Metiu 11:21 - Nyindrou

²¹ Iy tiye i buku doh, “Ado lau badu kon Korasin hawe ado lau badu kon Betsaida, ado katou! Sisi-in tinan labai kameh ewek bwele-e ado. Tasah, ki buku none lau ra-on mene kala kon tinan Tair hawe Saidon ma kamekes lahou tinan buku none jo ndramekes ereu ndrokowa ado, sebwe ndra bwena iri lau badu kon ma lubuk doh ndrasin awin bokodon, ma ndratahi iri na koloweh, ta leheya buku none iri tikisiy handru ta kandriyen ndra-in tiri mene, iri ndrabwidiy.

Metiu 11:21 Referans Kwoze

Aposel 12:20

Herot badeh, mene andra-i hawe iri lau badu kon Tair hawe Saidon; eme uru atukum ase asahan solo-an badeh, ta ala atou iy. Arile, ma mwena badeh, iri ala anyolom kawas tiri ari op, iy doh badeh, ndramak tinan ari ta asiu ta kabin, nyaran Blastus. Iri badeh, atamar iy, ta iy kati-i losen ta kabin Herot kimek ki-iu laleyah, tasah iri amwenen asih niri nyamon badeh, badu kon ta kabin Herot.

Tarou ta Jon 12:21

Oro ala hawe Pilip, iy badu kon Betsaida udu loboho Galili, oro ame tiye iy, “Ndramak tinan, aso anya katou Jises.”

Tarou ta Luk 9:10

Ano, oro lau tan ame hamon, ya oro asehek nyala Jises ta lakou mari oro amekes. Ano iy kuhi oro ala hawen ma oro ala kon tinan ari aloh Betsaida.

Tarou ta Mak 6:45

Suwi suwi Jises tiye oro lau tan kasandroh kala bolo ra-ei ndron, ma oro kasowe kala bwena kala kapa gwa Betsaida bilisiu. Ya iy le kameh udu hamon ta atiye iri lau ka-au.

Metiu 15:21

Eme Jises ruwani kon doh ma iy iu ili loboho kon tinan Tair ma Saidon.

La-ukei atorou Jut 1:11

Mada iri katou! Tasah, sisi-in tinan labai kameh i bwele-e iri! Iri badeh, a-en hamon le ta kandriyen ta Ken, iri amekes kandriyen i buku le Balam mene amekes ta akohok le luk ta lau, ma aseben iri ta amekes kandriyen ndra-in. Iri ale, amekes bahun hawe Kindrei i buku le Kora mene amekes. Tasah, ta lakou mari doh kameh, oro mari kameh amak ano au.

Tarou ta Jon 1:44

Pilip i buku le Enduru uru Pita. Oro ma taloh badeh, badu kon tinan ari iri aloh Betsaida.

Tarou ta Luk 6:17

Ano, iy eme andri hawe oro, ales udu bwele-e munyak nyemesen. Ma hawe iri lau tan solo-an handru ado aliy. Ma ale, iri lau buku liliy badu loboho Judiya, badu loboho Jerusalem, ma hawe lau badu loboho mada ndras ta kon tinan Tair hawe Saidon nane an doh ale. Iri ame badeh, anya kanuhun Jises asehek sahou, ma hawe iri atiye iri lau sik udu tiri ame hawen, ta iy kamekes iri kamwenen.

Tarou ta Mak 8:22

Ano Jises hawe oro lau tan au ala asahan Betsaida. Eme ma iri lau ra-on sirini ndramak ari madan kaseu, ya oro tiyani iy eme hawe Jises. Ma oro tiye i ta Jises i buku doh: “Aso aso-ok ou atehei minem kili bwele-e iy ndramak dan op.”

Tarou ta Mak 7:31

Ano Jises udu loboho Tair edek iu ili Saidon, ma iy edek ja ili loboho gwa li Galili, ano ili loboho kon ma ronoh udu bolo Dekapolis.

Tarou ta Mak 3:8

ya badu Jerusalem, badu loboho Idumiya, badu loboho kapa gwa Jodan bilisiu ma hawe badu mirihik ta kon tinan Tair hawe Saidon. Iri lau solo-an doh nane ame hawe Jises, tasah iri anuhun lakou solo-an iy amekes.

Metiu 18:7

“Sisi-in tinan labai kameh i bwele-e iri lau badu kon munyak, iri nane amekes ndramak ari ja taku ta kandriyen ndra-in. Handru, iri kandriyen ndra-in doh kameh asahan. Arile jo tikisiy handru ta ndramak mesekei asahan.

Metiu 11:22

Arile, jo tiye tado na dah, na len Kindrei le tanan ta adeu lau ala ta mada sahou, ado kameh bwese maha-an udu bwele-en labai ja ta kon Tair hawe Saidon.

Aposel 27:3

Na len ari ja badeh, ahi asahan Saidon. Juliyus badeh, amekes kandriyen mwasin labai handru ili ta Pol, eme iy tiye Pol kili loken kanyolom iri kawas tan, ma iri winiyan adeu nan nyamon.

Tarou ta Luk 4:26

Eme Alaija badeh, bala baselesen oro ari badu Isra-el bwe, arile iy le ili hawe badih nyau ari udu kon Sarepat, udu loboho kon Saidon.

Tarou ta Mak 7:24

Ano Jises suri iy ma iy iu ili loboho kon tinan Tair ma Saidon. Eme ya iy i bolo asiu ra-em. Eme Jises anya, iri sala tanan iy udu doh, arile iy winiyan batone iy bwai.

Metiu 26:24

Nadu Ndramak Awas kameh imek i buku le tarou mene ndratorowenei ta nyalan. Arile sisi-in laba tinan kameh i bwele-e ndramak iy ale atehei Nadu Ndramak Awas ili mine iri lau ndra-in, sebwe mwasin tinen mene satuwi iy, ndri-iy!”

Rebelesen 6:12

Idoh ano le badeh, jo anyolom Nadu Sipsip ta Kindrei asoh tobwe ari ja nane tobo-ei buk iu. Idoh ili asahan i buku onoh ai. Iy amekes i buku doh, ma jo atou ma atona ndroi tinan labai asahan kon munyak. Ma mada an ilik, ma asahan i bokodon mara-ei, i buku kolau bokodon, ma mada bun ale asaram, ma asahan i saraman i buku ndra.

Rebelesen 11:3

Ma jo kameh edeu boto-on i ta lau tek la-uh ta atiye sahou propet tek i tiri lau. Uru kameh asini awin ta tikisiy; ma uru kameh atiye sahou tek udu bolo iri len ma rawa lunek ndro hanoh (1,260) mara-ei doh.”