Metiu 12:12 - Nyindrou

¹² Ya ado kanuhun! Iri lau mwan ma badih badeh, sakalawi sipsip ja. Eme ya, mwasin ta aha kamekes kandriyen mwasin, ma kaseben iri lau abo sik na len ta amunyau.”

Metiu 12:12 Referans Kwoze

Metiu 6:26

Ado katou iri sirih ateleh loken. Iri batah nyamon bwe, ma iri babwe-eh buwa nyamon bwe. Ma hawe iri batukum nyamon bala asumwe nyamon bwe, arile tama ado badu kandrah anyohan iri. Sebwe ado winiyan basakalawi iri sirih doh bwe nadeh?

Tarou ta Luk 6:9

Ano Jises lelen oro, “Jo anya kandremenya ado, saba kandriyen mwasin kameh taha kamekes na len ta amunyau? Kamekes kandriyen mwasin ta aseben koha lakou deh, bwe kamekes kandriyen ndra-in ta adai lau?”

Tarou ta Mak 3:4

Ya eme iy ndremenya iri, “Saba kandriyen mwasin kameh taha kamekes na len ta amunyau? Kamekes kandriyen mwasin ta aseben koha lakou deh, bwe kamekes kandriyen ndra-in ta adai lau?” Eme iri basehek randra sahou bwe.

Metiu 10:31

Ya, ado sanoh tiri lakou ndra-in iri lau anya kamekes kewek tado. Kindrei winiyan tondrokei ado. Ado kanuhun! Ereu budon ta Kindrei, iri sirih badeh, lakou laleyah, arile iy atondrok iri. Eme ya iy winiyan tondrokei ado areu mwasin labai ja.

Tarou ta Luk 12:24

Ado kanone kanyolom iri sirih se: Iri batah nyamon bwe, ma iri babwe-eh nyamon bwe. Ma hawe iri ari asiu ta asumwe nyamon bwe, arile Kindrei le badeh, anyohan iri. Udu budon ta Kindrei ja badeh, iy kameh atondrok ado udu mwasin labai ja tiri sirih!

Tarou ta Luk 14:1

Na len ta amunyau ari, Jises aimon nyamon udu asiu ta tinan tiri Parasi ari. Eme iri badeh, atehei mada iri udu tan.