Metiu 10:19 - Nyindrou

¹⁹ Buku none iri atehei ado ala ta mada sahou, ado sabwerei, ta saba san ado kasehek sahou, ma ta saba sahou kameh ado kasehek. Ado sabudon sandra-i, ndri-iy. Na len doh amwenen kameh Kindrei leheya ado ta saba sahou kameh asahan boho ado ta ado asehek.

Metiu 10:19 Referans Kwoze

2 Timoti 4:17

Arile, Laban ndrame ndrales ndrare hawek, ma iy atadau jo. Eme ma, jo mene winiyan atiye iri sahou mwasin marakon, ma iri lau badu leheleh marakon winiyan anuhun. Ma Kindrei mene aseben jo, ma iy andrei jo eme len ta sahou laba tinan doh. I buku iy ndraruwi jo ndrame len ta lihi layon.

Tarou ta Luk 12:11

“Ya, i buku none iri katehei ou ales are ta sahou, are bolo asiu ta atukum deh, iri katehei ou ales are mada iri lau ta atondrok kon, badeh, ou sabwerei ou, ta saba sahou kameh ou asehek ta aliy. Ado sabudon sandra-i, ndri-iy.

Jemis 1:5

Buku none rayah lau areu rewa ado, aso ta budon mwasin, oro badeh, kasolom ki ta Kindrei, ya Kindrei winiyan sebenei oro. Tasah, Kindrei ale edeu lakou solo-an eme tataha lau, hawe iy winiyan edeu budon mwasin ewek taha, ya iy winiyan babolosen bala tare lau nane ndremenya iy ta budon mwasin bwe.

Metiu 6:31

Ya ado sabudon sandra-i ma satiye sala buku doh, ‘Aso kaimon saba lakou bah? Aso ka-un sasah bah? Ya aso kadeu saba lakou bah?’

Metiu 6:25

Jises asehek ili le i buku doh, “Idah jo katiye tado, ado sabwerei ta manyah tado, saba lakou kameh ado aimon, ma saba lakou kameh ado a-un, ma ta bada ado ale, saba lakou kameh ado kataliye. Sebwe koha ado sakalawi nyamon, ma bada ado sakalawi kalawi ado, neh?

Pilipai 4:6

I buku none ado bwese maha ta abudon solo-an, ado satikisiy ndri-iy. Arile, udu bolo maha mari badeh, ado kasolom ki ta Kindrei ya ado kasehek bolo maha tado ki tan hawe kadeu wurah ki tan ta aliy.

Aposel 6:10

Arile, Malawin Ndrabun badeh, edeu budon mwasin i ta Stiben asehek sahou, ya oro winiyan basehek sahou bala tan bwe.

Metiu 6:34

Ya ado sabudon ta len bi-i, tasah len bi-i badeh, tan lomondra ma lahou tan labai. Kora-on aha kandruni maha-an ta bi-i ja, iy kameh sakalawi lakou nane ou abudon boto-on labai ta aliy na len dah.”

Metiu 10:18

Handru labai! Iri kameh seheyani ado ala mada iri lau ta atondrok, ma hawe iri kabin, ma iri kameh atehei ado ala ta mada sahou. Idoh le, ado winiyan leheya sahou tek ili tiri, ma hawe iri lau mwan ma badih badu leheleh ale.

Tarou ta Luk 12:12

Na le bolo len doh kameh Malawin Ndrabun kameh leheya ou ta sahou ou kameh asehek.”