy. Ya, aha kabudon kili hamon ja ta kandriyen, mene aha atehei budon taha mara-ei eme le tek, ma aha aso-ok jo labai. Aha katubuni ndrine aha ja, ma ka-en hamon tek buku bwena mene ja. Buku bwe-eh, jo kameh asahan hawe aha ma andrei ndru-u sun taha iu.

Tarou ta Luk 16:25

“Arile, Abraham anya, ‘Naduk, ou none lomondra ou mene ado awas se. Ou badeh, mene akohok lakou mwasin, ya Lasarus mene badeh, anyidiu lakou ndra-in. Arile, na dah, iy manyah udu mwasin ai, ya ou ado ta sisi-in ai.

Metiu 21:43

“Ya jo asehek tado, Kindrei kameh kuhi tondrok tan ereu mine aha lau badu Isra-el eme hamon, ya iy kameh atehei ili mine iri lau ra-on ja ale winiyan a-en hamon ta so-ok tan amwenen.

Tarou ta Luk 16:2

Eme iy luhi lohowan ta atondrok dah eme, ya iy lelen iy, ‘Jo mene anuhun ou amekes lakou ari. Ou torowenei sasah le ndra-au, hawe sasah le udu kede-eh kudu, ya keme tek. Tasah, ou ndrano, ou winiyan batondrok lakou tek ja bwai.’

Tarou ta Luk 10:42

Kandriyen ari le doh, udu ta Mariya ta anuhun sahou, idoh kandriyen mwasin, ya jo winiyan batiye iy ta aliy bwe.”

Tarou ta Luk 9:26

Ou are lau bwilim ama jo ma ta sahou tek, Nadu Ndramak Awas kameh bwilin ama tan ale, i buku none len hamon kameh, iy eme ma lomadan tan, hawe lomadan ta taman, ma hawe lomadan tiri angelo, lau ndrabun badu loken.

Tarou ta Mak 12:9

“Ya idah kameh tama bilin kamekes saba lakou handru? Iy kameh idi oro lau doh amak, ma iy kameh atehei bilin ili mine iri lau rayah ja katondrok ma kabo gok ta aliy.

Tarou ta Luk 12:48

Arile, i buku none ari lohowan bala tanan lahou ta tinan tan bwe, ya iy amekes lahou laleyah, idah kameh, adai iy udu, le udu. Ma i buku none are lau akohok lakou solo-an labai, badeh, iy kedeu solo-an ale, ki hamon; ma i buku none are lohowan katondrok lakou solo-an kudu bahan, iy badeh, kamekes lahou kirih le gwek.

Jemis 4:6

Arile, Kindrei badeh, tikisi taha tinan labai. Eme ma buk ndrabun tiye i buku doh, “Kindrei badeh, bwalen iri lau ta atudun nyara iri amwenen i loken, arile iy badeh, tikisiy, ya iy amekes mwasin i tiri lau ale atehei nyara ma so-ok tiri i andri mara-ei.” Tanan 3:34