Metiu 13:11 - Nyindrou

¹¹ Ma Jises asumon i buku doh, “Kindrei aseken ado lau tek katanan iri sahou mene aton ta nyala tondrok ta Kindrei. Arile iy baleheya bala tiri lau ra-on ja bwe.

Metiu 13:11 Referans Kwoze

1 Korin 2:14

Are lau, Malawin Ndrabun bado hawen bwe, iy kameh winiyan bakohok iri lakou ta Malawin Ndrabun bwe. Tasah, iy abudon anya, ndramas kede-eh lakou laleyah. Eme ma, iy bala tanan lakou doh bamwenen bwe, tasah Malawin Ndrabun bado hawen ta aseben iy bwe.

Metiu 19:11

Jises asehek i toro i buku doh, “Iri lau mari winiyan bakohok sahou dah bwe. Kindrei atehei boto-on i ta lau ra-on le.

Jemis 1:5

Buku none rayah lau areu rewa ado, aso ta budon mwasin, oro badeh, kasolom ki ta Kindrei, ya Kindrei winiyan sebenei oro. Tasah, Kindrei ale edeu lakou solo-an eme tataha lau, hawe iy winiyan edeu budon mwasin ewek taha, ya iy winiyan babolosen bala tare lau nane ndremenya iy ta budon mwasin bwe.

1 Jon 2:27

Arile, aha badeh, barah ta tanan bwe. Aha ndrakohok Malawin Ndrabun ta Krais, eme ma iy doh leheya aha ta lakou mari ta Kindrei. Ya sahou tan doh handru, iy bawasai bwe. Eme ma aha katawi Krais kihis, buku none le Malawin Ndrabun ndraleheya aha.

1 Jon 2:20

Arile, Krais ndrasolowei Malawin Ndrabun ndrawek la-u aha, ma aha mari ndratanan sahou handru.

Metiu 16:17

Eme Jises asumon sahou tan i buku doh, “Saimon, ou nadu Jon, ou winiyan sekesek. Tasah, ari ndramak badu kon munyak baleheya ou ta sahou dah bwe. Idoh tama le udu kandrah, iy leheyani sahou dah ewek tam.

Epesus 1:9

Kindrei bwetenei ndra bwena ta lakou iy anya kamekes ta gok ta Krais. Iy in hamon ta budon tan amwenen, ma iy leheya taha ta lakou tan doh, bwena mene aton mara-ei.

Epesus 5:32

Sahou sokek dah budon laba tinan labai udu aliy. Jo amwenen, abudon anya idah sahou ta Krais hawe iri mwan ma badih atehei budon tiri handru in tan.

La-ukei ta Pol atorou ili tiri lau badu kon Rom 16:25

Sendrehendreh ta aliy i buku doh: Taha badeh, katudun Kindrei. Iy le kameh winiyan aseben aha ales boto-on ta bolo budon handru taha, in hamon ta sahou mwasin mene jo atiye ewek taha. Sahou mwasin doh ta nyala Jises Krais, ma hawe in hamon ta sahou bwena mene aton mara-ei kabatana le munyak asahan eme eme taku dah.

Tarou ta Luk 8:10

Eme iy anya, “Kindrei aseken ado lau tek katanan iri sahou mene aton ta nyala tondrok ta Kindrei. Arile, i tiri lau buku liliy badeh, jo asehek i san ta sahou sokek. Eme ya, ‘Iri kameh anyolom anyolom ja, arile iri winiyan baseleyani bwe; ya iri anuhun amwenen, arile batu iri winiyan baleu ta aliy bwe.’ ” Aisaya 6:9

1 Korin 15:51

Aha mari kanuhun. Jo anya kasehek sahou ari doh, lau banuhun bwena bwe, kewek taha: Idah kameh taha marakon bamak bala lek bwe. Na len Krais eme hamon ja, taha rayah kameh ado ndra loken kahis. Arile taha marakon kameh nyolom tataha i randrah ja, ma taha asahan randrah labai.

1 Korin 2:7

Iri tanan jo asehek badeh, iri tanan ndrabun ta Kindrei mene aton ta lau. Kindrei bamekes kon munyak bwe le, iy badeh, ndratandrakan tanan doh bwena labai, ta aseben ma ta akohok taha ala bolo lomadan udu kandrah.

Tarou ta Jon 6:65

Jises asehek ili le i buku doh, “Jo katiye taha: Ari ndramak winiya bame hawek bwe, buku tama badeu boto-on bala tan bwe.”

1 Timoti 3:9

Oro katawi sahou handru mene Kindrei tiye ta budon handru ma budon toro kaleu kudu mwasin.

1 Korin 13:2

Ma i buku jo asehek sahou buku iri propet, ma jo ndratanan ta iri budon marakon ta Kindrei ale basahan bwe le, ma iri tanan marakon rayah ale, ma i buku budon tek boto-on labai winiya tohowei iri mandrei ili rasi ja, arile, i buku jo baso-ok ma batehei ndrinek mwasin bala tiri mwan ma badih bwe, badeh, kameh jo i buku lakou ndra-in laleyah.

Tarou ta Mak 4:11

Eme iy tiye i toro, “Kindrei aseken ado lau tek katanan iri sahou mene aton ta nyala tondrok ta Kindrei. Arile iri rayah bare hawe to dah bwe, jo asehek i san ta sahou sokek,

Kolosi 2:2

Jo amekes gok boto-on, tasah jo aso-ok ndrine aha kabadok ma aha katukum ka-en hamon ta kandriyen ta aso-ok labai iri nadu tine aha iri mwan ma badih ta Kindrei. Jo badeh, amekes gok boto-on labai, ma idoh kameh atadau budon taha, ma aha winiyan atanan kati sahou aton handru ta Kindrei. Krais amwenen badeh, kati sahou aton.

Epesus 6:19

Ma aha kasolom ta aseben jo ale. Jo aso-ok aha kasolom ki buku doh: Kindrei katehei sahou keme bohok, ma jo sanoh ta atiye sahou dah, ta sahou mwasin mene Kindrei tone tiri mwan ma badih.

1 Korin 4:7

I buku sah handru? Are lau handru atehei aha asahan kabin? Iri lakou marakon ere taha kede-eh, Kindrei le ari edeu. Neh? I buku Kindrei edeu lakou mwasin labai ewek taha laleyah, ya buku sah ja, aha atudun nyara aha amwenen, anya, aha le amekes iri lakou nane doh?

1 Korin 4:1

Aha Korin kabudon ahi ki buku doh: Ahi badeh lohowan ta Krais. Eme ma Kindrei atehei ahi ta atiye sahou handru, ale mene aton tiri lau.

Tarou ta Jon 7:17

Buku are lau anya ki-in hamon ta lahou ta Kindrei iy winiyan i tanan sahou nane jo asehek, iy kameh i tanan sahou udu ta Kindrei eme, o, sahou jo asehek na le budon tek amwenen.

1 Timoti 3:16

Lakou laba tinan ta Kindrei aton mene ndrasahan ndrame lewen asah idoh: Jises Krais badeh, asahan ndrame awas, Ma Malawin Ndrabun leheyani iy doh badeh, amwenen handru, Ya eme iri angelo anyolom iy, Ma iri lau tan atiye sahou ta nyalan i tiri lau badu kon munyak mari, Ya iri lau badu kon munyak atehei budon tiri handru i tan. Ano iy iu ili loken i kandrah, ma atondrok lakou mari hawe taman.

Epesus 1:18

Jo asolom ta iy kameh katehei sun kanya kudu ta budon taha. Eme ma, aha kameh winiyan atanan ta ndramak ta seben nane, iy aloh aha katehei budon kihis ki-in tan, ma aha kasekesek le ta atondrok iy. Ya, ma aha kameh winiyan atanan iri lakou, Kindrei ndraleheyani ta amekes ewek taha, idoh mwasin labai.

Aposel 16:14

Eme udu bolo iri badih nane anuhun sahou doh badeh, badih ari nyaran Lidiya udu aliy. Iy badeh, lahou tan ta asih kolau saraman iri amekes awin moroyan na aliy. Iy badu kon tinan Tayataira, ma iy atehei budon tan mara-ei i ta atudun Kindrei. Eme Laban mesekei ndrinen badeh, aseken labai ta anuhun sahou ta Pol asehek.

Metiu 13:10

Hamon ta aliy, oro lau ta Jises ame ndremenya i buku doh, “Tasah handru ou amekes sahou sokek ili tiri lau?”

Metiu 20:23

Jises tiye turu buku doh, “Handru, bwiniu kameh jo a-un na aliy, ah kameh a-un na aliy ale. Arile, are kameh manyah ereu minek salin ma are kameh manyah ereu minek kamweu, idoh jo winiyan batiye bwai. Tasah, kon doh tiri lau ale tama Kindrei ndralowosani iri kabwe.”

Tarou ta Mak 10:40

Arile, are kameh manyah ereu minek salin ma are kameh manyah ereu minek kamweu, idoh jo winiyan batiye bwai. Tasah kon doh tiri lau ale tama Kindrei ndralowosani iri kabwe.”

La-ukei ta Pol atorou ili tiri lau badu kon Rom 11:25

Aha nadu tine, jo aseken budon taha kaleu ta sali sahou handru bwena mene aton mara-ei. Ma aha sasore nyara aha anya, Kindrei aseken le aha, ya iri Isra-el bwe, ndri-iy. Sali sahou handru bwena mene aton asah idoh: Iri lau rayah badu Isra-el badeh, bwale iri atehei budon tiri handru in ta Jises Krais. Ya iri kameh tunuhun sahou mwasin tan ili winiya le kane iri lau mari badu leheleh ala Kindrei aloh iri badeh, anuhun sahou mwasin ta nyala Jises Krais ma ame bolo tondrok tan.