Metiu 10:14 - Nyindrou

¹⁴ Buku none ari ndramak basekesek ta akohok ado ala asiu tan bwe, ma basekesek ta anuhun sahou tado bwe, mwasin. Ya buku none ado ruwani asiu deh kon nane, ado katuruhi kasu on ma ndren ta kati ado ki-iu, ma ado ka-au.

Metiu 10:14 Referans Kwoze

Aposel 18:6

Eme iri Juwis abolosen i tan ma bobose iy badeh, iy turuhi awin tan i mada iri ma asehek i tiri i buku doh, “I buku imek asahan tado, ado sato-en ai. Lahou tek ndrano. Kabwai, udu kabatana dah kameh, jo kameh iu ili bolo iri lau badu leheleh ai.”

Aposel 13:51

Eme uru atoroh kasu ndren ta bada kati uru iu ta leheya budon turu i tiri, ma uru ruwani Antiyok ma au ala Ikoniyum.

Tarou ta Luk 9:5

Ya, i buku none ado kala, ya iri lau basekesek ta akohok ado ala asiu tiri bwe, ya buku ado anya ka-au, ado katuruhi kasu on ma ndren ta kati ado ki-iu, ma ado ka-au. Ya eme ta kalem doh iri kalomondra ta kandriyen ndra-in tiri.”

Tarou ta Mak 6:11

Ya, i buku none ado asahan rakon kon, ya iri lau badu kon doh basekesek ta akohok ado ala asiu tiri bwe, ma iri basekesek ta anuhun sahou tado bwe, ya buku ado anya ka-au, ado katuruhi kasu on ma ndren ta kati ado ki-iu, ya ado ka-au. Ya eme ta kalem doh iri kalomondra ta kandriyen ndra-in tiri.”

1 Tesalonaika 4:8

Eme ma, lau banuhun sahou doh bwe, iy batehei konan bala ta ndramak le bwe. Iy atehei konan ili ta Kindrei, ma Kindrei edeu Malawin Ndrabun tan le amwenen ewek taha ta aseben aha.

Tarou ta Jon 13:20

Ado kanuhun, jo tiye tado handru, are lau iy akohok ma aseben ndramak nane iy amekes lahou tek, idoh i buku none le iy akohok jo ma aseben jo ale. Ma are lau akohok jo, idoh i buku none le iy akohok Kindrei iy suni jo eme dah.”

Tarou ta Mak 9:37

“Ya buku none ari ndramak abudon jo, ya iy aseben ari nadu nah bwisik buku nah dah, badeh iy aseben jo. Ma are lau oro aseben jo, badeh, oro baseben jo le bwe, arile oro ale aseben Kindrei iy nane suni jo eme dah.”

Metiu 18:5

Ya buku none ari ndramak abudon jo ya iy aseben ari nadu nah bwisik buku nah dah, badeh iy aseben jo.”

Tarou ta Luk 9:48

Ano iy tiye i toro, “Ya buku none ari ndramak abudon jo, ya iy aseben ari nadu nah bwisik buku nah le dah, badeh iy aseben jo. Ma are lau oro aseben jo, badeh oro aseben Kindrei iy nane suni jo eme dah. Tasah, are lau nyaran bwe udu bolo ado kameh, iy doh kameh nyaran i tinan labai.”

Metiu 10:13

Ya buku none oro lau badu asiu nane sekesek ta akohok ado, mwasin, sahou tado mwasin kudu la-u oro. Arile, buku none oro basekesek ta akohok ado bwe, mwasin, ado kakuhi sahou tado mwasin nane keme hamon ja.