Metiu 12:17 - Nyindrou

¹⁷ Iy mesekei lakou doh in hamon ta sahou randra Kindrei mene tiye ta propet nyaran Aisaya. Iy mene torowenei i buku doh,

Metiu 12:17 Referans Kwoze

Tarou ta Jon 12:38

Eme ma sahou ta propet Aisaya mene asehek, eme asahan handru: “Laban, are lau handru atehei budon tan in ta sahou tam aso ndrasehek? Ya are lau handru ndranyolom ou amekes iri lahou tinan?” Aisaya 53:1

Metiu 21:4

Lakou dah asahan ta amekes sahou mene propet ndrasehek bwena asahan handru,

Metiu 13:35

Na kandriyen doh, Jises mesekei eme handru sahou randra propet ndratiye in bolo buk ndrabun. Iy tiye i buku doh, “Jo kameh asehek sahou sokek ewek taha, ma jo kameh asehek kundruh ta iri lakou solo-an bwena mene aton, kala munyak asahan, eme isos na len dah.” Wari 78:2

Aposel 13:27

Iri lau badu Jerusalem, ma hawe lau ta atondrok iri badeh, maliye seben tiri Jises, Kindrei nane suni iy eme ta aseben taha, bwe. Iri babudon sahou tiri propet, iri anuhun na bolo len ta amunyau mari bamwenen bwe. Eme ma iri tiye iy kimek. Ya, ta sahou doh, iri amekes sahou mene tiri propet asehek asahan handru.

Tarou ta Jon 19:28

Jises tanan ta iri gok tan mara-ei ndrano ai. Iy eme aloh, “Balek ndramar ta gwa.” Iy asehek doh ta amekes sahou udu bolo buk ndrabun eme asahan handru.

Tarou ta Jon 10:35

Bwena mene Kindrei asehek sahou dah ili tiri lau, iy tiye tiri ta iri ndra kindrei. Aha ndranuhun, sahou udu bolo buk ndrabun ta Kindrei kameh udu le buku doh, winiyan bano bwe.

Tarou ta Luk 24:44

Eme iy tiye i toro, “Lakou mene jo udu ndra hawe ado asehek anya: Lakou mari mene ndratorowenei ta nyalak udu bolo tarou malen ta Moses, hawe udu bolo sahou tiri propet, ma hawe udu bolo buk Wari badeh, ndrasahan handru na dah.”

Tarou ta Luk 21:22

Tasah, idoh badeh, len ta adeu maha-an i hamon, amwenen le ta sahou ta Kindrei mene ndratorowenei.

Metiu 8:17

Idoh ta amekes sahou ta propet Aisaya ndrasihidiy, asahan handru: “Iy amwenen bwese-ei sik tataha ma iy andrei sik ndra-in tataha iu i len.” Aisaya 53:4

Metiu 12:16

Eme Jises batanau iri ta iri sasehek nyaran sala ta ndramak ari ja, ma sasehek nyala gok iy ndramesekei ta aseben iri.

Metiu 12:18

“Iy ndramak dah, ta amekes gok tek handru. Jo aso-ok iy handru, ndrinek badeh, sekesek tan handru. Jo kameh atehei Malawik Mwasin i la-un, ya iy kameh asehek nyala gok tek mwasin ta jo kameh akohok iri lau mari badu kon munyak dah ame hamon.