Metiu 10:7 - Nyindrou

⁷ Ado kala kasehek nyala iri buku doh, ‘Mirihik kameh Kindrei eme atondrok iri lau badu kon munyak.’

Metiu 10:7 Referans Kwoze

Aposel 28:31

Iy banoh bwe ta asehek nyala tondrok ta Kindrei i tiri, ma iy leheya iri ta sohowa Laban Jises Krais.

Metiu 3:2

Ma iy asehek i buku doh, “Aha katobolowe ndrine aha, tasah tondrok ta Kindrei ndrame mirihik.”

Tarou ta Luk 9:60

Arile Jises tiye i tan ja, “Iri lau amak badeh, kado gwek. Idah kameh, iri lau badu hawe iri barala bara-eh iri. Arile, ou badeh, adek ala atiye sahou ta nyala tondrok ta Kindrei.”

Metiu 4:17

Udu bada len doh Jises asehek sahou ma bwena handru, eme ma iy tiye i buku doh: “Ado katobolowe ndrine ado, ma ado katikisiy handru ta kandriyen ndra-in tado, tasah tondrok ta Kindrei ndrame mirihik.”

Tarou ta Luk 16:16

“Sahou ta nyala batanau mene Moses torowenei hawe iri sahou tiri propet badeh, sendrehendreh ta aliy kabatana le Jon ta alomwa, kabwe. Ya, sahou mwasin ta nyala tondrok ta Kindrei badeh, ndratiye udu kabatana Jon ta alomwa, eme taku idah. Eme lau mari badeh, atuw iri alih bolon.

Tarou ta Luk 9:2

Ano, iy tiye oro au ala atiye sahou mwasin, ta nyala tondrok ta Kindrei, ma kamekes iri sik kamwenen.

Tarou ta Mak 6:12

Jises asehek sahou ano, ya oro lau tan au ala atiye sahou tan i tiri lau mwan ma badih. Oro asehek i tiri i buku doh: “Aha katubuni kona aha kili tiri kandriyen ndra-in marakon taha, ma katehei budon taha kili ta Kindrei le ari.”

Aposel 10:25

Eme Pita ili bolo asiu le badeh, Koniliyus asumon iy, ano iy i andri na bwili ndru-un ta sekesek iy.

Aposel 4:2

Ya ndrine iri badeh, ibolosen i toro aposel. Tasah, oro badeh, leheya iri lau ta nyala Jises Krais ndramak ndrame awas ja ta imek tan, eme ma iri lau mari ale kameh winiyan amak ame awas ja ta imek tiri.

Tarou ta Jon 3:2

Na ben ari Nikodemus ili anya kasehek sahou hawe Jises, eme ma iy asehek anya, “Ndramak ta leheya, ahi tanan, ou badeh, Kindrei suni ou ame ta leheya ahi. Ou badeh, ado hawe Kindrei ame. Ari ndramak winiyan bamekes kalem hawe lahou tinan buku ou amekes kede-eh bwe, tasah Kindrei badeh, udu hawen.”

Tarou ta Luk 9:6

Eme oro ala kon ari ari, ala aliy atiye sahou mwasin, ma amekes sik tiri lau badu heh, badu heh, iu.

Metiu 23:13

Jises asehek sahou ja i buku doh, “Ado lau tanan ta batanau malen ma ado Parasi, mada ado kaleu! Sisi-in laba tinan doh kameh ewek bwele-e ado! Ado kalime ado la-uh! Tasah, ado ndrasulu-i kou ta ala bolo kon mwasin udu kandrah ereu mada iri lau. Ado ale winiyan bala bolon bwe. Ya, buku none iri lau anya kala bolon, ado aturuk san tiri.

Metiu 21:43

“Ya jo asehek tado, Kindrei kameh kuhi tondrok tan ereu mine aha lau badu Isra-el eme hamon, ya iy kameh atehei ili mine iri lau ra-on ja ale winiyan a-en hamon ta so-ok tan amwenen.

Metiu 21:31

Ya uru nah ma la-uh doh are lau handru in hamon ta budon ta tama uru?” Eme oro lau nane anya, “Nadun kadok.” Eme Jises tiye toro i buku doh, “Jo asehek tado handru, iri lau ta akohok luk ta takis taha ma hawe iri badih ta madasarah kameh ala bwena ala bolo tondrok ta Kindrei.

Metiu 11:1

Jises tiye sahou ili toro lau tan ma ronoh la-uh ano, iy ruwani kon nane, ya iy edek ili bolo iri kon tinan loboho Galili. Ya iy leheya ma asehek sahou nyala Kindrei ili tiri.

Metiu 10:8

Ado kala kamekes kamwenen iri lau abo sik, ma ado kamak iri lau ale ndramak, ma kamekes kamwenen iri lau sik lepra udu bada iri, ma ado katikah iri malawin ndra-in udu la-u iri lau ki-iu. Lakou ado ndrakohok dah, ado akohok laleyah, ma sihinen bwe. Ya ado ale kadeu laleyah kili tiri lau mwan ma badih. Ado sakohok luk ta gok ado amekes, ndri-iy.