Metiu 11:29 - Nyindrou

²⁹ Aha kakohok tanan tek, ma ka-en hamon ta sahou tek, buku none le bulumakau udu le ya taman aseu kei ranah i tondreh in balen ta amekes iy aliu iri lakou. Ehe, aha kakohok tanan udu tek, tasah jo amekes lakou i san ta manamun i tiri lau mwan ma badih, ma jo babolosen ma basobolon ari ndramak bwe. Ya iri lakou tek kameh bamekes maha-an bala ta ari ndramak bwe, ya manyah taha kameh udu mwasin.

Metiu 11:29 Referans Kwoze

1 Jon 2:6

Ya, buku are lau anya, “Jo ta Kindrei” o “Kindrei udu hawek,” tekedek ma hawe kandriyen tan mara-ei badeh, ki buku le ta Jises.

Tarou ta Jon 13:15

Jo leheya ado ta kandriyen mwasin, ta ado ari ari kamekes ki buku le jo nane ndramekes.

Metiu 7:24

Jises asehek ili le i buku doh, “Sendrehendreh ta aliy i buku doh: Are lau anuhun sahou tek dah ma iy in hamon ta aliy, iy i buku none ndramak tan budon mwasin, iy atah asiu tan udu bwele-e bek.

Hiburu 5:9

Ma idoh bwidi iy asahan ndramak handru ta in hamon ta sahou ta Kindrei. Eme ma iy asahan kati kandriyen handru ta aseben ma ta akohok are lau iy in hamon ta sahou tan, ta iri kameh are le buku doh.

2 Korin 10:1

Jo Pol, jo ndramak nane iri lau rayah taha asehek nyalak anya, “Pol kede-eh, iy inoh buku iy asehek sahou udu hawe taha, arile iy ja winiya banoh ta asehek sahou boto-on eme tataha ja bwe, buku iy iu ili len.” Ya, aha kanuhun! Krais badeh, batudun nyaran amwenen bwe, iy ta amekes le kandriyen mwasin. Eme ma, ta katin doh le, jo anya kandremenya aha:

Metiu 28:20

Ma ado kaleheya iri ta lakou mari jo ndratiye tado. Ya jo kameh in hawe ado na len mari, winiya le munyak dah ano.”

Pilipai 2:5

Budon tado ki le buku budon ta Krais Jises.

Metiu 21:5

“Kasehek sahou dah ki tiri lau mwan ma badih badu Sayon, ‘Ado kanyolom, kabin tado eme ai. Iy eme buku ari ndramak nyaran bwe, ya iy manyah udu bwele-e donki ari. Ehe, iy manyah udu bwele-e donki ari ndramak bamanyah ba-en bwele-en bwena bwe.’ ” Sekaraya 9:9

2 Korin 10:5

Boto-on ta Kindrei le winiya sani sahou tebelese tiri lau anya kamekes, ma iri budon mara-ei nane turuki san tiri mwan ma badih anya katanan Kindrei. Ma na le boto-on ta Kindrei, badeh, kameh ahi winiyan ta aruwi budon tiri mwan ma badih nane amekes bahun i ta Kindrei, ma katubuni ndrine iri ka-en hamon ta budon ta Krais.

1 Tesalonaika 4:2

Aha ndratanan iri batanau, aso mene leheya aha ta aliy na boto-on ta nyara Laban Jises.

Tarou ta Jon 13:17

Idah ado ndratanan iri lakou marakon nane doh, ya Kindrei winiyan nyosowani ado i buku ado amekes iri lakou marakon doh.

Metiu 17:5

Pita asehek sahou kahis le, asi kandrah ari anya labai ili tubuluhi oro. Ya sahou randra asahan bolo asi kandrah nane asehek i buku doh, “Idah naduk handru. Jo aso-ok iy labai, ma jo sekesek tan handru. Ado kanuhun sahou tan.”

2 Tesalonaika 1:8

Udu bolo len doh kameh iy edeu ndramas ndra-in ili tiri mwan ma badih baso-ok Kindrei bwe, ma iri bwale iri ta a-en hamon ta sahou mwasin ta Laban tataha Jises Krais.

1 Korin 9:21

Buku jo ili udu hawe iri lau, iri bado bahandra tondrok ta kandriyen malen bwe, badeh, kameh jo kamani kandriyen malen, ta ariu iri ame hamon. Arile, jo bamani kandriyen ta Kindrei bwe. Jo badeh, edek udu bahandra batanau handru ta Krais.

Aposel 7:37

Iy Moses le doh mene adeh tiye i tiri lau badu Isra-el anya, ‘Kindrei kameh suni propet ari ewek taha i le buku jo badu bolo ado amwenen.’ Dutoronomi 18:15

Tarou ta Luk 8:35

Ya eme iri lau ala anyolom. Iri ala asos hawe Jises le badeh, iri atou iy ndramak nane malawin ndra-in mene udu la-un ndramwenen ja. Iy ndratani kolau hawe budon tan ndramwenen ya iy manyah udu kati Jises. Eme ma iri anoh.