Metiu 11:11 - Nyindrou

¹¹ Jo tiye tado amwenen, Jon ta alomwa badeh sakalawi iri lau mari tine iri tuwi iri ereu kon munyak eme kala dah. Arile, are lau nyaran bwe, udu baha tondrok ta Kindrei eme kameh sakalawi nyara Jon ja.

Metiu 11:11 Referans Kwoze

Tarou ta Luk 7:28

Eme jo katiye kamwenen kewek tado, Jon badeh, sakalawi iri lau mari tine iri tuwi iri ereu kon munyak eme kala dah. Arile, are lau nyaran bwe, udu baha tondrok ta Kindrei eme kameh sakalawi nyara Jon ja.”

Epesus 3:8

Jo lau laleyah udu ndrokowa iri mwan ma badih ta Kindrei, arile iy tikisi jo, ma iy atehei jo ta atiye sahou mwasin ili tiri mwan ma badih badu leheleh. Sahou mwasin doh ta iri lakou marakon iri mwan ma badih winiyan akohok ta koha iri, buku iri a-en hamon ta Krais. Ma lakou doh kameh winiyan bano bwe.

Tarou ta Jon 1:15

Jon asehek nyala Jises. Iy anya, “Iy le adeh mene jo asehek taha. Jo anya, ‘Iy in hamon tek eme kameh, iy sakalawi jo ja, tasah iy bwena tek labai.’ ”

Metiu 5:19

“Ya are lau winiyan banuhun randra sahou nadu bwisik ta batanau malen bwe, ma iy leheya lau ta iri ka-en hamon ta kandriyen tan doh, iy winiyan basahan bala tinan bado ta tondrok ta Kindrei, bwe. Arile, are lau none ma leheya lau ta iri kanuhun ma kamekes batanau malen, iy kameh, aloh nyaran i tinan handru udu bolo tondrok ta Kindrei.

Metiu 3:11

Jo alomwa ado na gwa ta leheya ado badeh, ndratubuni ndrine ado ma ado tikisi kandriyen ndra-in tado. Arile ndramak ari in hamon tek eme kameh, boto-on tan badeh, sakalawi boto-on tek ja. Jo badeh, mwasin handru bwe, ta bwese ku-i katin bwe. Iy kameh inyu ado na boto-on ta Malawin Ndrabun ma aleben ado buku jih.

Tarou ta Luk 9:48

Ano iy tiye i toro, “Ya buku none ari ndramak abudon jo, ya iy aseben ari nadu nah bwisik buku nah le dah, badeh iy aseben jo. Ma are lau oro aseben jo, badeh oro aseben Kindrei iy nane suni jo eme dah. Tasah, are lau nyaran bwe udu bolo ado kameh, iy doh kameh nyaran i tinan labai.”

1 Pita 1:10

Iri propet mene ndrasehek nyala iri kandriyen ta tikisiy nane ndrasahan taha. Iri badeh, takaleh ta atanan kati sahou ta Kindrei i buku doh: Tasah, iy anya kakohok taha kame hamon ja.

Hiburu 11:40

Tasah, mwena mene Kindrei lowosani lakou ari doh mwasin labai tataha marakon. Eme iy bwalen ta iri lau mwan ma iri badih mwena doh kasahan mwasin kare mwena tataha. Iy aso-ok taha badeh, kasahan mwasin labai hawe iri, ma taha marakon ka le se kakohok lakou nane iy ndralowosaniy tataha.

1 Korin 15:9

Jo badeh, nadu bwisik labai udu bolo iri aposel. Jo asehek i buku doh, tasah jo bwena mene amekes bahun ma adai iri lau ta Kindrei. Idoh le bwidiy, eme, udu budon tek anya, jo nadu bwisik labai ta aha aloh jo buku aposel.

1 Korin 6:4

Tasah handru aha adeu iri ndra-i ma tebelese taha ili hawe ndramak ta anuhun sahou, iy nane tanan Kindrei bwe?

Tarou ta Jon 10:41

Ma iri lau solo-an labai adek ame hawen. Iri ame asehek i tan, “Jon badeh, bamekes ari lahou tinan ma kalem bwe; iri sahou marakon iy asehek nyala iy ndramak doh badeh, marakon amwenen le.”

Tarou ta Jon 3:30

Krais kameh kasahan kabin, ma iri lau marakon ka-en hamon tan. Jo kameh kudu le bahandran.

Tarou ta Jon 5:35

Jon badeh, buku sun anya lomadan tinan labai. Len sabe le badeh, aha sekesek ta lomada sun tan.

Tarou ta Jon 1:27

Iy in hamon tek eme kameh jo bala winiyan ta talou malou ta molowa ku-i katin bwe.”

Tarou ta Jon 7:39

Jises asehek nyala Malawin Ndrabun. Buku are lau iri atehei budon tiri in tan, hamon kameh iri akohok Malawin Ndrabun. Udu ndra bada len doh Jises bala hamon bala kandrah, ta Kindrei leheya lomadan i tan bwe le. Eme ma Malawin Ndrabun bame andri bwe.

Epesus 2:3

Taha marakon mene badeh, asahan buku iri mwan ma badih doh, ma taha an ndra hamon ta so-ok ndra-in ta budon tataha malen. Ya, taha ndra-en hamon tiri lakou marakon, bada taha ma budon tataha anya kamekes. Taha ado buku le aliy, ma taha kameh winiyan akohok ndramas ndra-in doh, buku iri mwan ma badih rayah ba-en hamon ta Kindrei bwe.

2 Timoti 1:10

Arile, na len nane kada-ah, Krais Jises iy ndramak ta akohok taha ame hamon badeh, ndrasahan ndrame lewan. Ma ta gok doh badeh, iy amekes tataha, tikisiy ta Kindrei badeh, ndrasahan ndrame lewan mara-ei. Krais Jises mene apwai boto-on ta imek, tasah taha amak badeh, malawi taha bandra-i bwe. Buku taha anuhun sahou tan mwasin ma atehei budon in ta aliy, taha kameh winiyan akohok kohan handru ta udu le buku doh, ma bada taha winiyan bandra-i bwe.

Tarou ta Luk 1:15

Ya udu mada Kindrei, iy kameh asahan ndramak ari tinan handru. Iy sa-un waen hawe gwa boto-on, ndri-iy labai. Atehei iy eme len le badeh, iy kameh idih na Malawin Ndrabun.

Metiu 3:1

Udu bolo oro len doh Jon ta alomwa eme bwena atiye sahou ma asehek sahou udu bolo kon lomale an ta Judiya.

Metiu 11:10

Eme sahou torowenei udu bolo buk ndrabun tiye i buku doh, ‘Jo kameh suni ndramak ari ewek bwena tam. Iy kameh atehe san tam.’ Malakai 3:1

Metiu 11:12

Kala mene Jon ta alomwa leheya sahou ta Kindrei eme winiya na len dah, iri lau solo-an ta bahun abo gok boto-on labai ta tiyani tondrok ta Kindrei keme bolo munyak, ya iri anya kasuni ari lau ta ereu bwena tiri.