Metiu 10:32 - Nyindrou

³² “Eme ma, are lau ale asehek ili tiri lau mwan ma badih buku none iy badu hawek, jo ale kameh asehek ta tama udu kon loken buku iy ndramak doh badu hawek handru.

Metiu 10:32 Referans Kwoze

Rebelesen 3:5

Buku are mwan o badih ale ales boto-on udu bolo bahun nane balik amekes i tiri, ma iri baruwani budon tiri handru bwe, jo kameh edeu awin belen ili tiri, ma jo kameh winiyan basokosowei nyara iri udu bolo buk tiri ta akohok kohan handru ta Kindrei ba-au bwe, arile jo kameh asehek nyala tama hawe oro angelo tan i buku doh: “Iri lau mwan ma badih dah badeh, iri lau tek handru ma iri a-en hamon ta sahou tek.”

1 Jon 4:15

Buku none ari ndramak asehek anya, “Jises badeh, iy Nadu Kindrei handru,” iy lau doh ereu hawe Kindrei, ma Kindrei ereu hawen ale.

2 Timoti 1:8

Eme ma, bwilim sama ta atiye sahou mwasin ta Laban tataha. Jo kada-ah udu bolo asiu lulik, tasah jo atiye sahou mwasin ta Laban. Eme ma, bwilim sama jo. Ou andrei boto-on ta Kindrei, ma ou alokou ou ta bwese maha randrah le, buku jo bwese maha-an ta bolo gok tek ta atiye sahou mwasin.

Rebelesen 2:13

Jo tanan, iri lakou ndra-in asahan kon nane aha are aliy badeh. Satan badeh, ndratondrokei iri mwan ma badih rayah badu loboho badeh, ma iy udu koyeu tan ma ndrasahan kabin handru! Bwena mene, iy ndramak Antipas badeh, iy ndramak ari ta atiye sahou tek, iy udu hawe aha, ma iy in hamon handru tiri sahou tek. Eme ma, iri lau badu loboho badeh, adai iy imek udu kon tiri lau ta Satan are aliy. Na len dah, aha baruwani budon taha udu tek bwe le. Aha badeh, a-en hamon tek kahis, ma aha batone budon doh bwe le.

Tarou ta Jon 9:22

Taman uru tinen asehek, tasah uru anoh iri Juwis. Iri Juwis ndratehei sahou ndra-en aliy bwena, i buku are lau iy asehek anya Jises badeh, Mesaya, iri kameh tikahei iy udu bolo asiu ta atukum tiri Juwis iu ili manan.

Metiu 25:34

“Ya kabin kameh tiye toro lau areu minen salin anya, ‘Ado kame, tama ndranyosowani ado. Ado kame kakohok ndrahune ado, tama ndralowosaniy kala munyak dah ma ha-un kahis le.

Tarou ta Luk 15:10

Idah kameh, i le buku aliy; iri angelo badu kandrah kameh sekesek ado mada Kindrei i buku none, ari ndramak katubuni ndrinen.”