Metiu 10:41 - Nyindrou

⁴¹ Buku none are lau akohok ari propet ta Kindrei, ma nyowo-ei iy udu asiu tan, hamon kameh Kindrei akunoh iy, buku le sihine iri lau ta atiye bohon. Ya buku none are lau akohok iri lau mwasin ili asiu tan ma anyo-ou iri, hamon kameh Kindrei akunoh iri buku le sihine iri lau mwasin.

Metiu 10:41 Referans Kwoze

Hiburu 6:10

Aha tanan, Kindrei mwasin labai, iy ndra-in bwe. Iy kameh winiyan bamani gok aha amekes bwe. Aha suri aha ta aseben iri lau mwan ma badih tan, ma aha bamunyau se bwe. Idoh leheya, aha aso-ok Kindrei labai, eme ma iy winiyan bamani kandriyen doh bwe.

2 Jon 1:8

Ya, mada aha badeh, kaleu ta aha saruwani budon taha ta lakou nane aha awoyah ta aliy. Aha kales boto-on, ma hamon kameh, aha akohok ndramas laba tinan labai ta aliy.

Jenesis 20:7

Ya eme na le dan, badeh ou atehei udun ki hamon. Tasah iy badeh ndramak ta boho Kindrei iy kameh amwekes salom i tam, i buku bwe, jo tiye tanan tam ou kameh amak ma hawe iri lau tam mari.”

1 Korin 9:17

Buku jo atiye sahou mwasin, tasah jo le aso-ok ta atiye, jo kameh akohok ndramas ta aliy. Arile, buku Kindrei ndratehei jo, mwasin, idoh gok ta Kindrei atehei eme tek ta jo kamekes.

Metiu 16:27

Nadu Ndramak Awas kameh eme ma lomadan ta taman. Ya iy kameh eme hawe oro angelo tan. Na len doh kameh iy edeu ndramas i tiri lau mwan ma badih i le winiya le kandriyen iri amekes.

Metiu 6:18

Ya idah kameh iri lau winiyan baseleyani ado adeu ndrabun ili ta nyamon bwe, arile ili ta tama ado ala ado winiyan batou badan bwe, ya tama ado, iy ndratou saba lakou ado ndramesekei amunum le, ma iy kameh edeu sihine ado.”

La-ukei ta Pol atorou ili tiri lau badu kon Rom 16:23

Ma Gayus ale tiye sekesek tan ewek taha. Iy aloh ma atukum aso lau mara-ei ta Kindrei ala asiu tan, ma hawe iy atondrok aso. Ya Erastus ndramak ta atondrok luk ta kon tinan ma hawe nadu tine taha Kuwartus tiye sekesek turu ewek taha ale.

Metiu 6:6

Arile, ado anya kasolom, ado kala bolo asiu tado, ya ado kasulu-i kou kili, ma ado kasolom kili ta tama ado, iri lau winiyan batou iy bwe. Ano ya, tama ado udu kandrah ndratou ado amekes lakou i san kabwak, ma idah kameh iy edeu sihine ado.

Aposel 16:15

Eme iy hawe lowan oro mara-ei badeh, alomwa oro, ya eme iy kuhi aso ala asiu tan. Ma eme iy tiye i taso ma indrek aso anya, “I buku none ado lomondra jo badih ta budon handru i ta Laban eh, ado kame kado asiu tek.”

Metiu 6:4

Eme ma, saba lakou ado adeu i tiri lau ndra-in, ado katone kamai labai. Ya tama ado udu kandrah ndratou ado adeu lakou i san kabwak, ma idah kameh iy edeu sihine ado.”

Metiu 6:1

Jises asehek ili le i buku doh, “Ado kabudon kamwenen ta ado saleheya kandriyen mwasin tado sala mada lau ta lau kamasiye ado, ndri-iy. Ya, i buku none ado leheya kandriyen mwasin tado i mada lau ta iri kamasiye ado, ado winiyan bakohok sihine ado udu mine tama ado udu kandrah bwe.

Metiu 7:8

Tasah, iy are lau ndremenya, iy kameh akohok. Iy are lau asilah, iy kameh takalahei. Ya, iy are lau alim kou, ya kou kameh asak tan.

Metiu 25:44

“Oro kameh asumon i buku doh, ‘Laban na kahis aso atou ou amak son, deh, balem amar, deh, ou lau badu leheleh, deh, ou kolau ta taliye bwe, deh, ou abo sik, deh, ou a-en bolo kou, ya aso banyohan ma bawek batou ou bwe?’

Metiu 25:45

“Iy kameh asumon i buku doh, ‘Handru jo tiye tado, buku none ou bamekes bala ta ari ndramak laleyah kede-eh bwe, ou bamekes bame tek bwe le.’