Metiu 12:10 - Nyindrou

¹⁰ Ya in bolo asiu ta atukum nane iy ndruni ndramak ari minen raka ndramak. Iri lau ra-on anya kadeu Jises kili ta mada sahou, eme ya oro ndremenyani iy i buku doh, “Taha winiyan amekes iri lau abo sik amwenen na len ta amunyau, deh bwe?”

Metiu 12:10 Referans Kwoze

Tarou ta Luk 13:14

Eme ndramak ari batun ta atondrok ndrahu asiu ta atukum badeh, ibolosen ta Jises nane mesekei badih doh badeh, udu bolo len ta amunyau. Eme ndramak dah, asehek eme lewan i tiri lau i buku doh, “Taha badeh, atehei len onoh le, ta taha kamekes lahou; ya buku none ou anya amekes lahou badeh, ou amekes kudu bolo oro len doh. Ya na len ta amunyau badeh, ou samekes lakou!”

Tarou ta Jon 9:16

Iri Parasi rayah anya, “Iy ndramak nane amekes lakou i buku doh, iy badu hawe Kindrei bwe, tasah iy ba-en hamon ta kandriyen malen ta len ndrabun ta amunyau bwe.” Rayah anya, “I buku sah handru iy ndramak ta amekes kandriyen ndra-in, amekes kalem i buku doh?” Eme ma apwai iri a la-uh.

Tarou ta Jon 8:6

Iri amekes sahou i buku doh anya kawendreya Jises kili ta mada sahou. Arile Jises aluh i andri iy atorou lakou na kandro minen in bada munyak.

Tarou ta Jon 5:10

Iri tinan tiri Juwis ame asehek sahou i ta iy ndramak nane ndrabwidi iy ndramwenen dah, “Ya idah len ta amunyau. Idah ba-en hamon ta kandriyen malen tahi mene Moses batanau bwe. Ou sabwese nyahan tam sado bolo len ta amunyau.”

Tarou ta Luk 11:54

Iri anya kamekes iy kasehek saba sahou ndra-in ya iri kabarah iy.

Metiu 12:2

Iri lau Parasi atou lakou nane doh, ma iri abolosen i ta Jises buku doh, “Hei, ou anuhun! Oro lau tam abwe-eh buwa wit na len ta amunyau. Kandriyen doh ndrabun handru ta amekes na len ta amunyau.”

Tarou ta Jon 5:3

Lau solo-an labai amadin ado bahandra beleheleh udu kabede-e gwa li nane doh. Mada iri kaseu, kati iri ndra-in, ma ndruwi iri rayah badeh, ndramak.

Tarou ta Luk 23:2

Eme iri tebeya wasai anya, “Ahi badeh, ndratakalahei ndramak dah amekes bolo manyah tiri lau tahi, bamwenen bwe. Iy tandra-un tiri lau badeh, sakeh luk sala ta Sisa, ma tiye anya, iy badeh, Krais, ma iy kabin tiri Isra-el.”

Tarou ta Luk 23:14

Ya eme iy tiye i tiri anya, “Ado tiyani ndramak dah eme, ado anya iy badeh, amekes bolo ndrokowa iri lau andra-i. Udu mada ado nane ndra-au badeh, jo batakalahei ari lakou ndramak dah, amekes andra-i, i buku none ado mene asehek, bwe.

Tarou ta Luk 20:22

Ou abudon i buku sah? Mwasin ta taha kadeu takis ki ta Sisa, deh ndri-iy?”

Metiu 19:3

Eme oro Parasi rayah ame atou Jises ma oro anya kanone iy. Oro ndremenyani iy i buku doh, “Sebwe sahou batanau tataha anya, lau winiyan tikahei udun na saba katin udu budon tan amwenen nadeh?”

Tarou ta Mak 3:2

Oro lau rayah ado aliy, eme ya oro anya katakaleh madasan ta kadeu Jises ki ta mada sahou. Eme iri atehei mada iri udu tan, i buku iy kamesekei ndramak dah kamwenen na len ta amunyau dah, deh bwe.

Tarou ta Jon 7:23

Buku sani ku-i nah mwan udu bolo len ta amunyau, taha tanan, kandriyen malen ta Moses bandra-i bwe. Taha kede-eh an hamon le ta kandriyen handru ta Moses. Ya buku sah ja aha abolosen eme tek ta jo bwidi ndramak ari amwenen ja udu bolo len ta amunyau?