Metiu 10:23 - Nyindrou

²³ Ya buku none are lau mwan deh badih badu saba kon tinan amekes ndra-in ewek tado, mwasin, ado katobwak kala kon tinan ari ja. Jo asehek sahou handru ewek tado, ado winiyan babwidi gok dah bano bwe udu bolo iri kon tinan badu Isra-el, ya jo Nadu Ndramak Awas ta Kindrei kameh eme hamon ja.

Metiu 10:23 Referans Kwoze

Metiu 16:28

Jo asehek sahou handru ewek tado. Lau ra-on ales areu bolo to dah kameh bamak bwe, ya iri kameh atou Nadu Ndramak Awas eme hamon ma atondrok kon munyak i buku kabin.”

Aposel 17:10

Ano kon ilik le badeh, oro lau ta Kindrei suni Pol uru Sailas au ala kon Beriya. Uru ala asahan badeh, uru ala ndrahu atukum tiri Juwis.

Aposel 8:1

Na len doh Sol badeh, udu aliy anyolom ale ma iy tiye iri ta kadai Stiben kimek. Eme na le bolo len doh badeh, iri lau mwan ma badih nane manyah ado bolo kon tinan Jerusalem amekes ndra-in labai, ili tiri lau nane atehei budon tiri handru in ta Jises, eme ma iri akohok sisi-in laba tinan labai. Eme ma iri atobwak au ala loboho kon munyak tinan Judiya hawe Samariya. Arile, oro aposel le badeh, batobwak bwai.

Tarou ta Mak 13:26

Ano iri lau kameh anyolom Nadu Ndramak Awas asahan ereu bwele-e asi kandrah, ma boto-on tan ma lomadan tinan labai.

Tarou ta Luk 21:27

Ano amwenen ta lakou doh, asahan kameh, iri lau kameh anyolom Nadu Ndramak Awas asahan ereu bwele-e asi kandrah, ma boto-on tan ma lomadan tinan labai.

Tarou ta Luk 18:8

Jo katiye tado kamwenen, iy kameh anuhun sahou toro ma sebenei oro suwi labai! Arile, i buku none jo Nadu Ndramak Awas keme hamon keme kon munyak dah ja, jo kameh winiyan silahei iri mwan ma badih nane atehei budon tiri handru in tek, deh bwe?”

Tarou ta Jon 7:1

Ano badeh, Jises edek in bolo kon Galili. Iy bwalen edek ili bolo kon Judiya, tasah iri Juwis badeh, atondrok ta adai iy kimek.

Metiu 26:64

Jises asumon bohon anya, “Ou ndrasehek badeh kabwai. Arile jo tiye tado, hamon kameh ado anyolom Nadu Ndramak Awas kameh manyah udu loboho lim salin ta Kindrei iy boto-on labai, ya iy kameh udu bwele-e asi jor badu kandrah eme.”

Metiu 24:30

“Hamon ta aliy, idah kameh kalem ta Nadu Ndramak Awas asahan bolo kandrah, ya lau mari badu munyak kameh aden, ma iri kameh atou Nadu Ndramak Awas asahan ereu bwele-e asi kandrah, ma boto-on tan ma lomadan tinan labai.

Aposel 17:14

Eme na le liliy nadu tine Pol oro ame badeh, suni iy ili mada ndras. Arile, Sailas uru Timoti are Beriya are gwek.

Metiu 25:13

“Eme ya, ado kanyolom kamwenen, tasah ado tana ado bwe, saba len, ma saba mada an handru, kameh iy eme hamon ja.

Metiu 24:48

Arile, buku none iy lau ta gok ndra-in katiye anya, ‘Ndramak ta asiu doh kameh winiyan bame suwi bwe,’

Metiu 24:27

Len ta Nadu Ndramak Awas eme hamon kameh mada lau mari atou iy. Iy kameh eme buku le kalik anya ereu rai, lau areu ndra jaha kameh atou ale.

Metiu 23:34

Ado kanuhun kamwenen! Jo kameh suni iri propet ma iri lau budon tiri mwasin ma iri lau tanan mwasin ta leheya ado, ame atou ado. Arile ado kameh adai iri ra-on amak ma atahi iri ra-on ala bada kei tondreh, hawe iri ra-on kameh ado ubwi iri na malou an bolo asiu ta atukum taha. Ya ado kameh sobolon iri ereu bolo kon tinan taha ma oro kameh sakaliye au ala kon rakon ja.

Metiu 4:12

Na len Jises anuhun iri ndratehei Jon ta alomwa ndrala bolo kou, iy iu ili Galili ja.

Metiu 2:13

Udu bada len oro anya ka-au le badeh, angelo ta Kindrei ari eme tiye ta Josep udu bolo ameh na ben. Iy tiye i buku doh, “Ou amak! Ou andrei iy nah hawe tinen, ma ado katobwak ka-au kala Ijip. Ado kado gwek winiya jo le baratiye ou, tasah Herot kameh asilah iy nah dah ta idi iy kimek.”

Aposel 20:1

Udu hamon ta sarakau tiri ano badeh, Pol suni sahou i toro lau atehei budon toro handru in ta Kindrei ame. Ya eme iy batanau oro. Ano ma iy edek iu ili Masadoniya.

Metiu 16:27

Nadu Ndramak Awas kameh eme ma lomadan ta taman. Ya iy kameh eme hawe oro angelo tan. Na len doh kameh iy edeu ndramas i tiri lau mwan ma badih i le winiya le kandriyen iri amekes.

Metiu 23:36

Jo asehek sahou handru ewek tado, sohowa iri kandriyen ndra-in doh kameh ewek bwele-e aha lau mwan ma badih ale kede-en.”

Metiu 24:34

Jo tiye tado handru en! Iri lau rebesem areu kede-eh kahis na len dah kameh bamak bwe le, iri lakou mari doh kameh asahan.