Metiu 10:28 - Nyindrou

²⁸ Ado sanoh tiri lau ale winiyan idi bada ado na dah, arile iri winiyan badai malawi ado bwe. Arile ado kanoh labai ta Kindrei, tasah iy winiyan idi malawim ma badam udu bolo jih ale anya udu le buku doh.

Metiu 10:28 Referans Kwoze

Rebelesen 2:10

Hamon kameh, aha akohok sisi-in ma bwese maha-an, arile aha sanoh ta aliy. Aha kanuhun! Balik kameh atehei iri mwan ma badih rayah badu bolo aha ala bolo kou, ta none budon taha. Ma aha kameh akohok sisi-in ma bwese maha-an ili winiya le len ma ronoh. Arile, aha saruwani budon taha handru udu tek. Aha katawiy kihis budon taha handru kili, winiya le len iri adai ou amak. Ma idah kameh jo edeu taha kohan handru ta udu le buku doh, i nyara ndramas taha.

Jemis 4:12

Kindrei le adeh, atehei kandriyen malen i mine Moses, ya iy le ari badeh, ndramak ta anuhun sahou tataha. Ya iy winiyan sebenei taha, ma iy winiyan idi ndramak imek. Ya aha anya, aha sah bah? Ya aha orou sahou i bada lau rayah ja?

1 Pita 3:14

Arile, buku none aha akohok maha-an ma sisi-in ta kandriyen mwasin aha amekes, mwasin, aha kasekesek le kado. “Aha sanoh ta ari ndramak, ma aha sabudon sandra-i ndri-iy labai.” Aisaya 8:12

Metiu 25:46

“Ya oro kameh au ala bolo kon ndra-in, arile iri lau mwasin kameh au ala bolo kon mwasin.”

Hiburu 10:31

Taha kanoh Kindrei, iy boto-on labai ma kohan ta ere le buku doh. Kora-on iy kandruni kati ndra-in tataha, ta adeu taha ala ta mada sahou.

Metiu 10:26

Jises asehek sahou ili ja buku doh, “Ado sanoh tiri lau ale anya kamekes ndra-in ewek tado. Lakou mari ale aton kede-eh kameh asahan eme lewan, lau mari kameh anuhun ma atou na mada iri.

Hiburu 11:35

Oro badih rayah badeh, atehei budon toro handru in ta Kindrei, eme ma lowa oro badih nane ndramak, amak ame awas ja. Oro lau rayah mene ala bolo asiu lulik, ma iri lau ta amekes bahun badeh, bwidi bada oro mara-ei andra-i labai, amekes ili ili winiya le oro amak. Tasah, iri lau ta amekes bahun ndratiye toro, buku oro katubuni kona oro kili ta Kindrei, iri kameh winiyan tolowei oro au laleyah. Arile, oro bwale oro ta adeu kona oro i ta Kindrei, eme ma oro aso-ok ta are ndra bolo asiu lulik, winiya le oro amak. Oro abudon anya, oro kameh amak are bolo lek toro ame awas ja, ma oro kameh akohok koha oro mwasin labai ja.

Aposel 21:13

Arile, Pol tiye i taso ja i buku doh, “Buku sah? Ado satikisi jo, ma ado satehei tikisiy badeh, same tek. Ado kanuhun, jo banoh ta ili bolo asiu lulik ili bolo kon tinan Jerusalem bwe, ma jo banoh bwe ale, buku iri anya kadi jo, tasah jo asehek nyara Jises, iy tinan labai. Eme ma ado winiyan batawi jo ta udu ja bwai.”

Metiu 5:22

Arile jo katiye handru, i buku none are lau andra-i i hawe nadu tinen, iy kameh ales ili ta mada sahou tinan, ya are lau tiye ili ta nadu tinen i buku doh: ‘Ou badeh, mwasin ta laleyah le,’ ya idah kameh ou ala ales a ta mada sahou tinan ta kansol tiri Isra-el. Ya are lau tiye ili ta nadu tinen i buku doh, ‘Ou lolo-ou,’ ya idah kameh mirihik ou ales ala bolo jih.

Tarou ta Jon 5:29

ma iri ame len ta bolo lek tiri. Are lau iri amekes mwasin kameh ales ta akohok kohan handru winiyan bano bwe. Iy are lau iy amekes kandriyen ndra-in, iy amak, ano iy ales udu ta mada sahou, ma iy kameh akohok maha-an ta iri kandriyen ndra-in nane iy amekes.