Metiu 12:29 - Nyindrou

²⁹ “Ya buku none ari ndramak anya ki bolo asiu ta ari ndramak boto-on, ma kabahana iri lakou tan, iy kameh amekes sah handru? Ma bwena handru iy kameh sawei iy ndramak boto-on nane na malou boto-on. Ano, iy winiyan akohok iri lakou ereu asiu ta ndramak nane.

Metiu 12:29 Referans Kwoze

Tarou ta Mak 3:27

“Ya, buku none ndramak anya ki bolo asiu ta ndramak boto-on, ma kabahana iri lakou tan, iy kameh amekes sah handru? Ma bwena handru iy kameh sawei iy ndramak boto-on nane na malou boto-on. Ano iy winiyan akohok iri lakou ereu asiu ta ndramak nane.

1 Jon 4:4

Aha naduk ta Kindrei, Kindrei le tondrokei koha aha, eme ma aha ndrasakalawi iri lau mwan ma badih ta asehek sahou wasai, tasah Malawin Ndrabun badeh, ereu hawe aha. Iy badeh sakalawi malawi lakou ndra-in ereu hawe iri lau ta wasai badu kon munyak dah.

1 Jon 3:8

Bwena handru, kala Kindrei mene mesekei kon munyak dah, tama balik Satan badeh, mesekei kandriyen, ma lomondra ndra-in. Eme adeh, lau mwan ma badih badu munyak ame amekes kandriyen ma lomondra ndra-in. Are lau amekes kandriyen ma lomondra ndra-in kahis le, iy badeh, ereu ndra hawe balik kahis le. Ta idoh le adeh, Nadu Kindrei eme kon munyak dah ta atikah, ma ta adai kandriyen ma lomondra ndra-in ta tama balik Satan nane ki-iu.

Metiu 12:28

Arile ado kanuhun, i buku none Malawin Ndrabun ta Kindrei aseben jo ta atikah iri malawin ndra-in, ado ndratana ado kabwe, Kindrei ndrame ta atondrok aha lau mwan ma badih badu Isra-el.

Metiu 12:30

“Ya eme are lau iy kawas tek bwe, iy ndramak ta amekes bahun eme tek. Ya are lau baseben jo ta atukum iri lau kame ka-en hamon ta Kindrei bwe, iy kameh atikah iri lau ka-en ndra len ta Kindrei.