Metiu 12:25 - Nyindrou

²⁵ Arile Jises ndrandrei budon toro, ndra-in i tan, eme iy asehek i toro i buku doh, “Buku none iri lau badu kon munyak tinan kapou iri ranah i len, ma ranah i len, ma iri amekes bahun, iri lau badu kon doh kameh andra-i. Ya buku none iri lau badu kon rakon, deh badu boho kamen ra-em aseker, ma amekes bahun, iri lau doh winiyan bales boto-on bwe.

Metiu 12:25 Referans Kwoze

Galesiya 5:15

Arile, i buku none aha anya ka buku mwi amekes isi i tiri ari ari, bale aha kudu aliy. Idah kameh aha bokoro-ei ndrokowa aha, ma aha andra-i mara-ei.

1 Korin 2:11

Ndramak ari ja winiyan bala tanan ta budon ta iy ari ja bwe. Malawin mwasin ta ndramak doh udu bolo odan le amwenen, iy le ari tanan. I buku le, ari ndramak bala tanan ta budon ta Kindrei bwe le. Malawin Ndrabun ta Kindrei le amwenen badeh, tanan.

Metiu 9:4

Arile, Jises tanan budon toro ma iy anya, “Tasah handru ado abudon ndra-in i buku badeh in bolo ndrine ado?

Rebelesen 16:19

Kon tinan nane iri aloh Babilon, badeh asak asahan i tolokon, ya kon tinan badu kon munyak tinan mara-ei, badeh, irou i andri ma ano iu. Ya, Kindrei badeh, bamani kandriyen ndra-in mara-ei tiri mwan ma badih badu kon tinan Babilon amekes bwe. Eme ma bwidi ndrinen ibolosen labai, ma iy a-um iri na lakou doh. Ya, iy bokoro-ei iri badeh, eme ma iri asahan i buku iri lau a-un waen solo-an labai, ma iri abo sik i ndra-in mara-ei.

Hiburu 4:13

Iri lakou marakon Kindrei mesekei, ari winiyan bamai ta madan bwe. Iri lakou marakon ere le lewan, ma udu kon lewan labai ta madan. Ma iy le ari kameh winiyan anyolom iri kandriyen taha amekes, ma taha kanyowonya marakon ki tan.

Tarou ta Mak 2:8

Suwi labai Jises ndratanan budon toro, eme iy tiye i toro, “Tasah handru iri budon solo-an doh udu ndrine ado?

Rebelesen 2:23

Ma jo ale kameh idi nadu i badih nane mara-ei amak au. Eme ma iri mwan ma badih ta Kindrei kameh winiyan atanan buku, jo badeh, anyolom ma aleben amwenen labai iri lakou udu budon ma ndrine iri mwan ma badih mari. Ma jo kameh edeu ndramas ndra-in labai ewek taha ari ari, i bundruwe le iri kandriyen nane aha amekes.

Tarou ta Jon 21:17

Ili san tulusin ai, Jises asehek sahou le nane ili tan ja, “Saimon, nadu Jon, ou kede-eh aso-ok jo handru?” Eme bwidi Pita tikisiy, tasah Jises badeh, ndremenya iy san tulusin ai, ta sahou randra le doh, “Ou kede-eh aso-ok jo handru deh?” Eme iy asehek i tan, “Laban, ou tanam lakou marakon; ou ale ndratanam jo, jo badeh, aso-ok ou labai!” Jises eme asehek sahou ili tan ja, “Mwasin, ou atondrok iri sipsip tek.