Metiu 11:3 - Nyindrou

³ ta ndremenya Jises i buku doh, “Sebwe ou ndramak aloh Krais, Kindrei mene tandrakan ta iy kameh suni iy eme. Buku none bwe, sebwe ahi kabe-en ndramak ari ja nadeh?”

Metiu 11:3 Referans Kwoze

Tarou ta Jon 11:27

Iy tiye i tan, “Ehe Laban, jo atehei budon tek in tam, tasah ou Mesaya, ma ou Nadu Kindrei. Ou le mene, Kindrei suni ou ame andri bolo kon munyak.”

Hiburu 10:37

Buku le buk ndrabun ndrasehek: “Mirihik ai, are lau kameh eme, iy kameh eme hamon handru! Winiya bala luwen bwe.

Tarou ta Jon 7:31

Arile, iri lau solo-an labai atehei budon tiri ili ta Jises. Iri suburuk i buku doh, “Buku Mesaya keme, iy kameh amekes iri lahou tinan ma kalem solo-an. Arile, iy Jises kede-eh ja, iy amekes iri lahou tinan ma kalem solo-an labai ja. Sebwe iy Jises kede-eh, iy Mesaya nadeh?”

Tarou ta Jon 6:14

Iri lau marakon nane dah anyolom lahou tinan ma hawe kalem Jises amekes. Iri ame asehek i buku doh, “Aliy le ai, iy propet mene anya keme bolo kon munyak.”

Jenesis 3:15

“Ya jo kameh mwesekei ou hawe i badih kameh ah kameh baseken ah bwe; nadu ah kameh uru kameh andra-i udu le buku doh. Ya nadu i badih kameh tihisiy batum abwesek ma i dah kameh ou kameh aso ma aimon katin.”

Tarou ta Jon 16:14

Iy kameh edeu lomadan eme tek, tasah iy kameh andrei lakou jo asehek ma tiye ndrawek taha.

Tarou ta Jon 12:13

Iri ame andrei la-u badou udu mine iri ma aloh ta sekesek i ta Jises i buku doh, “Hosana! Kasekesek iy! Kasore nyaran! Iy badeh, eme ta nyara Laban!” Wari 118:25 “Kasore kabin badu Isra-el!”

Tarou ta Jon 4:21

Jises asehek i tan anya, “Ou badih kede-en, ou atehei budon tam marakon keme le tek. Len hamon eme kameh aha winiyan batudun tama taha Kindrei winiyan bado bwele-e mandrei dah bwe, ma iri Juwis ale winiyan batudun iy bado bolo Jerusalem bwe le.

Tarou ta Luk 19:38

Ma iri anya, “Kasekesek ki ta kabin! Kasore nyaran! Iy eme ta nyara Laban!” Wari 118:26 “Mondrei udu kandrah, ma lomadan ki ta Kindrei badu loken!”

Tarou ta Mak 11:9

Eme iri lau ra-on adek ala bwena ta Jises ma hawe iri ra-on adek an hamon badeh aloh i buku doh, “Hosana! Kasekesek iy! Kasore nyaran! Iy eme ta nyara Laban! Wari 118:25-26

Metiu 21:9

Iri lau ra-on adek ala bwena ta Jises ma hawe iri ra-on adek an hamon tan, ya iri mari arah i buku doh, “Hosana! Kasekesek ki ta nadu Debit! Kasore nyaran! Iy eme ta nyara Laban!” Wari 118:26 “Hosana! Kasekesek ki loken mara-ei!”

Metiu 21:5

“Kasehek sahou dah ki tiri lau mwan ma badih badu Sayon, ‘Ado kanyolom, kabin tado eme ai. Iy eme buku ari ndramak nyaran bwe, ya iy manyah udu bwele-e donki ari. Ehe, iy manyah udu bwele-e donki ari ndramak bamanyah ba-en bwele-en bwena bwe.’ ” Sekaraya 9:9

Jenesis 49:10

Juda, ou kameh kandro ta kabin kameh winiyan ba-au tam bwe, Ma lundriyem oro kameh asahan kabin le ai, Winiya le ndramak salin le barasahan. Iri kon munyak rakon rakon buruwen kameh atiye lakou i tam, Ma iri kameh aluh kandru i andri i nyara kalem ta anuhun sahou tiri i tam.

Jenesis 12:3

Jo kameh nyosowani are aseken ou. Arile jo kameh edeu isi i tare lau aten ou. Na ou le kameh jo kameh edeu nyosowan i lau kon rakon rakon buruwen.”

Metiu 11:4

Eme Jises asumon boho oro i buku doh, “Ado kala hamon katiye ta Jon ta saba lakou ado ndratou ma ndranuhun dah:

Metiu 11:10

Eme sahou torowenei udu bolo buk ndrabun tiye i buku doh, ‘Jo kameh suni ndramak ari ewek bwena tam. Iy kameh atehe san tam.’ Malakai 3:1