Metiu 11:18 - Nyindrou

¹⁸ Jises leheya kati sahou sokek i buku doh, “Kala Jon mene eme, iy abeles iy ta nyamon ta iy kedeu budon tan boto-on kili ta Kindrei, ma iy ba-un gwa waen bwe, ma iri lau anya, ‘Aha sanuhun ndramak kede-eh, ndri-iy. Malawin ndra-in ereu la-un!’

Metiu 11:18 Referans Kwoze

Tarou ta Luk 1:15

Ya udu mada Kindrei, iy kameh asahan ndramak ari tinan handru. Iy sa-un waen hawe gwa boto-on, ndri-iy labai. Atehei iy eme len le badeh, iy kameh idih na Malawin Ndrabun.

Metiu 3:4

Jon isin awin iri amekes na lami kamel, ma iy edeu ku-i bulumakau udu bada ndrukulun i buku malou ta aseu awin tan. Iy badeh, kaniyan sabaye ma hawe bwirik badu lokei.

Tarou ta Jon 10:20

Iri solo-an asehek anya, “Iy badeh, malawin ndra-in udu bwele-en ma iy lolo-ou. Buku sah? Taha sanuhun iy!”

Tarou ta Jon 8:48

Iri Juwis asehek sahou boto-on i ta Jises i buku doh, “Ahi asehek handru, ou ndramak ndra-in badu Samariya, malawin ndra-in udu bwele-em.”

Tarou ta Jon 7:20

Iri lau asehek sahou i tan i buku doh, “Ou kede-eh balik udu bwele-em. Are lau handru anya kidi ou amak?”

Metiu 10:25

Arile, buku none ari ndramak ta akohok tanan asahan buku none ndramak ta leheya iy, mwasin. Ya buku none ari bonyo-ou asahan buku none ndramak ta atondrok iy, mwasin. Iri lau tinan badu Isra-el tondrohani jo tama boho kamen, nyarak Belsabul. Ya idoh ado katana ado, iri kameh tondrohani nyara ado i le ndra-in labai, tasah, ado lau mwan ma badih an hamon tek.”

1 Korin 9:27

Jo bwidi badak amwenen i buku bonyo-ou tek. Jo a-um badak amwenen ta amekes iy kabadok ta bahun. Jo amekes i buku doh, tasah, kora-on jo kasehek sahou mwasin kili tiri mwan ma badih rayah, ano Kindrei kameh asehek eme tek i buku doh, “Ou ndramalin mara-ei.”

Aposel 26:24

Pol asehek sahou tan kahis le, arile Pestus eme sokolowa iri sahou tan, ma arah anya, “Pol, balem ndra-au, tanan tam tinan labai, ma bwidi ou asahan lolo-ou!”

Metiu 9:34

Arile, iri Parasi anya, “Iy atikah malawin ndra-in iu tasah, tinan tiri malawin ndra-in badeh, edeu boto-on ili tan ta amekes lakou doh.”

Metiu 11:17

‘Aso oloh bala eu ta molak ewek tado, arile ado bada mana bwe; ya aso ayah wari ta kabek, arile ado bataya bwe.’ ”

Tarou ta Mak 3:22

Iri lau ra-on ta leheya kandriyen tiri Juwis are Jerusalem ame asehek anya, “Jises badeh, Belsabul ndra bwele-en!” Iri ra-on ja anya, “Idoh tinan tiri malawin ndra-in edeu boto-on i tan ta atikah iri au.”

Tarou ta Jon 8:52

Ndrine iri Juwis irih ta sahou ta Jises, eme iri asehek sahou i buku doh, “Idah ahi ndratanan ndramwenen ai. Ou kede-eh malawin ndra-in udu bwele-em! Abraham ma hawe iri propet badeh, ndramak ndra bwena ndra-au. Arile ou anya ja, ‘Iy are lau iy anuhun ma iy in hamon ta leheya tek, iy winiyan bamak bwe.’