Metiu 10:5 - Nyindrou

⁵ Jises suni oro lau tan ma ronoh la-uh ala, ma iy atehei sahou i toro i buku doh, “Ado sala bolo kon ale iri lau badu Isra-el bwe, ndri-iy. Ma ado sala bolo kon tinan tiri Samariya.

Metiu 10:5 Referans Kwoze

Tarou ta Jon 4:9

Eme iy badih badu Samariya asehek sahou i tan i buku doh: “Ou badu Juwis, jo badih badu Samariya. Buku sah handru ou ndremenya jo ta gwa?” (Iri Juwis badeh winiyan bala hawe iri Samariya bwe.)

1 Tesalonaika 2:16

tasah iri amekes san ta aturuk ahi, ta sala satiye sahou ta Kindrei sala tiri lau badu leheleh. Handru, iri baso-ok ta Kindrei kakohok iri kame hamon bwe. Eme ma, len marakon badeh, iri amekes kandriyen ndra-in ili solo-an udu le gwek, buku ndramak asuni gwa ili bolo bwesam irek labai, ma anya kamou. Eme ma, Kindrei ibolosen ili tiri, ma maha-an hawe ndramas ndra-in ta kandriyen iri nane amekes, iy ruwaniy eme andri amwenen ili bwele-e iri.

Tarou ta Luk 17:16

Iy eme morahani iy udu kati Jises edeu wurah i tan. Ma iy ndramak nane doh badeh, badu Samariya.

Aposel 10:45

Eme ma iri Juwis ta asan ku-i iri, atehei budon tiri in ta Jises, ado hawe Pita badeh, boho iri asak ta Malawin Ndrabun amou laleyah i tiri lau badu leheleh ale.

Tarou ta Luk 9:2

Ano, iy tiye oro au ala atiye sahou mwasin, ta nyala tondrok ta Kindrei, ma kamekes iri sik kamwenen.

Aposel 1:8

Arile, ado kameh akohok boto-on na len Malawin Ndrabun kameh ewek la-u ado; ma ado kameh atiye sahou tek ili Jerusalem, ili Judiya, ili Samariya, ano kili kon munyak mari.”

Tarou ta Jon 20:21

Jises tiye toro ja, “Mondrei kudu hawe ado. Buku le tama suni jo eme, ma jo suni ado ta ala bolo kon munyak.”

Tarou ta Jon 7:35

Iri Juwis rayah asehek amunum le ili tiri ari ari i buku doh, “Iy ndramak kede-eh anya iy kameh ili kon rakon doh, kameh taha winiyan basilahei iy bwe. Iy kameh ilih saba kon handru? Kora-on iy ki-iu kili bolo kon tinan tiri Grik, iri lau tataha rayah ado aliy? Kora-on iy kili kaleheya iri nadeh?

Tarou ta Jon 4:5

Iy eme ili kon ari udu bolo Samariya iri aloh Sikar, idoh udu mirihik ta nadu munyak sese mene Jekop atehei ili ta nadun Josep.

Tarou ta Luk 10:33

Arile, udu ja, ndramak ari badu kon Samariya edek eme amwenen ta ndrahune ndramak dah udu aliy, iy atou ndramak doh. Eme iy tikisi ndramak doh, labai.

Metiu 4:15

“Munyak ta Sebulun ma munyak ta Naptali, san amwenen ili ndras amwenen le ta Jodan. Ya Galili badeh, munyak tiri lau badu leheleh,

Aposel 8:1

Na len doh Sol badeh, udu aliy anyolom ale ma iy tiye iri ta kadai Stiben kimek. Eme na le bolo len doh badeh, iri lau mwan ma badih nane manyah ado bolo kon tinan Jerusalem amekes ndra-in labai, ili tiri lau nane atehei budon tiri handru in ta Jises, eme ma iri akohok sisi-in laba tinan labai. Eme ma iri atobwak au ala loboho kon munyak tinan Judiya hawe Samariya. Arile, oro aposel le badeh, batobwak bwai.

Tarou ta Jon 8:48

Iri Juwis asehek sahou boto-on i ta Jises i buku doh, “Ahi asehek handru, ou ndramak ndra-in badu Samariya, malawin ndra-in udu bwele-em.”

Tarou ta Jon 4:20

Tama ahi iri badeh, atudun nyara Kindrei udu bwele-e mandrei kodo-on. Arile aha Juwis asehek Jerusalem badeh, kon ta atudun nyara Kindrei.”

Tarou ta Luk 10:1

Udu hamon ta idoh ano badeh, Laban tiye i toro lau ma ndro tonoh la-uh (72) le, ano iy suni uru la-uh, la-uh a se, ala mwena tan ala bolo iri kon tinan ari ari, ma hawe iri kon kameh iy ilih aliy.

Metiu 22:3

Ma mwena handru iy atehei sahou ili tiri lau kame ta nyamon ta tasou ta nadun. Ya, na len ta nyamon amwenen iy suni oro lohowan tan ala kaloh iri kame ta nyamon. Arile iri bwale iri.

Tarou ta Mak 6:7

Eme iy luhi oro lau tan ma ronoh la-uh ame hawen, eme iy tiye oro la-uh la-uh a se, ma eme iy suni oro au ala bolo kon mara-ei ta atiye sahou mwasin ili tiri mwan ma badih. Ma iy ale edeu boto-on i toro ta atikah iri malawin ndra-in iu.

Tarou ta Luk 9:1

Ano, Jises luhi oro lau tan ma ronoh la-uh ame hawen, ano iy edeu boto-on i toro, ta atikah iri malawin ndra-in ka-au hawe edeu boto-on i toro, ta amekes iri lau sik udu tiri kamwenen.

Tarou ta Jon 17:18

Jo suni oro ta ala bolo kon munyak, i buku le ou mene suni jo eme andri kon munyak.