Metiu 10:22 - Nyindrou

²² Ya iri lau mari kameh baseken ado bwe, tasah ado badeh, an hamon ta sahou tek. Arile, are lau ales boto-on, ma baruwani budon tan ba-au tek bwe, winiya le len ta maha-an doh ano, Kindrei kameh andrei iy eme hamon.

Metiu 10:22 Referans Kwoze

Metiu 24:13

Arile, are lau tawiy ili isos munyak ano, Kindrei kameh winiyan akohok iy i hamon ja.

Jemis 1:12

Kindrei kameh winiyan nyosowani ou are lau, buku ou ales boto-on handru ta bwese iri maha-an. Ma iy kameh edeu kohan handru i ndramas i tiri ta udu le buku doh. Kindrei badeh, ndratandrakan ndrala tare lau nane atehei budon tiri mara-ei in tan ma aseken iy labai.

Rebelesen 2:10

Hamon kameh, aha akohok sisi-in ma bwese maha-an, arile aha sanoh ta aliy. Aha kanuhun! Balik kameh atehei iri mwan ma badih rayah badu bolo aha ala bolo kou, ta none budon taha. Ma aha kameh akohok sisi-in ma bwese maha-an ili winiya le len ma ronoh. Arile, aha saruwani budon taha handru udu tek. Aha katawiy kihis budon taha handru kili, winiya le len iri adai ou amak. Ma idah kameh jo edeu taha kohan handru ta udu le buku doh, i nyara ndramas taha.

Tarou ta Mak 13:13

Ya iri lau mari kameh baseken aha bwe, tasah aha badeh, an hamon tek. Arile, are lau tawi iy ili isos munyak ano, Kindrei kameh winiyan akohok iy i hamon ja.

Metiu 10:39

Iy are lau iy atehei budon boto-on ta amekes manyah tan kudu mwasin, iy winiyan batakalahei kohan mwasin bwe. Arile, are lau anya ki-in hamon tek, ya iy babudon ta kohan nadah bwe, iy winiyan akohok manyah mwasin hamon.”

1 Jon 3:13

Eme ma, aha nadu tine, mani aha satur, ma aha samaliye ndri-iy, buku none iri lau ndra-in badu munyak amekes ndra-in, ma bahun ewek taha.

Metiu 24:9

“Ano, iri kameh ateu ado, ma a-um ado, ma adai ado amak. Iri lau badu kon munyak tinan mari kameh baseken ado bwe, tasah ado an hamon tek.

La-ukei ta Pol atorou ili tiri lau badu kon Rom 2:7

Iri lau rayah amekes gok boto-on ta a-en hamon le ta kandriyen mwasin, tasah iri anya kado bolo lomadan hawe masiye ta Kindrei, ma iri ale anya kakohok kohan handru winiyan bamak bwe. I tiri le kameh Kindrei winiyan edeu kohan handru ta udu le buku doh.

Hiburu 6:11

Budon tahi tinan labai ta aso-ok aha marakon kamekes gok boto-on ki buku le doh, winiya le len hamon. Buku aha amekes iri lakou i buku doh, saba lakou aha nane abe-en, kameh asahan handru.

Tarou ta Jon 17:14

“Jo ndrasihidi iri sahou tam marakon ndrala toro, ano iri lau badu kon munyak baso-ok oro ja bwe. Tasah oro badu kon munyak bwe, i buku jo ale badu kon munyak dah bwe le.

Galesiya 6:9

Eme ya, taha sawoyah ta amekes kandriyen mwasin; ya, i buku none taha baruwaniy bwe, badeh kameh, taha akohok ndramas ta aliy na len hamon. Idoh i buku ndramak ta bilin akohok sali nyamon ta lahou boto-on mene iy amekes.

Tarou ta Luk 6:22

Ou are lau, iri lau amekes budon ndra-in i tam, ya iri bwale iri ou, hawe iri aluhe, ma hawe iri kaloh ou anya malawin ndra-in udu la-um badeh, ou sekesek, tasah ou badeh, an hamon ta Nadu Ndramak Awas!

2 Korin 4:11

Ehe, ahi badeh, amekes gok ta Jises, ma ta iri len marakon ahi ado awas are kon munyak dah, iri mwan ma badih badeh, none ta adai ahi kamak. Arile, ahi bamak bwe le, ma idoh leheya iri mwan ma badih, buku koha Jises badeh, udu bolo oda ahi, oda ahi doh badu kon munyak le.

Metiu 5:11

“Sekesek handru ewek tado tasah, iri lau asehek sahou ta bobose ado ma iri adai ado ma iri asehek sahou ndra-in handru ta wasai ewek tado, tasah ado a-en hamon tek.

Rebelesen 2:17

‘Buku ndranye aha udu aliy, jo aso-ok aha kanuhun saba lakou handru Malawin Mwasin asehek ili tiri lau ta Kindrei. Buku are mwan o badih ale ales boto-on udu bolo bahun nane balik amekes i tiri, ma iri baruwani budon tiri handru bwe, jo kameh edeu niri mana, amai labai udu kon tek. Ma jo ale kameh edeu bek belen mara-ei i tiri ari, ari. Ma udu bwele-e bek doh, jo kameh torowenei nyaran ha-un udu aliy. Ma ari ndramak ja winiyan bala tanan ta kati nyaran doh bwe. Are lau, iy nane akohok bek doh, iy le kameh winiyan i tanan moson ta aliy ai.’ ”

Tarou ta Jon 7:7

Ndrine iri lau marakon badu kon munyak winiya bandra-i bawek tado bwe. Ndrine iri kameh andra-i eme tek, tasah jo asehek kandriyen ndra-in iri amekes.

Tarou ta Luk 8:15

Arile, buwa wit taku udu munyak mwasin badeh, i buku oro lau anuhun sahou ta Kindrei, eme oro tawi sahou doh, udu ndrine oro ihis labai, ma udu le udu, oro ato-ou sali oro mwasin.

Rebelesen 3:21

Ya, buku are mwan o badih ale ales boto-on udu bolo bahun nane balik amekes i tiri, ma iri baruwani budon tiri handru bwe, iri lau doh, jo kameh tiye iri kame hawek ma katondrok iri lakou marakon hawek, i buku tama aso-ok jo kamanyah kudu hawen ta atondrok lakou marakon.

Rebelesen 2:7

‘Ya, buku ndranye aha udu aliy, aha kanuhun saba lakou handru Malawin Mwasin asehek ili tiri lau ta Kindrei! Buku are mwan o badih ale ales boto-on udu bolo bahun nane balik amekes i tiri, ma iri baruwani budon tiri bwe, jo kameh tiye buku doh, iri kameh winiyan akohok nyamon badu ta kei nane edeu kohan mwasin ili tiri mwan ma badih. Kei doh badeh, udu bolo bilin ta Kindrei udu bolo kandrah.’ ”

Hiburu 3:14

Ma bwena mene to atehei budon tato in ta Krais. Eme na dah, to katehei iri budon tato mari kihis handru kudu winiya le to baramak. Buku to amekes ili buku doh, idah kameh to akohok lomada Krais, ma to asahan kawas tan handru.

Rebelesen 2:26

‘Ya, buku are mwan o badih ale ales boto-on udu bolo bahun nane balik amekes i tiri, ma iri baruwani budon tiri handru bwe, ma iri ale ta amekes lahou na so-ok tek winiya le gok tek ano; jo kameh edeu boto-on ili tiri, ma iri kameh asahan tinan are bwele-en labai ja tiri mwan ma badih badu kon munyak tinan mara-ei.

Aposel 9:16

Jo amwenen kameh leheya iy ta iri maha-an ma sisi-in, iy kameh bwese ta nyarak.”

Rebelesen 2:3

Aha badeh, ndra-en hamon tek, ma aha ndratawi nyarak ndrahis mara-ei. Eme ma iri lau badeh, amekes ndra-in ewek taha. Arile, aha badeh, ales boto-on labai, ma bwese iri maha-an mari doh, ma jo tanan aha bawoyah ta aliy bwe.

Tarou ta Luk 21:17

Ya iri lau mari kameh baseken ado bwe, tasah ado an hamon tek.

Tarou ta Luk 21:19

Arile, i buku none ado le kabadok ado, idah kameh, ado le winiyan sebenei koha ado handru.