Metiu 10:42 - Nyindrou

⁴² Ya are lau atehei le ari bwiniu gwa i wa-i are lau laleyah badu hamon tek, mwasin, jo asehek handru ewek tado: Sihine i lau doh winiyan ba-au laleyah bwe.”

Metiu 10:42 Referans Kwoze

Hiburu 6:10

Aha tanan, Kindrei mwasin labai, iy ndra-in bwe. Iy kameh winiyan bamani gok aha amekes bwe. Aha suri aha ta aseben iri lau mwan ma badih tan, ma aha bamunyau se bwe. Idoh leheya, aha aso-ok Kindrei labai, eme ma iy winiyan bamani kandriyen doh bwe.

Metiu 25:40

“Ya kabin kameh asumon i buku doh, ‘Handru, jo tiye tado, buku none ou ndrabwidiy ndrala ta ari nadu tinek laleyah kede-eh, ou ndrabwidiy ndrame tek.’

Metiu 18:10

“Ado kabudon kamwenen. Kora-on ado anya ari ereu ndrokowa oro nah kede-eh lakou laleyah. Bwe handru. Jo asehek tado amwenen, ereu kandrah oro angelo toro badeh, len mari oro areu mada tama ereu kandrah.”

2 Korin 8:12

Buku aha aso-ok labai ta adeu lakou, mwasin, Kindrei aso-ok kandriyen badeh. Iy babudon ta lakou aha andriliu ta aliy, bwe. Iy abudon ta lakou badu bolo lokowa aha amwenen, ma iy sekesek le ta ndramas doh aha adeu.

Tarou ta Luk 6:35

Ndri-iy labai! Ou badeh, aseken iri lau ta amekes bahun i badam, ma ou amekes mwasin i tiri; ya buku ou adeu lakou, ou sabudon ta bundruwen. Badeh, ou kameh akohok ndramas mwasin labai, ma idah kameh ou asahan nadu Kindrei handru badu loken. Tasah, iy badeh, amekes mwasin i bada iri ta adeu wurah bwe, hawe lau ta kandriyen ndra-in ale.

Tarou ta Luk 17:2

Buku ari ndramak bwidi ari nadu nah kataku ki bolo kandriyen ndra-in, sebwe mwasin ta ndramak doh kasawei ari bek maha-an ki balen, ya kakahei iy katuh kili bolo ndras ki-in gwek ai.

Metiu 18:14

Buku le tama ado udu kandrah, iy bwalen ari nadu nah kede-eh samai.”