Metiu 11:25 - Nyindrou

²⁵ Kala doh Jises tiye buku doh, “Tama, ou Laban badu munyak ma kandrah. Jo masiye ou! Tasah, ou tone lakou dah, ta mada iri lau ta tanan, ma hawe iri lau anya iri tanan labai, ya ou leheyani i tiri nah, tana iri lakou bwe.

Metiu 11:25 Referans Kwoze

Metiu 21:16

Ma oro ndremenya Jises i buku doh, “Sebwe ou ndranuhun sahou oro amekes doh?” Eme Jises asumon boho oro i buku doh, “Ehe, jo ndranuhun. Arile, sebwe ado banyolom sahou doh bwe, ‘Iri nadu nah atudun nyaran ili loken.’ ” Wari 8:2

Metiu 16:17

Eme Jises asumon sahou tan i buku doh, “Saimon, ou nadu Jon, ou winiyan sekesek. Tasah, ari ndramak badu kon munyak baleheya ou ta sahou dah bwe. Idoh tama le udu kandrah, iy leheyani sahou dah ewek tam.

2 Korin 3:14

Budon ma ndrine iri lau Isra-el bwena ndrahis, ma iri bala tanan moson o kati batanau doh, Moses mene edeu ili tiri bwe. Ma na dah ale, iri lau Isra-el, iri bala tanan moso kati sahou batanau bwe. Buku iri atehei budon tiri handru in ta Krais, Kindrei kameh winiyan sihi budon tiri, ma iri winiyan atanan handru ta kati moson ta sahou batanau.

Aposel 17:24

“Iy Kindrei nane ta amekes munyak ma kandrah ma lakou mari udu bolon. Iy badeh, Laban ta atondrok munyak ma kandrah. Ya iy bamanyah bado bolo asiu ta atudun amekes na lim bwe.

Tarou ta Jon 11:41

Iri ame tundruwi bek udu mada lek nane ili len. Ano Jises anyolom ili kandrah, ma iy asehek sahou, “Tama jo edeu wurah i tam ta ou anuhun jo.

Tarou ta Luk 22:42

“Tama, na seken tam le, i buku none ou aseken badeh, ou andrei bwiniu ta isi udu hawek ki-iu. Arile idoh budon tek le, ou amekes ta seken tam le kasahan ki handru.” [

Jenesis 14:22

Eme Abram anya eh, “Jo badeh tandrakan ta mada Laban Kindrei badu loken, ndramak ta amwekes munyak ma kandrah, ta jo winiyan basolo-ei ari lakou tam bwe, i buku none saba lakou nadu bwisik i buku kam hawe ku-i katim. Bakameh hamon ou asehek, ‘Jo le badeh jo mwesekei Abram tan lakou solo-an.’

Jenesis 14:19

Eme iy atehei nyosowan i tan, ano iy anya, “Ya abo, Kindrei badu loken, ou ta amwekes munyak ma kandrah, ou nyosowani Abram!

Tarou ta Luk 23:34

Eme Jises tiye anya, “Tama, ou mani kandriyen ndra-in toro, tasah oro bala tana oro sasah oro amekes dah bwe.” Eme oro lau ta bahun atehei kolau tan i andri, ma oro amekes laki ta aliy, ta andrei kolau tan i le winiya oro.

Tarou ta Jon 12:27

Jises asehek sahou ja i buku doh, “Len dah jo tikisiy handru labai, ya jo kasehek saba lakou? Jo katiye anya, tama, ou winiyan sebenei jo na bolo len dah deh? Ndri-iy ai, tasah jo eme dah ta ili bolo iri sisi-in.

Tarou ta Jon 12:28

Tama, ou bwidi nyara lomadam kili tinan.” Jises asehek sahou ano le badeh, boho ndramak ari asehek sahou udu bolo kandrah eme andri i buku doh, “Jo ndrabwidi nyara lomadak ndra tinan ndrano. Idah kameh jo kamekes ja.”

1 Korin 2:10

Handru, tanan doh mene aton, arile Malawin Ndrabun ta Kindrei le amwenen eme leheyaniy eme tataha. Tasah, Malawin Ndrabun tanan labai ta anyolom lakou mari, ma iy tanan labai ta anyolom iri budon ma kandriyen mari ta Kindrei mene aton ta mada iri lau.